今日十點半就起左身, 食完早餐就打俾阿賢, 諗住搵埋佢一齊落銅鑼灣搵西佬榮食lunch, 點知佢要返工(老表~恭喜晒~終於搵到工喇, 俾心機呀~) 算...我自己去...
跟住睇完本<新monday>就出發喇, 首先搭mtr去左天后, 好耐都未返過天后喇-__-(感覺有點陌生), 經過以前返工既地方, 見到佢地好努力咁做緊野, 就諗返起以前我地一齊做野既日子, 跟住收到有個壞消息....就係做壽司既小明...終於走左喇><"....希望以後我地有緣再見喇~
行行下發覺, 以前我地日日都幫襯既茶餐廳<杜馬圖>汁左粒, 天呀.....點解呀!!! 我仲好掛住佢d揚州炒飯, 乾炒牛河呀!!! 跟住就搭2蚊叮叮落銅鑼灣.....不過真係好多人, 我等左3架車先上到車=.=".....去到sogo門口, 睇到17樓又有開倉, 今次係nike同adidas, 哇, 好吸引, 即時第一時間上左去, 有好多衫都想買, 不過睇睇個銀包, 唉....都係算喇....跟住就走左去打機.......打完機去左三越果間ice fire, 見到d手繩好靚, 最後買左一條, 總算有d收獲.....wakakaka
|
