琴日，佢哋兩個小魔怪係度吵架！為咩？咪就係為咗個下午茶囉！潼潼又話亞嫲屈佢，真煩！之後佢又講晒係學校嘅不滿，同同學相處嘅困難！我咪唯有慢慢分析比佢聽咩喺相處之道囉！
其實朋友之間喺要互相包容，互相忍讓，互補長短！每個人都有自己嘅諗法、自己嘅性格，自己嘅生活環境。無可能會有一樣嘅人出現，所以你覺得現在嘅同學相處得無小學同學禁開心都係正常！因為你哋不過只喺識咗幾個月，無可能禁快就知道大家嘅性格、習慣！可能你認為無相大雅嘅事，人哋會好認真！同一道理，你認為好重要嘅事，人哋會覺得小事一件呢！所以佢哋根本都唔知發生咩事，你哋一定要向對方了解，如果為咗一啲小誤會令彼此友誼破壞就不該啦！【以上就喺我同亞女所講嘅說話】
突然間令我諗起幾位知己！
人生得一知己死而無憾！何況我唔只得一知己，簡直係今生無悔啦！
程德勝（亞勝）雖然從前佢係一個好乞人憎，無責任心，有女咩都得嘅人！但係我喺佢身上學識謙虛！
盧繼明（亞明）雖然佢係一個只顧工作，無咩情趣嘅人！但係，我喺佢身上學識計劃同忍讓！
黃永華（亞華）雖然佢脾氣臭！但係，在我最失意嘅時候佢都會比我無限量嘅支持！
當然，我哋都有失落嘅時候！只要大家相聚一齊，所有煩惱都會一掃而空！因為我哋已經相識咗20幾年！由舊邨到現在廣田邨，由樓梯口到現在樓下花園，我哋嘅話題仍然滔滔不絕！而亞華，因為已經有家庭，所以相聚嘅時間唔多！其實我同佢，永遠都係貴精不貴多！
嘩！已經零晨2:00啦！下次再寫！
|
