端午節又到啦！即係話夏天又到啦！每當夏天來臨時，最開心一定係潼&謙，因為又放暑假啦！
不過對於家姐嚟講，我諗佢都唔想放呢個熱浪假期！因為有得放呢個假期，就代表佢未病好！所以佢一定唔想要放呢個假期！
坦白講，我相信佢一定可以康復，只係時間問題！仲有係我哋比佢嘅支持，鼓勵！
有時我唔知點形容姐夫好，話佢唔關心家姐？又唔係！佢好關心家姐？又唔覺！好似佢永遠喺唔適當嘅時間做唔適當嘅嘢，喺唔適當嘅場合講唔適當嘅說話！總之係詞不達意！
當然有時要我幫姐夫補獲，係有d唔高興！但係始終都係一家人，算啦！
有時又覺得姐夫孩子氣，大唔透！點解我會錦樣講，因為佢嘅家姐不幸生癌，而佢家姐頂唔順化療，唔肯再食西藥，姐夫就唔彩佢家姐！
雖然我知道姐夫緊張佢家姐先會動氣，但係最重要係佢家姐開心，令佢感受家人對佢嘅支持、無限量嘅關心！唔係無謂嘅鬥氣！我亦都知道姐夫家接二連三發生好多不幸事，好難接受得到！但係作為一家之主、一個細佬，點樣頂唔住都要繼續頂！點樣唔開心，點樣擔心都要扮開心、扮無事！因為只要有一個人可以頂得住，大家就有倚靠，有倚靠就有力量，有力量就咩困難都可以克服！
點都好，我知道姐夫係愛每一個家人，只不過係唔識表達！ |
