今日係清明節, 所以有得放假, 打俾阿賢....點知佢又係放假喎@@....所以同左佢出旺角行街, 好耐冇見喇~有好多野傾, 從佢口中得知, 豬肉佬俾長毛炒左!!! oh shit~ 長毛 你冇野呀!!! 你有冇人性架...話炒就炒? 長毛~我祝你早日收皮~ 樓又負資產~ 車又俾人燒左~ 生意一日差過一日~ 早日破產~ 要住天橋底~ (好似好衰咁....不過鬼叫你咁pk呀!!!)

豬肉佬....唔好怕佢....東家唔打咪打西家囉~ 你有技術又識咁多人, 一定大把人介紹份好工俾你~

ps: 如果可以好似以前咁開開心心坐埋一齊打邊爐, 鋤d,飲酒.....咁就好喇......

尋日放左學本生去睇<案內人>既, 不過hazel病左冇返到學, 但係我地之前約好晒.....唔想取消, 所以我地就放棄左hazel, 我地自己去睇戲喇~ 點知去到戲院買飛果陣, 個個都話冇咩戲想睇, 想睇<深山大屠殺> 點知原來係三級, 佢地個個都未夠18, 淨係得我同shirley夠18, 所以我地就去左唱k喇~

正呀!!! 今次又係任砌呀(即係任食)...我尋日lunch淨係食左個杯面咋, 所以勁肚餓....今次我地有9個人唱k....我, 安仔, jason, 大佬, coby, kelvin, shirley, billy同埋jan, 諗住會有好多新歌唱....點知.....唉....真係#*&@# !!! 死人喇~乜鬼新歌都冇得唱, 你唔好去死? 真係谷9氣~

當出去伶野食果陣, 發覺今次多左好多新野食, 例如有燒雞奕喇~有芒耶奶西喇~正~ 唱唱下, 發覺我地食淨好多野........好!!!又係我地遊戲既時間!!! 今次我地玩<大話(識)>, 有我 安仔 大佬 jason一齊玩, 而輸左果個就要食晒指定既野, 開波~ 點知....成晚輸得最多, 又食得最多果個就.....係.......我=.="!!! shit~ 栗子噠, 朱古力噠, 耶絲噠, 啫理....一碟打冷野, 仲食左好多野...多到唔記得!!!... 全部都係我食...搞錯, 我係肚餓姐...都唔使咁對我呀!!! (jason正一大話王, 冇又學人叫!)  不過好彩大佬都輸左鋪, 而佢就要食一舊豬腳姜~wow wow一定好好味wakakaka

之後玩到十點幾就要俾人趕走喇, 賣單~多謝每人$132~ 哇 你冇野呀, 尋日係平日星期一, 又唔係咩大時大節, 咁鬼貴....你唔好去搶!!!

ps: 我要報仇呀!!! 我唔甘心呀 !!! 救命 !!!食到我想噴呀!!!