尋日上左2堂之後, 我地就去左機場參觀, 我地12點就換晒衫搭校巴出發, 大約1點幾就到左機場, 一開始以為我地係同miss LI一齊參觀, 點知....原來係分組去做工作紙, 而miss LI自己就去左嘆咖啡睇報紙...噓~ 跟住我地就開始做工作紙喇, 我個組有Li Li, shirley, john, 叻他lee (唔識串佢個名=.=), 仲有湯婆婆.......不過湯婆婆...我地成組人都一齊做, 做咩唔跟大隊, 要玩特別要自己做呢?
開始出發喇~ 我地好努力咁搵機場資料, 我地行行下見到一部機場資訊機, 諗住過去睇睇, 點知....部死人機篤極都冇反應~激死~ 之後唯有周圍行搵資料, 不過話時話, 個機場真係好鬼大!!! 行極都行唔完, 累死人喇~行下坐下~ 我地做到3點鐘, 可以散水喇~真係時間過得特別快~又係時候講bye bye~ 跟住發現如果由機場搭機場快線去9龍站, 竟然要$90一個人!!! 哇~你唔好去搶~
尋日安仔夜晚要返學, 見仲有時間, 就同佢搭巴士去9龍灣打機, 仲叫埋jason同nicky喺機鋪等我地, 之後搭緊巴士果陣, 我地斜對面有個麻甩佬, 佢無神神除左隻鞋, 跟住仲除埋隻襪, 用手不斷係度"卒腳指", 卒完腳指都算....之後仲要將隻襪樣來樣去, 哇~你冇野呀? e度係巴士黎, 你估係屋企呀? 跟住我見情況唔係好對路, 就即使好大聲咁"咳咳", 好彩最後見佢都知驚, 拿拿臨著番隻鞋.....
去到9龍灣, 就去左宜家傢俬食熱狗, jason仲食到想喊, 因為佢粒"飛枝"好痛wakakaka......食完就上左去打機, 我今次打熗game有進步呀, 伶到個B呀~開心~ 打完機, 安仔就先去返學, 咁我同jason就去左淘大剪頭髮, 之後就去左搵wilson同nicky打藍球, 我仲學識左"走藍"tim, 我好勁呀, 連入2球3分波!!! 打打下...好鬼熱就一齊除晒衫打, 爽呀~ 之後安仔, sandy, hugo黎埋, 我地就開始鬥波喇~ 安仔仲同我鬥走藍勁, 呵呵~我入左2球~多晒~ 跟住nicky仲幫我彈上去藍球架, 等我可以捉實個藍球架, 好開心呀, 因為咁大個仔.....第一次可以捉實咁高既藍球架=.=ccc
我地打到11點幾就散水, 好累呀, 我連晚飯都未食呀 陰公~ 返到屋企發覺隻腳指公起左個水泡!!! 好痛呀~ 今日上p.e堂仲要整傷條筋, shit~好黑仔, 宜家全身勁累, 行路都痛呀~我頂~ 早知尋晚唔好咁癲喇!!!
|
