今日唔使返學, 所以就約左jason, 安仔, 大佬去打波, 我地book左1點打到3點, 可能係平日既關係, 所以成個場都冇人, 感覺怪怪的....都好既, 可以專心d打波, 不過今日隻手唔知點解用唔到力, 打d波都冇料到, 仲輸左俾安仔, 要做30下掌上壓-_-""
打完波去左食野, 食炒烏冬+豆腐花+豆漿, 唔錯唔錯.....不過安仔話叫我小心d, 因為佢地次次飲完杯豆漿, 之後返到屋企都會肚痛!!! 哇, 唔係丫話...嚇鬼呀!!! 我聽完之後就更加想試下, 睇下係咪真係咁有料到, 不過好彩我最後都冇事-__-ccc
之後去左新城市睇<極地雪犬>, 估唔到咁好睇wow, 海豹彈出黎果幕真係好得人驚, 嚇到我大叫=.="......d雪犬好勁呀, 生命力好強, 最尾同男主角重遇果幕真係好感人呀!!! 睇完安仔佢地走先, 而我同jason就去左打機, 我地好勁呀, 今次玩<The house of the death 4 >, 我地可以打到第二關既蜘蛛大佬, 不過最後都係死左, 都算好架喇~
打完機就打俾安仔, 原來佢地冇返屋企, 而係去左行街-_-", 之後去左西田搵佢地, 我地一齊行supermarket, 見到d日本杯面, 一個都要成$29.2.....哇 死人喇~你唔好去搶~ 行完我地就食飯, d壽司4蚊一盒, 好抵呀~(食到好飽)......一路食飯一路吹水, 大家講起( 象but旁) 就好開心, 賓周? 之後仲諗埋d衰野.....笑死人喇wakakaka.........之後食完飯就散水返屋企~ |
