經歷咗大家樂呢幾個月嘅歲月，使我明白到我係仲可以回到過去！

  因為我仲可以應付日常嘅工作！起初我仲擔心未必適應，話晒十幾年無做快餐！

                原來擔心嘅係多餘，我好快就習慣啦！

                               原本我會繼續做，但可惜現在仲未係時候轉全職！唯有等多幾個月再返去啦！好彩儀姐話留返個位等我歸位！

               始終儀姐係最好的！我跟佢真係好有安全感！所以我當初拒絕油塘，點都要跟儀姐開新鋪嘅決定係啱！

                                我最估唔到嘅係，我一講唔做，個業理即刻話升我做副理！

      有一刻我係心動咖！當回個神來，我就放棄呢個想法！

             一來為屋企，最重要係我由一個兼職店務助理，短短四個月就升做副理，所有人都會唔服！我寧願等幾個月，堂堂正正返去做副理！

        遲幾天我就回大家樂開工，不過今次有啲唔同，我係跟儀姐！

                          跟住儀姐總覺得安心好多，可能我們相識已久，又可能儀姐係我師傅！有佢係到總覺得窩心！

                其實我而家先返去大家樂，會唔會浪費咗好多光陰呢？我12年前已經係一個分店主任啦！如果我堅持唔走，我而家一定係經理啦！

                            我而家要說服自己，沒有以前，只有由頭嚟過，何況我都唔係由零開始！

                  做咩職位都唔重要，最重要係$，我要好好記住！

                         其實可以跟返儀姐係我一路所想的！唔知點解佢給我多一份親切感，呢份感覺第二個上司搵唔倒！總知我所學我所識嘅，全部都係佢教！佢係我嘅人生導師，人生最尊敬嘅上司！

              當一切都好順景嘅時候，就必然會有壞事發生，點解呢？

                               我上個月遇到前所未見嘅好運，就係連中三次六合彩及遇見我一直期待嘅儀姐，而又找到工！我都唔敢相信禁好運之際，壞事就發生啦！

                       首先嫲嫲過身，接著今日媽媽又入咗醫院，最慘就係嫲嫲頭七未過，個個就狗咬狗骨，仲要推我去參與，話甚麼長子的孫，舊時又唔見有人講！唉！真係物極必反！

          一副玻璃面具，終有一日會被打碎，問題係遲定早！

                          而呢一副家姐面具，終於被打破了！格仔當然萬念俱灰，而我又可以學倒好多嘢，真係<今日VIP>！

                 當初我都被[家姐]嘅鄰家女子形象呃倒，但後來我覺得佢嘅設定有啲過份，係過份地完美！過份地乖！我打死都唔信，一個30出頭，又久歷職場及堅樂讀書嘅新婚婦人，未曾夜蒲、唔明粗口意思，唔煙唔酒！真係當我76咩！

                                            面具終歸都係面具，任你點好戲都會真情流露，當流露真性情之後，所有虛假謊言都被不攻自破！所謂嘅唔飲酒，唔代表唔識飲酒！雖然呢一招我一早就識同我一直都用，但有啲白痴都仲上當！

              另外有一日我們一班同學如常去麗晶食Lunch，唯一唔同就係格仔無去！

                       食完找數嘅時候，家姐竟然問{呢度需唔需要加一}，我話{你第一日嚟呢度食呀}，佢竟然話{我都未比過錢}，最後佢都係要比錢！

                                     我心想，白痴都知茶餐廳係無加一㗎啦，想我出聲話我比，佢都痴心妄想！我請亞俊、亞麒都唔請佢啦！

                           所以話日日聽吓[家姐]嘅金句，就真係日日都係陳永業！(我今日真係學倒好多嘢呀)

         7月10號的我, 帶著疲倦的身軀來到大貓日記！

Why 疲倦？   咪就係上再培訓班囉！

                              我見得閒有時間，咪心血來潮去學整餅囉！結果仲有西餐學，因為個亞sir係西廚出身！

                   我呢班有好多騎呢人，ex:美國隊長、吹水皇、四十歲、班長、宅男、剷青、港女！不過都認識到好多朋友，ex:亞敏(家姐)、亞棠(格仔)、亞俊(𡃁仔)、亞聰(肥仔)！由期同亞俊最啱傾，還有亞敏！亞敏貌似二十幾，實際已經三字頭，真係我估不到！最驚嚇就係亞敏竟然同惠儀係同一間小學，同一條屋邨，還有係佢讀堅樂、我讀隔離嘅梁季彝，即刻好似校友重逢，話當年！不過亞棠即刻目無表情，鬼叫佢對人有意思！明知係有夫之婦都有意思，佢都痴痴哋！

                                無可否認亞敏係一個好人，做朋友係一個最佳之選！

             可以嘅話我都想keep 住呢個朋友！

                               好疲倦，下回再講！