今日喺一個不幸嘅日子，因為我病到九彩，個頭痛到就嚟爆，救命呀！喺以前我一生病緊有女性朋友關心我，甚至照顧我！突然好掛住佢哋！當初我點解要拒絕佢哋呢？其實我喺唔喺要搵過伴侶呢？我而家先31歲，人生仲有好長嘅路，所以我知道喺需要！但喺我又有仔女，好難先會遇到一個唔介意嘅伴侶！

唉！真抵死！以前有唔介意我嘅女仔，我又唔好好珍惜，而家先嚟……！所以大家要珍惜眼前人，唔好做一啲令自己後悔嘅事呀！

早一排，我見倒亞祺喺樓下公園獨坐，於是上前問過究竟！原來又喺感情煩惱！不過我越聽越覺得無謂，因為佢所話嘅問題都唔係問題！佢話覺得自己職位低過女朋友，又無女朋友身邊嘅追求者禁有錢，又要女朋友就佢食平嘢，覺得大家好似喺兩個世界嘅人等等…。我返問佢：你明知佢職位高過你，屋企有錢過你，當初又追佢！你無諗過嘅咩？而家唔係自卑嘅時候，因為佢一早都知你嘅環境，都願意同你一齊，可以証明你有優點啦！因為一啲無謂嘅大男人主義而放棄，值得咩？

聽咗呢件事之後，我發現原來情侶之間感情喺禁脆弱，點樣做先可以白頭到老呢？點解人總喺要計算、『道』忌呢？

前幾日食早餐嘅時候，我偶遇亞Jane，佢又靚咗！之後大家暢談咗好耐，好快就過咗一過朝早！其實當初都有啲衝動想追佢，可惜大家嘅生活習慣唔同，想要嘅嘢唔同！不過可以肯定大家喺相處嘅過程裡面，都喺用心對大家，呢一點已經好足夠啦！

仲有亞曼呢個人又出現喺我眼前！本來無咩特別，但喺睇見亞勝好似對佢餘情未了，真喺叫人擔心！

待續！

新年過後，現在又回復平靜！新年前後，又要佈置家居，又要出外拜年，又要在家守候親友，真喺忙過不停！

但係以前嘅新年，係無親友會來我家拜年！這個慣例，自從爸爸離開人世之後就完全改變啦！點解？我都唔知，亦無必要知！我只喺知道，家有一老，如有一寶；家有兩老，好鬼煩惱。自從爸爸離開之後，我家嘅感情增加不少，大家嘅關係融洽了好多！可能因為爸爸嘅病，大家嘅睇法唔同，磨擦自然多！

現在我一家（包括媽媽）及家姐一家每個月至少有兩次敍會！以前每年最多見兩次！所以我會珍惜同家人相處嘅時間！

最後，祝各位合家平安，身體健康！

今日本應係家庭日，但係佢哋都各有節目，只得我無節目。唉！

百無聊賴嘅我，瞓响梳化翻睇舊日記，回味一吓舊日的足跡、青春的氣息！真係百般滋味在心頭！回頭一望，我已由一個充滿傻氣嘅小伙子，變成一個咩都要理嘅全職爸爸！轉變之大連我都估唔到！

之後再翻看一頁頁嘅舊信紙，好友吳薇、同學少明、婷婷一一呈現眼前！讀書嘅生活真喺令人懷念！

原來我嘅仔女已經有4年無見媽咪，最奇怪就係佢哋一啲都唔介意。可能慣咗沒有媽媽的日子，又可能佢哋知道媽媽已令有家庭，所以.......！一切嘅事都係我錯，錯在我貪新忘舊、用情不專、我行我素！因為昨日嘅因，所以有今日嘅果！

其實我曾經都有再拍拖，但係總是忘記唔倒惠儀，直到亞茵嘅出現！我同惠儀喺一見鍾情，之後結婚！而我同亞茵喺日久生情，所以好唔同！最可笑嘅喺，我哋相識咗好多年之後先知佢一直等我！

亞茵係我在大快活工作時認識，當時覺得佢係問題少女，有時會一齊唱k，慢慢我哋就熟絡咗，之後發現佢原來喺單親家庭長大！所以佢有事搵我，我例必出現，但例必吵架！旁人話我哋似情侶，但我話我哋似兄弟，慢慢我哋由一個套餐兩份食，變成一杯嘢飲兩份飲！當時我竟然覺得無問題！直至其他人追佢，我竟然呻醋！可惜當我說句『我愛妳』嘅時候，佢話『我唔想失去你，所以對唔住』，起初我唔明，我鍾意佢，佢又鍾意我，有咩問題呀？後來我先記得在我哋相識嘅日子，我有無數嘅女朋友！不過亞茵已經有男朋友，一切已經無意義啦！但喺我好多謝佢比我呢段快樂嘅回憶！

嘩！好夜！待續！

零晨時份，夜欄人靜！一種寂寞嘅感覺又嚟啦！好怕！好怕有呢種感覺。因為每當我有呢種感覺嘅時候，我就事但搵個女仔拍拖！不過，人大咗諗嘢就唔同咗，係呢一刻，我竟然無諗呢樣嘢！

離離合合，合合離離，到最後都喺原地踏步！何必呢！有潼潼、謙仔、亞媽係身邊已經好滿足啦！雖然我家庭係單親，但係我哋從來都無秘密，一家人無分你我，我串吓你，你串吓我，HEHE哈哈又過一日！

有人話，單親對小朋友成長有好大影響！但係我反而覺得唔係！只要有耐性，及早話比小朋友聽，單親唔係罪過，問題出在爸爸、媽咪身上，唔係你哋！當然，一齊分享吓大家嘅感受，溝通多啲，就唔成問題！

我見倒有好多家庭雖然表面完整，但父母子女之間都無溝通！甚至陌路人錦！有時都覺得好可悲！點解人總係要失去先學識珍惜！

零晨2:00，下次再見！