今日係出糧日，原本就好開心，不過因為有d嘢又被亞勝講中，所以令我有d無奈！

                      亞勝話我一有d錢屋企就有嘢壞，今鋪輪到手電short short地！我唉！有無咁準呀！

               除咗呢樣嘢呢個月都無咩特別！

                                    唉！亞勝真係過份！問我借錢就咩都得，叫佢還錢就要我就佢，唔肯就想發脾氣！佢都有病，我病都突登去銀行攞錢比佢啦！叫佢去銀行攞返比我都唔過份呀！佢竟然想發我脾氣，離譜！

            前幾日聽亞忠講津津開始末日倒數，老闆親口話新年之後唔玩！聽聞小強陣都貓王，仲問忠仔手電號碼，話出面有路就關照吓喎！緊係啦！係人都知小強係一個廢柴水吧，你估佢自己唔知咩，就堅係好驚啦！

                 好彩我有聽亞明嘅說話，答應肥仔嘅邀請，如果唔係就真係兩袖清風囉！

         不過亞勝就叫我都可以繼續返津津做，佢話津津出年先唔做，仲有幾個月時間比你搵錢，怕咩返去做，可能你返咗去之後生意旺好多，到時佢又繼續做呢！雖然我知道我嘅實力可以幫佢帶旺生意，但係講到【救津大行動】就有點兒過份！

                   何況我想返去做，都唔代表有位比我做！雖然亞勝嘅意見都值得考慮！

              呢頭考慮津津，果頭又有新邀請，就係街市嘅曾記！不過我唔會考慮，因為曾記同肥仔屋企人反咗面，我唔會食兩家茶禮！

               上星期我陪家姐去眼科醫院睇醫生，結果當然話無事，開咗D眼藥水比家姐就that all，連覆診都唔需要！原本應該值得高興，但係佢明明睇嘢好矇，醫生又話一D事都無，太過似曾相識啦！

                       我擔心嘅係佢就嚟舊病復發！因為我知道呢個病復發之前係隻眼有事先，最重要係每復發一次，病情又會嚴重一次！希望呢一次唔好講中！

           肥仔果邊，我已經返咗四日，比我預期中輕鬆，又有講有笑！

                      我返津津久違嘅歡樂氣氛，終於喺肥仔銘果道搵返！所以肥仔果道可以長做！

                            下一步就係津津，睇吓幾時時機成熟就返去做夜晚兼職！

          另外我越來越頂唔順亞芳，鍾意就打電話來，唔鍾意就影都唔見。大佬呀！邊有時間招呼佢呀！最火就係諗晚打電話比佢，佢竟然話我好11點禁夜打比佢！你估我想打比佢咖，係亞芳自己三日前話夜晚搵我咖！又話房協果道唔知點處理，搵我幫吓佢，最後反而比佢話好禁夜搵佢！

                           如果亞芳唔係謙仔、潼潼姨媽，我真係彩佢都傻！

        開學已經有一個星期，謙仔好似仲未回魂，而且態度其差，令我開始擔心佢！因為佢嘅態度，令我呢幾日都要教訓佢！其實我都唔想，我教訓完佢之後我都好辛苦！我諗我要控制吓自己嘅情緒！

                         潼潼就轉咗一間新學校，開頭我都驚佢難適應，但係原來佢超快適應！第一日已經認識全班同學，第二日已經有同學主動約一齊返學，第三日已經有花名，第四日已經有同學等候佢，第五日已經成為全班焦點人物，速度之快令我有D驚訝！仲有系佢喺呢間學校超開心，放學返嚟勁醒神，呢點連媽媽都發覺！

                  我就有一個新開始！因為下星期開始我就去肥仔間茶餐廳開工！每日三粒鐘，之後仲可以返津津替工，到時兩邊做，幾好呀！

         上星期我返咗津津替工，今鋪係返夜，替亞強放假三日！

                        第一日亞忠已經喺我面前數落對亞強嘅不滿！

                      第二日，仆街呀！勁旺呀！做到我想死！

                            第三日好彩無咁旺，但係比我知道邊d係小人！仲要係超多果隻！

              整體嚟講，如果要喺津津做長工，就肯定要百毒不慚！因為夜更有太多小人！亞忠就係因為呢樣嘢所以越做越無心機！越做越不滿！小人甲亞強就係因為篤三叔公背脊，令到對方失業！當亞強滿以唯計劃成功之際，其實就係自尋死路！因為接手嘅亞姐被安排做扒爐，亞強自然就要做水吧啦！我曾經話過亞強係一個垃圾水吧，所以一做就見真章！老闆已經唔再信任佢！因為昨晚我再返津津替幾個鐘頭，老闆之前叫我，話如果亞強唔得就遲小小先收工！呢返說話我做禁耐都未聽過老闆講，反而呢一刻先講！所以我好肯定亞強已經步向死亡邊緣！

                      最後我同亞忠講，如果亞強繼續做水吧位，搵定第二份工都得啦！因為津津會比亞強K.O！

           點解d人唔識安份守己，係都要踩低別人，跆高自己呢？到頭來反而自暴其短！