4月16號，地獄的第一天！當我在5:20am踏入津津門口開始，就注定步向地獄邊緣！一個沒有泠氣的廚房，一個沒有風扇的環境，一個有等於無的抽風機，一份只有做、沒有休息的工作，我竟然可以撐倒8日！

    4月23號，地獄的第八天！當我在5:20pm步出津津門口開始，就注定今天係最美麗的第八天，因為我已經辭職！

                      呢8天令我明白一件事，就係量力而為！

                因為津津嘅工作環境，我真係撐唔住！

                           當初因為一個$字就以唯撐得到，但後來發現係兩回事！

         原來我已經並不年青，沒有了從前嘅魄力！

                          不過起碼我知道將來我應該搵咩嘢工作！

                  津津！呢個地獄廚房都係做替工先最好！

                我係呢度要向亞忠致敬，好佩服佢可以繼續堅持！

          話說上星期日，我又返去津津替工。呢次係替亞強，所以有機會拍三叔公做嘢！

                            佢一開工就扮晒大師傅，喺度話呢樣唔得、果樣唔掂！其實我都無所謂，因為唔關我事！我最火就係佢問亞忠呢d嘢係咪肥仔整，亞忠話係，接著佢竟然話垃圾！

                  我頂佢個肺呀！唔好以唯老人家就一定係大師傅啦！如果佢唔係老人家，我晨早就鬧爆佢！

                           起初我都諗人家可能真係大師傅呢！不過我飲完杯咖啡之後，呢個想法就徹底粉碎！簡直連華哥都不如！

          唉！吹噓自己有幾師傅級又如何，最後咪不外如是！

                                    本身我都明白佢好緊張呢份工，好驚無咗！但係需唔需要踩低別人，跆高自己呢？

                    其實一個真正嘅師傅，無論去都邊度，佢嘅手藝都會有人欣賞，無雖要做其他嘢！

                               雖然係替兩日工，但係我已經超唔開心，返工好似行刑！

               鬼叫津津嘅氣氛超差，請嘅全部都虛有其表，個個都心懷不軌【亞忠除外】！

                幾經辛苦終於撐到月尾！自月中失業之後每一日都好似度日如年，每逢午飯時間就更加辛苦，因為慣咗呢段時間開工殺緊檔！突然間要去返半退休嘅生活，真係超唔慣！

                          好彩我而家搵倒d世藝，就係每日陪媽媽出去唔同嘅地方買餸、食嘢！

            不過我唔想錦樣就一世，我唔想過半退休生活，我真係好想返工！

                      但係亞明話忍多兩年就可以啦，唔好因小失大！

            其實我都明呢過道理，但係心理同身理都習慣咗返工，最重要係返工嘅日子，時間過得好快，做人又充實咗、開朗咗！

                             兩年前嘅屋企，可能好多事情同家務都要我做！但係兩年後嘅今日，我發覺好多嘢都唔需要我做，甚至炒餸、洗碗都唔需要我啦！汶謙、潼潼都有幫手做家務，好多嘢仲有媽媽做，我要做嘅嘢就越來越少！本來係一件開心嘅事，但係一諗倒即係無嘢好做嘅時候，我就唔知往後點樣過！

               唔通呢兩年要無所事事錦過！

                          神呀！求您保祐我快d有工開，肥仔快d搵我開工啦！

                                                 因為有工開就有收入，有收入就可以儲錢，儲倒錢就可以實現我嘅夢想！開茶檔！

             新蒲崗肥仔銘之旅已經進入倒數階段，因為下個月中開始我又兩袖清風啦！

                                  其實我好唔捨得，不過無辦法，因為無咗一間鋪，唯有減少人手！

                    我真係無諗過呢份工作，只係得短短嘅五個月！

                             呢幾個月真係好開心，曾記一家好好人，亞峰又勤力，其他同事又玩得！

                  希望如我所願！好快又可以同佢哋再一齊工作！因為肥仔話如果做唔住就會搬鋪，到時就可能再搵我！

                              其實我早幾日已經知道下個月再唔需要我，但係肥仔好似唔好意思講！因為當初搵我返工嘅時候，我咩都無問、諗都唔諗就答應佢，所以佢唔好意思！但係要講嘅嘢點都係要講，佢竟然選擇係電話講，我都O 、 O哋咀！

              點都好，佢哋一家人都好好，由其係肥仔同曾穎文！

                新嘅一年又到啦！祝大家新年快樂！

                  新一年我當然希望有個新嘅好開始！不過有個新嘅好開始唔係我，而係亞芳！因為房協終於比佢換屋，佢終於可以去一個新環境過佢嘅新生活！雖然仲要等到三月先可以入伙，起碼叫做望見終點啦！

            我嘅新開始就一早已經出現！因為自從去咗肥仔銘開始，我嘅生活就改變咗！首先就係時間上，因為工作時段係中午，夜晚我可以返屋企享受家庭樂！第二係潼潼自從轉去邱子文讀書，佢就超活躍，做事又起勁，簡直變咗第二個人！第三就係媽媽，因為佢而家有亞婆陪佢，成日約佢去呢度、去果度，所以佢而家精靈好多！可以講係否極泰來！

                      我確相家姐可以痊愈，因為只要有信念，萬事有可能！

                  琴日亞勝終於蒲頭，見佢一副棕色頭髮，我就即係諗好心佢明知自己M字額，就咪去染頭髮啦！

                              再早兩日，我就約咗亞明吹水！其實係請佢三月後幫手搬屋，抹地！亞明當然兩脅插刀啦！另外我仲叫咗亞峰！為咗亞芳我已經盡力協助佢！