今日係4月19日，天文台發出咗3號風球同紅色暴雨警告。原本我諗住返學校做專題，我「傻更更」咁返到學校，發現咗一件大事件!學校唔開!跟住就去爺爺屋企，中途我把遮差D反咗，我嗰陣時好狼狽，仲勁過倒瀉籮蟹，返到爺爺屋企變咗「落湯雞」!

推車事件:我同阿妹坐車返屋企嗰陣，見到兩個交通警喺度推一架車，可能係架車「死火」掛，我地都覺得好好笑!

今日去咗銀禧面試，唉，小組討論比人搶晒嚟講，個人都算OK啦，雖然有D唔識讀，但係答問題嗰度都算唔錯!

而家最希望嘅，就梗係其他人喺個人嗰度好差好差啦!

今日13:30我去咗德愛interview，啲問題都OK啦!雖然有啲緊張，但係我覺得我嘅表現都唔錯。再加埋啲氣氛好輕鬆，我諗今次都得掛。

4:00我又去咗比賽，我係第一次參加獨誦，結果係點?大家都知啦!

今日既緊張，又唔開心!

好開心呀!因為我收到德愛嘅信話3月8號去面試。但嗰日我又要比賽……

令我無從決擇。

Yeah!今日過年啦!有利是收。今日巳經收到幾封啦!我去咗兩個親戚度'bye'年。

祝大家身體"kin"康啦!