星期五果日真係好忙呀, 因為放左學就要即刻返大陸拜山呀, 好慘呀....我唔想返去架, 鄉下果度又多蚊, 又冇電腦, d地方又污嘈....最仲要係個廁所特別臭過人!!!

我地6點幾就到左羅湖, 準備搭旅遊巴, 點知上車果度勁多人, 勁驚買唔到車飛....不過好彩最後都買到, 我地7:10開車, 以為2個鐘到就返到去, 點知.....足足要3個鐘車程先至到海城!!! shit~

終於返到阿叔屋企, 一入門口就發覺有狗叫, 原來佢地又養左2隻狗仔, 一隻叫bobby, 一隻叫狗仔, 細細隻好得意架~ 我平日一叫bobby.....佢就會走到我身邊, 好聽話, 不過狗仔就好鬼cool, 叫親佢, 佢都唔應人!!!

去拜山果陣我又係搭阿叔架電單車, 不過d路全部凹凸不平, 震下震下....坐完之後, 個pat勁痛!!! 今次返到去我地又放煙花喇, 嘭嘭聲~好爽呀~ 如果香港可以放煙花就好喇......

ps:宜家覺得香港真係好好架, d路又平....唔會凹下凹下, 周圍又有冷氣, 又少蚊, d車又守紀律, 唔會通街都響on......好想大叫"I Love Hong Long" 呀~~~~~~ 

尋日真係好正呀, 上午就上堂, 下午就出左尖沙咀博物館參觀, 由於我地班太多人, 搭唔到校車, 所以要自己搭巴士去架, 點知 阿paul同 劈7佢地要做電腦房, 冇得去......所以我地班就少左幾個人, 咁就岩岩好夠位搭校車喇~

我地去到尖沙咀就放lunch先, 其他人就自己搵野食, 咁我地就一齊食<元氣>壽司, 我地有總共9個人一齊食, 有我, jason, 安仔, 大佬, nicky, wilson, coby, hugo同埋miss Li, 賣單果陣......我地食左$6百幾蚊, miss Li仲好豪包$200蚊底~ya多謝晒~ 食完之後, 安仔同miss竟然屈我請野飲-__-!!! 好...冇人性...你地好野!!!

我地入左博物館之後, 等埋個導遊就開始出發, 個導遊主要係介紹館裹面的野, 我開頭都好俾心機咁聽佢講野架, 不過聽聽下, 見到其他人都唔聽佢講野, 走開左.....咁跟住我就走埋一份~ 行行下..發覺裹面d景好鬼迫真, 大炮, 包山, 船, 電車......連戲棚都有!!! 哇~d景咁正, 唔影相就假喇~ 行行下去到果d舊屋, 果度有d床係度, 不過係唔俾人入去既, 之後我地仲好大膽, 我地搵人喺門口睇水, 跟住我地就輪流跳過d圍牆入去影相.......wakakaka好搞笑!!!  好彩張床都幾堅硬下, 如果坐爛左就死喇....

到左4點半, 其實可以散水, 不過我地之後去左科學館玩, 因為尋日係星期三, 係唔使入場費架~正~ 科學館裹面好多野玩架, 之後阿Jan黎左, 佢同大佬仲玩打關斗...好利害架!!! 我見佢地玩得咁開心, 跟住我又玩埋一份, 點知我一野噠左落地下~oh~my god~隻腳好痛=.="..... 果個安仔仲利害, 人噠佢噠, 佢噠到頭同腳都痛....笑死人!!!

玩完之後去左食飯同打機, 跟住打到十點幾就各自返歸~