大貓部落
生活點滴
waihangtse : 個人主頁 - 相簿 - 訂閱  [ QOOZA - 論壇 - 登入 ] 人氣：553
waihangtse
暱稱： 大貓
性別： 男
國家： 香港
地區： 觀塘區
«‹ October 2026 ›»
SMTWTFS
123
45678910
11121314151617
18192021222324
25262728293031
最新文章
•大記歲月
•再遇大記
•物極必反
•玻璃(家姐)面具
•大貓再培訓
文章分類
•全部 (84)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數： 84
留言總數： 5
今日人氣： 6
累積人氣： 553
站內搜尋
RSS 訂閱
RSS Feed
2010 年 2 月 23 日  星期二   晴天


漫無目標 分類: 未分類

          突然之間都唔知為咩返工。為錢？我有呀！為前途？喺津津做有鬼前途咩！為將來？遲幾年潼潼、謙仔都成年啦，駛鬼我養咩！唔通為興趣？可能係！其實係為返工而返工！因為我都唔知為咩！

     喺我年少做大滿貫嘅時侯，我會幫自己定下目標！當目標達到又會定下令一個目標！當年就係那樣幫自己不段進步！所以好快就做到一個月入過萬嘅餐廳主任，當時我只係17歲！其實當時我同惠儀有個終極目標，就係開一間茶餐廳！呢個終極目標，喺我25歲嘅時候已經做到，不過惠儀見證唔倒！

                  連呢個終極目標都完成，雖然最後都失敗收場，但係我再諗唔倒有咩目標要達到！

       而家真係返工等收工，日日如事！

                               點解我d目標禁快完成！而家剩餘嘅目標就只有一家人和睦相處，佢哋兩個唔好學壞，開心快樂地成長！不過呢d都同我工作無關！所以都係唔知為咩返工？
發表時間：2010-02-23 01:58 AM  [ 訪客留言(0) ] [ 編輯日誌 ] [ 分享至FACEBOOK ]


2010 年 2 月 21 日  星期日   陰天


病到七彩 傷心 分類: 未分類

     呢個禮拜真係超涷呀！涷到我成家都病曬，我而家又勁傷風，辛苦到想死！但係仲要開工，真係好可憐！唔知係因為而家病定係其他嘢，我越來越唔想做呢份工！返到公司總係提唔起勁，可能真係要放吓假休息吓啦！

     雖然老闆對我超好，但係又如何呀！我由第一日返工已經知道我唔會做得長，因為我唔可以放棄…！最重要係我做嘢嘅性格根本無變過，仍然都係習慣指揮人、話晒事！如果轉做長工，我一定頂唔順佢哋啲手門，簡直不知所謂！到時我又辛苦，佢哋又辛苦，為咩姐！老實講，強哥同華哥都可以叫水吧師傅，我一定可以叫水吧師祖啦！兩個都係識少少扮代表，半筒水扮師傅！做得水吧師傅，就要d奶茶，咖啡好飲。連呢d基本嘢都做唔到，師傅、叫佢哋慳啲啦！所以我知道我唔應該轉做長工，無謂令佢哋失業啦！因為啲客人及老闆娘都讚我啲奶茶咖啡囉！其實只要用心去沖，所有人都可以沖倒一杯好飲嘅奶茶咖啡出來！
發表時間：2010-02-21 01:33 AM  [ 訪客留言(0) ] [ 編輯日誌 ] [ 分享至FACEBOOK ]


2010 年 2 月 16 日  星期二   陰晴不定


無心工作 分類: 未分類

          新年又來到了！但係我搵唔倒丁點喜悅，可能係工作上令我勁不滿有關！話說我喺年三十返12點，返到公司接了華哥手之後，先發現佢咩都無預比我，拍拍籮友就走！本來都算啦，但係嗰日又超級旺場，唔好話預貨，我連洗手嘅時間都無呀！大佬呀！我知嗰日好旺，但係應該要預返D貨比我先走呀嘛！老實講，如果要我park住佢做，我第一時間辭職！

    

發表時間：2010-02-16 01:06 AM  [ 訪客留言(0) ] [ 編輯日誌 ] [ 分享至FACEBOOK ]


2010 年 2 月 5 日  星期五   晴天


日久見人心 疑惑 分類: 未分類

  上個月得知前外父離世，本應生離死別係每個人必經嘅階段，但係睇見佢哋三姊妹在外父頭七未過就為錢狗咬狗骨，真係有點令人心痛！雖然亞芳好想keep住三姊妹嘅感情，但係其餘兩個都有私心、一個為間屋，令一個為錢，所以亞芳點樣做都孤掌難鳴！有時都覺得亞芳幾可憐，已經無亞媽，而家三姊妹都決裂，唯有祝福亞芳所有事好快就雨過天晴，接著就見到雨後陽光！因為仲有我屋企支持您，係永遠支持您！

  唉！遇見亞芳嘅事，我覺得有個家、有屋企人嘅關心係一件好幸福嘅事！原來屋企人嘅關心唔係必然，原來想有個家可以係好困難！所以我覺得現在我係超級幸福！因為我有潼潼、謙仔、媽媽、家姐等等…！

  令外我越來越憎亞强，因為佢好自私自利！雖然大家係拍擋，但係好多嘢佢都等我返工要我做！明明無咖啡佢都唔煲，明明無𣲙又唔加！大佬呀！大家都係水吧，咩都等我返來要我做，佢做咩叉嘢！成日講：『唔關我事，係華哥！』咩很嘢都唔關佢事，唔通關我事牙！做水吧啲基本嘢都唔做，係水吧都知上手要預貨比下手啦！唔怪得佢無朋友啦！
發表時間：2010-02-05 12:32 PM  [ 訪客留言(0) ] [ 編輯日誌 ] [ 分享至FACEBOOK ]


2010 年 1 月 17 日  星期日   晴天


新一年，新開始 愉快 分類: 未分類

 

  瞬間就嚟到新一年，果然真係有個新開始！因為醫生話潼潼無事，可能喺比護士嘅一席話嚇倒！無論點樣都好，總叫做放下心頭大石！而潼潼又回復本來嘅佢！

  另外老闆終於遲退亞激，公司同事竟然無一個同情佢（包括我），所以可以估計倒佢嘅人緣喺勁差！不過無辦法，鬼叫佢扮大家姐，鬧完一個又一個，所以就犯眾憎囉！本來老闆都容忍佢，但係因為佢成日喺啲客人面前鬧人，令到啲生意每況愈下，所以老闆就……！其實老闆都非常超級容忍佢，可惜佢唔領情！講真呀！邊道會有食市比員工放星期六呀！好彩現在又回復以前，生意滔滔不絕！

  唔知點解，津津越做得耐，越唔捨得呢份工！雖然有時會比啲同事激親，但係每一個同事及客人都好親切，尤其喺好多個客人都欣賞我嘅出品！但係做人要識得取捨，要知道無兩全其美，真係好煩！
發表時間：2010-01-17 11:47 PM  [ 訪客留言(0) ] [ 編輯日誌 ] [ 分享至FACEBOOK ]


« | 8 | 9 | 10 | 11 | 12 | 13 | 14 | 15 | 16 | 17 | »