10:00am準備去亞喜屋企敍會,但係此時突然接到電話話嫲嫲失蹤，我便開始尋找嫲嫲之旅！
11:30am到達集合地點！
12:30pm分工完畢，開始出發！第一站西環大廈！
1:00pm到達第一站，遇上一個勁麻煩嘅大廈保安員，但因為有求於佢，我唯有忍氣吞聲！
1:30pm到達創業商場，我和卓琳開始原電車路貼尋人啟示！
2:30pm去麥記食嘢及小休！
3:00pm會合肥妹、浩偉！兵分兩路繼續貼啟示！肥妹、浩偉原電車路去中環，我和卓琳由皇后大道中去中環！
3:15pm我係一個燈柱貼完啟示後，被三個食環署職員包圍，叫我攞身份證！我即時喪鬧班食環署，『身咩份證呀，你望吓，咩嘢街招呀，係尋人啟示呀！』食環話：「唔好意思，我頭先無睇清楚！咁你報咗警未！」我話：『謹係報咗啦，等你呀！』食環話：「公眾地方係唔準貼嘢，你除返落嚟！」我話：『好！我唔唯難你，你教我係邊度貼！』食環話：「先生，你唔好唯難！」我話：『我唯難你？而家係你唯難我呀！你唔比我貼尋人啟示，我點搵返我亞嫲呀，我搵唔返我亞嫲係唔係你負責呀！』食環話：「先生，最多你貼私人地方呀！」
3:30pm經過一輪波折，終於去到機利文街！再由永樂街折返西營盤！
5:30pm可以做嘅嘢都做晒，我和浩偉搭車返藍田！
6:50pm返到屋企，準備食飯！
7:00pm電話響起，搵返嫲嫲！放下心頭大石！
P.S 原來係循警睇見皇后大道嘅尋人啟示之後，就係附近嘅公園搵到亞嫲！
|
