唉...psp果舊電壞鬼咗呀.....頂

所以放咗學就落黃金買, 點知一睇....

原裝電一舊要$250....嘩...傻架?

咁之後見到有舊$120既電...雖然唔係原裝...

但係都一樣用到....算喇...用住先...

跟住想買隻新game...但係睇來睇去都係冇咩心水..

最後買咗隻<塊魂> 多謝$240~ 

跟住去咗九龍灣機鋪搵安仔佢地....

打咗陣<拳王> 都幾好玩呀wakakaka

本身去打藍球架...不過無喇喇落雨....頂!!!

有冇咁邪呀...逢星期四都落雨...撞鬼

最後去咗打桌球...都幾平喎$30一個鐘....

見到有人打保齡球...好想打埋一份!!!

最後打到11點幾就散水~

走果陣....白姐姐仲黎接鳩安tim

終於見到傳說中既白姐姐喇~~wakakaka

今日諗住帶部psp同隻<三國無雙>返學校打

搭搭下地鐵見悶悶地就伶出黎打

點知...開極都冇應......

唔係掛...尋晚明明先"差"左電...(無奈)

返到學校問hugo借咗部機打<三國無雙>

我問大佬玩唔玩...點知佢話

大佬:「 我有秘技可以用到呂布bor 」

我:「 吓...呂布唔係有得伶架咩? 」

大佬:「 我用秘技架! 」

我:「 嘩...咁西利...教我得唔得? 」

大佬:「 呵呵~唔教你!!」

我:「 你好野! 」

十五分鐘後.....

我好認真咁再問大佬:「 大佬...教我喇 」

以為佢會話:「 好喇 」

點知大佬話:「 我講下笑之麻....我邊有秘技 」

我:「........ 」 

ps: (我聽完之後好想死)

放咗學之後問jason有冇野搞

佢話不如搭渡海小輪去尖沙咀...好喎...反正冇野做~

諗住再去食朱古力泡芙

點知...果間野冇開呀....頂~

最後買咗餐旦治食.....$10份呀...

到咗尖沙咀去7仔買雪糕食....點知又抽中獎多一杯 -__-ccc

跟住落新港打咗陣機...就返番屋企食飯~