我要以務實的態度去寫我的日記
4月25日呢日中學會考..所以我地學校放假
中文科有一個報告要去好多地方....
我地決定係呢日..開始我地的報告-中西合璧
呢日去左港九新界...去左好多以前冇去過的地方
好似香港一天遊咁...早上九點半去到晚上...中途發生左好多野..好開心又好累..哈哈
9點半準時來到太子地鐵站..第一眼見到36號同學..估唔到佢咁早
35同學都係度...我地就係度等埋37.38同學 ..打比37佢竟然重係屋企話選緊咩衣服...好無奈
之後15分鐘38號到左..26號可能有點事佢走左..我地一個地方都未去呀!!!!
不過算27到左之後..我地就去第一站志蓮淨苑...
一找就找到照下相....重走左入廟到照..
之後去沙田第2.3站..車公廟..文化博物館
開始到問路啦..車公廟好厄錢呀買香要錢求籤重要重要成百...好貴出到門口個伯伯比張紅字加六合彩你..原來要比錢..27即比反佢..38竟然比佢..無計因為佢不停比人拒絕要求神問卜...佢講左成日呀..不過好好笑..我唔係幸災樂禍呀..
跟住去對面文化博物館比左5元門票..做到報告之餘又可計語文運動分..嘻嘻..個度做緊舊歌展..好多歌聽..聽到唔想走....之後去左後庭狂影狂錄片...
中午食飯沙田..之後到旅程就精彩啦...過海!!!!係銅鑼灣..天后...灣仔..中環..走來走去....唔識路..哈哈
重要去好多地方...3仔小蜜蜂呀...有個走左得反3個人
首先去銅鑼灣蓮花宮,,,行左一會兒找到...38同學真係好誠心喎..又拜神..不過個度好平呀2蚊一大埋香..5蚊有得求籤..低呀..不過我冇拜..好攪笑...人地3支香...佢d香多到拜晒都重有成埋...插左成50幾支..好好笑..拜熙個時廟祝向佢個方向問問幾多歲..佢答15廟祝話唔係問你呀問條魚...笑到我同35死咁...個廟祝利害到唔問佢求咩就比左籤佢..上籤..38係咁講呀我的心好煩呀..好串呀
其實個時落緊雨...廟不可影相..我就偷偷地影..得左...出左去又有人比張紅字加六合彩38又比錢...唉...3號你接受佢啦
下一站東蓮覺苑..由銅鑼灣行到灣仔..上網查到去堅尼地城搭車..惡夢的開始...行行下見到個電車寫住堅尼地城..念都唔念就上左..
個車由好多人去左冇人..點解個車唔停既..愈坐愈驚..唔知自己去左邊....對面個姐姐見到我地咁...就講去堅尼地城重有好耐喎..數比我睇有邊幾度..救命..重要坐半個鍾..
終於落左車..係一條冇人的街上面..風陣陣的吹過...寒風剌骨...個度係海旁呀..3仔小蜜蜂到叫救命...邊到有1號巴士呀..去到車站話我聽冇話..叫左我地去另一條街...等左好耐有車..好我地去下一站跑馬地的東蓮覺苑...車由總站去到另一總站..成個鍾.點知佢行反頭先電車行個條路..點解重要搭電車呀呀.去到問人有人好好心話我地知點去..行上馬會又行落...找到啦..點知5點關門..我想打死佢呀..又唔知搭咩車反去...站在馬路車一個走又一個..見到小巴去銅鑼灣..又唔理衝左上去...又去啦..去珍寶海鮮舫..
等車上車...唔知邊個站落..個個站睇牌..有個叔叔見到又問我地去邊教我到邊個站落又幫我們按鍾..講比我們知要搭船...好人
落車又行錯方向..終於到碼頭..念左好耐搭唔搭好..去到係唔係一定要食飯..佢度超貴..之後都去左..好靚.係出面照左相..搭船走...係船個伯伯話我地知可以入去玩..早上飲茶唔貴..好似中環咁..38即講咁得係貴啦..落船唔識彼屋企又冇車..係晚上...又風近海超冷
係邊條街見到巴士去灣仔..上..見到地鐵啦...8點先反到屋企...散左..好累....不過真係好開心..好多笑野...當中有點私隱..想知自己問我.
今日我終於發覺香港人真係好有人情味......好幫忙....不過我只係係港島區覺..可能佢地有錢..80歲都用英文講..好采都識得講..有得溝通...
大家見到的呢篇野..會成為我學校週記的才料..^^
主題:生活日記一則
