尋日係 Jimmy生日, 所以sandy佢地話去大尾篤搞bbq一齊玩, 我地一放左學就搭車落左旺角, 由於我, 安仔, 大佬, jason要去大埔打波, 所以我地決定打完波先再搵佢地, 咁sandy佢地就先入大尾篤玩住先.....
當我地打完波之後, 就搭的士入大尾篤 (噓~原來我之前都去過大尾篤!), 由於尋日係星期二, 所以果度咩人都冇, 淨係得我地一枱人, 我地可以玩晒成個場....好正!!! 一開波我地係咁食野, 因為做完運動後真係好肚餓, 燒燒下....發覺我個碗俾阿jan當係垃圾桶放雞奕骨, 哇~過份....開頭問佢, 佢仲要唔知咩事, 傻下傻下咁, 之後佢先諗起原來d骨真係佢, 俾佢激死-__-""
食完, 我地就玩"話事啤", 我輸左一次, 而我就要打5個側手番, 哇....邊個咁毒呀...原來係大佬!!! 有冇搞錯呀, 安仔都識打, 點解我會唔識....我打完之後, 佢地竟然話我好似醉酒佬=.=".... 之後我地全部人一齊玩"killer", 今次係我第一次玩, 發覺又真係幾好玩架bor, 又學識多一樣野喇~ 之後佢地班人又圍埋講鬼話, 超...有咩好講姐...無聊...咁我, jason, 大佬同jan就玩鋤D.....之後發覺真係好鬼凍, 個個好笠晒帽, 訓晒覺, 真係好搞笑~
到左5點幾, 我地就決定行去水庫上面睇日出, 周圍都好黑...好得人驚, 點知最後個天淨係光左, 見唔到個太陽...真係可惜....最後我地就散水返屋企訓覺....返到屋企8點幾.....真係好鬼累, 以前晚晚幾夜訓都得, 宜家唔得喇, 訓少陣....個眼袋就即刻出晒黎....不過安仔仲勁, 個眼袋大到....用個5蚊銀都遮唔晒....wakakaka |
