本來琴晚約好亞明去亞芳屋企搬雪櫃返嚟，點知連果部雪櫃都打柴！唉！

                   當萬念俱灰嘅時候，幸運星就降臨啦！佢將我嘅難題解決晒！佢咪係我嘅好家姐囉！

        點解每當我將會有意外之財嘅時候，就一定有嘢壞！點解次次都要左手嚟右手去！莫非呢d就係宿命主意！

                另外，我發覺亞勝原來一啲都無變，都係成日發女瘟！

                           話說佢琴晚突然打電話嚟問候我，我當時都o晒咀！o咀還o咀，我竟然好天真諗佢不過係關心兄弟！

                                  之後迷底終於打開啦！佢個哈囉勝叫我比張Hello Kitty門簾佢，佢仲話掛起屋企！

                                        咪玩啦！早唔掛遲唔掛，係要而家掛，咪當我白痴啦！

                                             於是我叫佢從實招來，佢先話係比條女！接著我叫你去死啦，條女想要你未去買囉，街無咪上網Bid囉！你條女又唔係我條女，關我叉事咩！總知你要我啲嘢嚟冧女就咩都無！

            條死粉腸真係死性不改！有錢有時間冧女，就無時間搵工，無錢還比我，佢真係唔死都無用！

                                 好彩我早兩日遇見choloe，佢嘅燦爛笑容，佢嘅回眸一笑，使我有喎心嘅感覺！使我將琴日嘅忿怒一掃而空！