當以為一切都很順利，原來只不過喺暴風雨嘅前夕！最唔想見倒嘅事終於發生！潼潼證實患思覺失調！當初我知道之後覺得好無奈，點解會咁！我到底做錯啲咩，點解我會有咁多考驗、咁多難關要過！點解要係我最親嘅人，一次係咁、兩次都係咁！可唔可以比我過啲平凡嘅生活！我沒可能承受一次又一次嘅突變！後來同亞勝傾訴之後，好多鬱結都惜放出來！其實喺一件好事嚟！現在問題不大嘅時候知道，及時處理，仲有得改變！最重要潼潼會講比我知佢嘅情況，我會識點處理！我深信呢一關好快會雨過天晴，好快會見倒雨後陽光！

  經歷過咁多次考驗、難關，承受過無數次風浪嘅我！如果沒有亞勝、亞明和亞華呢幾個好兄弟，我都唔會可以撐到現在！我嘅生命無咗呢幾個兄弟嘅名字，就沒有我嘅存在！

  亞勝、亞明講得對！點辛苦都要撐，一直撐落去！呢個世界沒有解決唔倒嘅事，只有唔肯解決問題嘅人，逃避問題嘅人！雖然難過，但總要過！雖然難受，但總要接受！謝偉恆，加油！加油！加油！

  終於有三日假期啦！又可以過吓悠閑生活，享受天倫之樂，及可以陪潼潼度過生日！

  本來上星期日諗住邀請嘉儀來潼潼生日會，可惜開口之際聖經婆來了，使我沒有機會講！還有嘉儀以為我40歲。唉！人家我只不過32歲姐嗎！所以我hurt咗好耐！都係慢慢來，費時嚇壞嘉儀，令佢以後唔上嚟我屋企就唔好啦！

  原來不經不覺已經係津津做了半年，已經由新同事變成舊同事！已經由一言不法變成滔滔不絕啦！不過無變嘅喺亞激仍然喺亞激，仍然喺每日一激！佢只不過遲我一個月入職，但係到現在都係每日有嘢錯！其實我、亞強、亞忠等等都好遷就佢，可惜佢唔知，仲以為公司上下都蝦佢！老實講，我未見過一個人喺一間公司裡做咗5個月仍然有嘢錯！都唔知佢有無帶個心返工！

  講起亞激嘅錯，真係頂佢唔順！明明亞強已經將a餐張單放起碟面，佢都可以攞第二張單！明明喺菜心走蠔油，佢又可以落蠔油！明明喺冬華田，佢又可以攞咗張熱奶茶單！我和亞強有時仲要幫佢記啲咩單打咩單！真係比佢激死！亞強話應承咗老婆要幫吓佢，唯有忍！你話，人家嘅老婆都禁關心佢，仲話人對佢唔好！如果係出面啲餐廳，佢晨早比人炒咗啦！現在因為知道佢等錢開飯，又知道佢成日比人炒，最重要係老闆都遷就佢！因為知佢環境唔好，幫得就幫。其實老闆都有好人嘅一面！

  前幾天我終於見倒亞勝女友嘅真身，雖然係一個平凡嘅女子，但最緊要係亞勝鍾意！好可惜，女友嘅姑姐（亞激）令佢覺得驚恐！因為亞激比佢嘅壓力好大，每事都要管、都要理。其實係佢哋拍拖，又唔係亞激，關亞激咩事呢？作為女友嘅姑姐，緊張佢係無可口非。但係連幾時去街，去邊度都要理就太過份啦！又成日將自己嘅主觀感覺套用係佢哋身上！大佬呀！妳熱情唔代表佢哋熱情嫁，可能佢哋係慢熱呢！好啦！亞勝而家驚咗！我唯有話當係一個寶貴嘅經驗啦！

  有一日喺公司見倒一個亞叔食碗雲吞麵，食得津津有味，但係半個鐘後佢突然中風，不久警察傳來佢去逝嘅消息！短短一個鐘頭內，一個好正常嘅亞叔，就突然間死咗！接著我喺度諗，原來人嘅生死唔係自己可以控制，我哋要係有限嘅人生盡量做自己想做嘅事！唔應該顧慮太多！所以我決定要同嘉怡講清楚我嘅心底話！

  早幾日，我同亞勝去惠康買嘢！幸運地比我偶遇倒Elaine，佢回眸一笑嘅樣子，令我霎時着迷！當初為什麼我唔追佢呢？可能係我無發現佢嘅優點，又可能係我太多女性友人！最過份就係當年我知佢喜歡我，我又不當一回事！唉，算吧啦！

  接著我又遇倒亞Jane！果然係男人40一支花，女人40xxx！因為佢只係34歲姐，已經開始有老人斑！怪不得佢會突然結婚啦！

  及後我又遇見聖經妹，應該係林嘉儀！who？佢係來我家讀聖經嘅女仔囉！當時難得遇見佢，就同佢及潼潼去咗大家樂tea，其間我同嘉儀滔滔不絕，不過我又改不了口花嘅性格！感覺上覺得佢係一個幾好嘅女仔！

  唉！都唔知亞勝想點？又要去相睇，搵倒伴侶，又話無諗過結婚。麻q煩，無諗過結婚就唔好去相睇啦！佢又唔係唔知自己幾多歲，成三十五歲啦，仲以為自己係𡃁仔，叫佢慳啲啦！底佢成日無女朋友！無又話好慘，有又話條女迫婚！好Ｑ麻Ｑ煩呀佢！

  前幾天我終於買咗部新手機，係w705！勁靚仔呀！本來無諗過買，但係部死人廢柴w910i，真係頂佢唔順！

  早一排喺公司見倒個超級勁索嘅女仔，佢令到成間公司嘅男人唔識做嘢。因為個個都掛住望佢！突然間好想有女朋友，不過算吧啦！我唔係亞勝，我明知自己唔想及唔會結婚，費事曬時間啦！留多啲時間照顧家人及努力工作好過！