上星期五我提早收工，急急腳走去搭小巴，睇吓個鐘只不過喺兩點，當時我連午飯都未食！
點解走得禁急？無非都喺想見證一個歷史時刻！ 就喺潼潼嘅消防訓練營畢業禮！
到達集合地點，我哋成班家長就一齊搭旅巴出發去八鄉。因為今日喺玩驚喜，事前班同學喺唔知我哋會嚟，所以去到我哋成班家長要喺Canteen，唔可以出去！
畢業禮正式開始，喺以前睇電視d紀律部隊畢業，講到點樣感動，我一d都唔明，我仲諗佢哋晌呢道喊咩鬼姐！但係而家睇住潼潼畢業，我又有另一種感受！
雖然唔係真正嘅消防員畢業禮，但係睇住潼潼著住消防制服步躁出嚟，真係感動！
最感動嘅喺佢哋成班學員唱消防之歌『大無畏』嘅時候，可能因為歌詞到肉，我見到有d同學仔一邊唱一邊喊！
歌詞：大無畏 不管一切 為人永遠 不顧自危 熱誠為大眾 為人為到底 重重危難救大眾出重圍
為民眾 艱險不計 服從指揮 修養行為 熱情忘自我 在危難中 急智和大勇盡發揮
聞火警勇往直前 身手飽經鍛鍊 救世扶危未怕水深火熱 這赤膽忠肝為置安除危
除火災勇往直前 身手飽經鍛鍊 救世扶危未怕水深火熱 做到真正大無畏
呢一首歌講出曬所有學員嘅心聲！我聽潼潼佢哋唱連我都好感動！雖然潼潼攞唔倒金斧頭，但係呢一次訓練肯定令佢刻骨銘心！
我發覺d家長好似感動過d同學仔，有d一齊喊，有d好開心捉住亞sir狂影相！
今次訓練營喺有兩間學校參加，一間喺潼潼學校，另一間喺鳳溪一中！不過我哋學校出席畢業禮嘅家長，好明顯多過鳳溪一中好多！
後日潼潼又要接受另一樣挑戰，就係【承風航】海上訓練！今次我有d擔心，因為佢唔識游水，不過班主任話絕對安全，我唯有相信啦！
|
