星期四收到一個惡耗，就係家姐入咗廠，經檢查後話可能係咩多發性硬化症！又話呢個病無得醫，只會越來越差！醫生仲話呢個病喺香港好旱見，病人不出100個！我嘅心情即時沉重了，大獲啦，好似一公升眼淚！接著我feel倒姐夫好無助，家姐好驚恐！此時我覺得我好無用，咩都做唔倒，好似透明人，可有可無！

                不過，原來真係天無絕人之路！一個那樣旱見嘅病，竟然亞芳就係認識一個病友！而且仲得知只要中西合壁，加上針灸就會好轉！雖然唔會痊愈，但係就肯定唔會越來越差！仲有可能會好轉！原來我唔係一d用都無！家姐知道後心情都好了，姐夫亦是！

        希望佢哋經歷過呢次考驗之後，往後嘅路就平坦、康莊！

          尋晚我、亞明同亞勝去咗街市食晚飯，故友敍舊當然係滔滔不絕啦！呢d場面已經好幾年未試過，只因呢幾年各有各忙，難得三兄弟敍首一堂，當然要珍惜啦！不過我相信呢d機會，往後會繼續！因為亞明轉咗工，得閒咗，所以有時間一齊食飯！

                有一件令我驚訝嘅事，就係街市大排檔嘅老闆娘居然認得我，仲問我是否結咗婚，又問我亞華現在怎樣？嘩！我都成兩、三年無嚟啦！仲認得我！勁呀！

                       時光倒流十幾年前，我、亞華、亞明等等成日去街市食飯，一齊把酒談歡，無所不吹！但自從各有家庭之後就好小再去啦！嗰d我、亞華、亞明、亞勝、肥茵成班一齊去街市食飯、飲酒嘅日子，已經不會再有啦！

       而家剩下我、亞明、亞勝三個，我已經覺得好滿足！因為我哋仲可以經得時間嘅考驗，一齊把酒談歡！

        昨晚亞芳終於返港，佢一心諗住所有事都安排晒，只係剩下公屋租約未完成，點知突然殺出一個曦客，就係佢亞媽！唉！突然出現一定唔方有好嘢！好彩亞芳鐵石心腸趕走佢，如果唔係就大把手尾跟！呢個人突然出現肯定知公公走咗，就嚟想份一杯匙啦！點解世界上會有呢啲要錢唔要女嘅亞媽咖！

                原來威猛先生嘅威力係勁厲害，不論天花發霉，定係牆身發霉，一噴就無晒！無端端仲咩用威猛先生，就一定係屋企發霉啦！不過最重要係要証實呢支嘢有無校！就係威猛先生，令我知道姐夫嗰大家姐生腸癌！絕大可能係鬱病，因為大家姐要返工，又要照顧有肝病嘅奶奶，仲要照顧低能嘅老公細妹。嘩！超人都出事啦！

            睇過呢兩件事之後，我就覺得我一家係好幸福，雖然我一家唔係一個完整嘅家，但係成家人都和睦共處，無份您我，無份大細！成家人又健健康康，所以突然覺得我係身在福中不知福！

           呢個禮拜開始我又放悠長假期，本來係一件好開心嘅事，但係我覺得好唔習慣，因為終日無所事事，又唔知做咩好！好想有工返，因為習慣咗返工嘅生活，突然間無工返，感覺好想死！唉！真係犯賤呀！有工返嘅時候又唔想做，唔洗返工嘅時候又好想返工！

               亞忠選擇回歸津津！佢做得正確，此終大嘅唔食細嘅都要食，無理由同錢鬥氣！不過佢知道呢度只喺避風塘，將來有好d嘅選擇就會離開！因為由此至終，津津都唔係一間好做嘅公司！

        比喺以前，現在嘅生活悠閑好多（即係悶好多）！每日準時一點半就落樓下慢跑，大約三點回家，日日如事！無端端做咩跑步，因為我驚我又會變回肥佬，所以要keep住個身形！

        上個禮拜四、五返咗津津替兩日工，最辛苦係晨早4點幾要起身返工，其他嘢都無想象中辛苦！可能係朝頭早d生意仲比我想象中還要差！飯市時間就真係好靜，靜到我九留留唔知做咩好！老闆仲居然話旺咗d，吓！咁都叫旺咗d，死得啦！其實咁嘅生意額，只要早更、夜更分工合作，d出品一定可以做得更好！仲有就係，我發覺早更d同事好怕死，咩都寧願唔做、唔講，都好過做錯、講錯！一間咁無生氣嘅公司，無咩交流嘅工作環境，又點會開心呢！

                 另外老闆又叫亞忠返去做，即係話炒亞勝啦！原本亞忠都唔願返去做，因為『好馬不吃回頭草』，但係我就話『好草不怕回頭吃』，何況佢而家失業，就算呢份工唔係『好草』都要做住先，最多未『騎牛搵馬』囉！搵倒份更好就走囉！正所謂自己唔食，屋企人都要食！

           其實係我主動話比老闆知亞忠失業，可能係我多事咗，但係我知道老闆雖然口臭，其實都好想幫亞忠！點都好，起碼亞忠有工返！

                好煩呀！老闆又問我有無興趣做長工。咩叫有無興趣呀，價錢又唔肯講，一d誠意都無，講佢糞忽牙！所以我都廢事理佢！