今日係間學校第二日既迎新~唉~
放學前一個鐘就要去搵自己既導師,唉~
去到果時見到有個男人入左黎班房......
嘩!好ya!!!係男老師wo~正!
之後..........班房又入多個女老師..........
女老師就開始讀跟佢個組既名:
高xx,羅xx...................卓偉傑!?
頂!叫中我個名呀!心情由天堂打入冷宮
之後仲要同兩個女仔一組ar~~
個老師問我問題好似傻左
問:你讀邊間小學?
答:....................
問:你最叻邊科?
答:打機
問:.............................
最後.............我連手提電話都寫錯比佢

琴日好期待"神雕"既大結局!!結局雖然唔錯,但冇預期中咁好...
←────呢場正!
我點都係覺得郭襄靚過小龍女.......
←==冇野好講
所以覺得....結局有d唔好

琴日搭完小巴,今日就搭巴士!
係我心目中,巴士比小巴安全得多,唔似小巴咁快.....但..............巴士.....真係好慢
可以用一首"詩"去形容(唔算係詩):
車站等足一個鍾,巴士就連影都冇
一個半鍾如風到,但係爆胎"劍"死火
一旦阿婆落車慢,司機立刻連爆粗
...........................................................................................................................................................................

今日要返學校攞校服,要去學校就要搭小巴........
如果你有搭小巴,都應該會知小巴真係好盡心盡力為客人服務,
差唔多全程都超哂速,司機年約44-56歲
但覺得自己根本係一粒子彈,要比人射出
去到學校,點知佢話仲未搞好D校服
係老豆搞錯時間!10:30先攞得佢睇左9:30
之後老豆話:趕時間,比左我先LA(大話,教壞D細)
就咁就攞左,D人真係單鈍(果然係女人)

今日8:40a.m.躂左落床.........就咁嚇醒左,搞到我訓唔返,打左陣機就要補習lu  就係補習果時先想訓,個老師講得太悶la
救命!好想一拳仆暈佢,但我仲有人性.......等我冇人性果時先
補完己經12:00p.m.
之後都困住自己係間房打機,跟住又係網上識多個損友lu好開心,大家都係不良少年
家姐今日又入院,唉~~好彩冇事je
但佢實在體弱多病
好擔心