又新一年了,
時間過得真係好快, 又就黎24歲了.....
回望過去, 有開心既有唔開心ga..........
每當就黎新年,特別會諗起我老豆..........
每次諗起老豆,就會想喊................諗番好多細個時激老豆既野...........
不過老豆唔係度既關係,令我屋企變得更齊心更關心大家,
老豆令我地變得更珍惜眼前人, 所以我成日都同人地講要孝順多d父母家人,
唔好到唔係度既時候先黎後悔,先黎珍惜.........
可惜....眼見好多人都唔係禁珍惜家人咁, 由其係d年青人................
我今年年尾就結婚了, 好可惜我老豆睇唔到....................一諗到依度,就好想大喊一場,
我曾經有諗過我結婚個時,女主家臺空一個位比我老豆-.-............但我唔敢同人地講, 因為我驚比人話我痴線-.-......
好想好想老豆復活 , 睇住我結婚............睇住我生仔.................唉......
依d說話只能夠係日記度打出黎, 因為同人地講會以為我顛左, 一陣送我入青山-.-........
點解d人會覺得我顛??
因為老豆岩岩去逝個排, 我好似鬼上身咁, 完全痴左 ........ 嚇到我丫媽都怕左我..........
之於點痴法, 等我有時間先再打比大家睇............^^"
我係一個哄得老豆最開心,痴得老豆最多, 又最令老豆擔心既一個,
因為佢同我媽咪離婚後 , 我同老豆兩個住的, 感情緊係比其他好一點,
但最唔生性個個都係我-.-..........非常反叛,又脾氣大.........=_=唉......
最近成日都諗起大陸公安打電話比我個一刻,
好驚好驚........一個話比你聽你老豆唔係度既電話,
當時我半信半疑........傻左咁打比丫媽,家姐,
等我詳細咁話比大家知當晚係點樣啦........
首先夜晚大約零晨2點左右, 家中只有我一人, 忽然電話嚮起, 我接聽之後, 有個講國語既人問我.....
『你好, 我係大陸公安個邊打黎, 請問你識唔識于xx ?』
跟住我就話係我老豆黎, 佢再講『你屋企有無大人係度?』
我話得我一個咋, 佢再講『嗯...你媽媽係唔係度?』
我再答『得我一個咋 , 發生咩事??』
跟住個公安好似唔係好想同我講咁,叫我搵媽咪打比佢, 佢話打番老豆個手提就搵到佢....
跟住我個心有點不安地狂問個公安, 但個公安話叫我搵丫媽打比佢, 咁好啦我收左線,
打比丫媽 <當時丫媽係新浦岡住的> , 狂打都無人聽, 跟住狂打比我家姐..........
又係無人聽..........我當時好驚好驚, 10000億無助,
唔知老豆發生咩事............突然個腦叮一左叮咁, 不如打比老豆先....都唔知個大陸人會唔會呃我ga....
跟住打去老豆手提, 嚮緊未有人接既時候,我個心不停諗希望係老豆接,....
電話有人接了, 竟然係個大陸公安把聲, 跟住我就同個個公安講我搵唔到丫媽家姐........
跟住個公安就問我幾多歲,
我開始驚到有d火惡惡的答佢『我十九歲架啦, 到底我老豆發生咩事,點解你會拎住我老豆個電話,唔該你快d同我講清楚』
跟住個公安就答『你爸爸頭先坐的士返黃岡關口個時, 係的士個度暈低死左....』
我聽完之後........呆了..................狂喊......
跟住個大陸公安叫我依架快d上大陸黃岡關口個個公安亭度搵佢認屍.......
我好傻咁問佢『你係咪呃我架??你係咪公安黎架?』
跟住佢就答我佢真係公安, 叫我快d上去....跟住我就收左線.....
完全痴線發狂咁打比丫媽..........丫媽終於聽電話, 蒙蒙的喂左一野, 我就話比佢聽成件事.....
我丫媽聽完諗左一諗, 答我『你唔好喊住先, 有機會大陸d人扮公安呃你上去架,唔洗禁驚住,我打去問問先』
跟住收左線之後我等左一陣, 跟住丫媽打比我講
『我打過去老豆手提,同過個大陸公安講過野,我都唔知係咪真, 我打左比老豆個朋友問,佢地話大陸d人唔會大膽到扮公安架, 我依架同佢個朋友一齊上去,
你唔好喊住,你依架坐的士過黎新浦岡先啦!!唔好亂諗住..........』
我收左線即刻飛的去新浦岡, 呀媽換好衫就同老豆個朋友返大陸 , 而我就留係香港等.........
係等待答案既時候, 我真係訓唔著, 狂打比家姐都無人聽........
細佬細妹都坐左係度一齊等........ 跟住我就打比一個好朋友文丙話比佢聽, 佢陪左我勁耐............
我心中一直希望個公安係呃我.........跟住到大約早上7點左右家姐終於打番比我, 我同佢講完之後,
佢狂喊狂咁話要一齊去大陸, 跟住佢平靜左之後就話黎新浦岡一齊等.......
大家都靜靜地等待丫媽既電話, 大約下午十一,十二點左右, 丫媽打黎........
喊住咁講.....真係老豆............死左............
當場我同家姐喊到顛左................我同家姐狂話要去見老豆最後一面.......
個一刻,好似世界末日咁............................心痛..........痛到不能用說話黎形容..................
個心不停諗到底發生咩事我老豆會死左??
丫媽返黎同我地講個驗屍條友話突發性心臟病...
但我老豆不嬲都好健康,無病無痛架.....到依架都係一個迷..............
雖然想知真相,我地都唔想老豆死後要比人切開, 所以決定單純的相信吧.........
家姐當時回鄉證過左期,即刻問人點想先可以即刻飛到大陸,
我地好似過左一日,跟住就返大陸見老豆最後一面.........當日係我第一次見老豆大陸既女朋友...............
估唔到老豆死既時候先見到老豆成日講既女朋友........
跟住我地就追問個公安到底係邊度死ga,
因為當時我聽電話既時候,個公安話老豆係死係的士入面,
但丫媽聽番第二個公安講話係黃岡關口個天橋度訓底左...
兩個唔同既公安講左兩個唔同既地方, 到底我地信邊樣好呢??? 都唔明大陸d人點做野...........
依樣就係第二個迷................我諗要問米先可以搵到個真相了........心中希望佢死個時唔好太辛苦咁,突然暈左咁死係最舒服的吧...........
當時都廢事追究了, 因為大家心中只想將老豆快d搬番黎香港......
唉..............講到依度.......我已忍唔住流左眼淚了.....真係無用的我-_-.........
雖然過左幾年, 但每當諗起都會流淚................真係好奇怪............
但回想一下我丫麻以前每年拜丫爺既時候, 都會狂喊一餐 , 過左十年都係咁...........
我終於明白到佢既感受.......深深的明白..........
每年我同屋企人一齊拜老豆既時候, 我都會想喊,但我要忍住忍住, 因為我一個喊會換來成家都喊曬-.-..............我唔想咁............
老豆死前既一星期我地一家人係旺角食飯, 我竟然因為老豆幾句野 就發脾氣當場走佬..........
之後個幾日我都嬲無同佢講野.........我諗番起好心痛.........好後悔自己發脾氣...........一世既後悔,無法補救..............
我同大家分享依件真人真事, 係想大家唔好學我咁, 失去後才懂珍惜.........
好多年青人都識依句說話, 但又有幾多真係做到呢??? 講識講, 試問好多人都做唔到ga..........
大家當想發脾氣既時候, 諗一諗 , 想一想.........忍一忍.............退一步海闊天空...................
唔好同我一樣............希望大家真係明白我想講d咩啦^^"..........
一路打日記一路流眼水鼻水=_= .........打到依度先吧.............累累了...........
預祝大家身体健康 , 心想事成 ..............健康係無價的!!!
|
