依排都忙忙的...

下星期一 14號要帶老馮爸爸媽媽仲有佢丫婆去守夜,因為佢公公去天堂了...

諗起真係怕,怕既唔係佢公公,而係麻煩的是佢個舅父舅母,事情係點太長篇了,等我遲下有時間先再打出黎,

因為老馮個日要返工,我要一個人照顧曬禁多個老人家-.-真係有點怯.....

跟住星期二 15號佢公公出賓,依一日都好D,因為老馮請左假~.~"

對了,其實我依架忙緊一樣野,我諗住試下上網賣衫衫,如果成功既話,我會請大家食飯@.@"架~

所以大家記住要多多支持,為我加油吧!!!!不過依架都係起步中,搵貨個D我大約都已經決定左,

依架係差點樣整令D相放上網比人睇,因為相好重要GA,相相令既話會吸引多D人買架嘛....

大家如果有好提意GA,記住話我知,幫下我依位苦惱既人啦~.~"

希望大家睇完日記會留言比多D意見我呀=00=THX A LOT..........!!!!!!!!!!!!!!!!!!

白毛昨晚<星期一>攪生日,所以我9點幾約左傻妹月,同kiki係旺角等,

之後上到去坐係度,見到文丙有新女唷@.@"望左幾眼,之後就同傻妹月佢地傾計,

一直都無同其他女仔傾計,因為好怪個感覺,同埋我唔係禁鐘意個d類型既女仔啦...

之後開始飲酒玩啦....我淨係同傻妹月同佢條仔同埋kiki玩,因為唔鐘意同d唔識既人玩-..-

跟住小暈叫我同kiki過去玩,咁我同kiki陪小暈同白毛個妹玩左陣,之後廢事悶親傻妹月,我同kiki就返番去傻妹月個邊...

再之後玩玩下我發覺左一樣野.....就係每次我同親文丙講野,佢條女都會立即-.-.....拉住文丙...

好彩我扮傻仔-..-即刻撩傻妹月玩先無禁怪....哈哈!!我都明ga,因為始終我同文丙鐘意過大家=0=~嘛!

同埋又或者我太令了,令佢無曬自信啦-..-~嘩卡卡<依樣講笑-.-">~

初初我都以為係我敏感啦,但係連傻妹月都咁同我講,證明我-..-無多心!!!!!哈哈!!!

不過見到文丙找到幸福都幾開心=0=~因為文丙之前對我好好,還有我爸爸死了既時候佢一路陪我,

所以我要文丙開開心心的@.@"

玩到一點左右,傻妹月,kiki等同我一齊返屋企,點知行出門口既時候,傻妹月條仔同班人嘈左幾句-.-我當時都唔知發生咩事...

kiki好醒咁拉我向前跟住我就拉埋佢地走,之後我再問番發生咩事,傻妹月就話可能大家飲左酒,覺得佢條仔啤佢地,所以就嘈左幾句-.-

我真係o左咀-.-大家飲酒玩為開心姐,為何攪到要嘈交呢...白毛送完我地就上番去"酒吧"了...

我返屋企途中都有點擔心,不過諗諗下上面白毛有禁多兄弟,都唔會有乜事ga...

跟住早上起身,開白毛個日記睇啦....點知-.-原來出事了....

佢地同班人嘈交,白毛細妹狂喊,又入埋警館,又入埋醫院,真係o曬咀....

之後打比白毛問完佢發生咩事,之後都安心d.....

TO 白毛

『唔好唔開心丫,禁多人陪你過生日,雖然發生左D事,但也要開心~.~"女之麻....她又不是李嘉欣禁令,為佢唔開心好無謂呢!』

『雖然你個晚要招呼好多你既朋友,而無乜點理我,但我無介意的,最後都要同你講番句生日快樂!!我真係好比面咁黎你生日架!』

『本來我諗住同你影番張姊弟相,但你太多朋友招呼,所以請下次同我影呀!!!呵呵....』

前排老馮既公公無啦啦入左醫院急症,之後個醫生個日話公公應該過唔到,

咁係醫院坐左成晚,走黎走去<因為佢丫婆又話累又乜又柒...>,超級煩...

但公公最後撐左幾日先走,之後佢丫婆就住係老馮屋企了...

我都覺得好GA,廢事丫婆一個住有乜事無人知嘛!!

之後老馮同我就負責攪公公既身後事了....因為公公得一仔一女,個仔係美國,而老馮媽咪就聽唔到野GA,

所以就只有我同老馮攪了,講起真係一肚火....全身都好累,點解??

太長篇了,想知就打比我問吧-_______-"總之依排都累到死....

係依度同白毛,傻妹月講聲唔好意思,個日食飯就係-.-佢丫公入醫院,醫院唔比聽電話,我又廢事走出去聽,

所以放飛機了-.-"之後太多野理,超累,累到忘了講對唔住-.-~

SORRY,請原諒.....希望你地明白...-.-"我真係累到仆街.......

送隻歌比大家聽下,包你話正....

歌名:『 不愛你 』    主唱:『 阿爆&Brandy 』

愛像是　快下雨的天空　紅著雙眼
它聽不進我任何的安慰
當你走遠　眼淚才落下變成
變成我們的句點
離開你的屋頂　想像中還要遙遠
耳朵彷彿還不承認　聽見你說再見
想念的感覺　是心中永恆的雨點

不愛你　是我自私的決定
我的心還沒答應　我可以　忘了你
我應該放棄　雖然我很努力
我無法說服自己　我不愛你

回憶會很仔細的整理
點點滴滴　我總是在懷念之間與你
四處旅行　直到我清醒
卻不敢睜開我眼睛

不愛你　是我自私的決定
我的心還沒答應　我可以　忘了你
我應該放棄　雖然我很努力
我無法說服自己　我不愛你

我不懂(為什麼) 我再掙扎也沒有用
愛根本　沒有自由

真是超屌!!!<<台語來的,意思係超正!!!>>

我試試可否上載全隻歌做背景音樂,但應該唔夠位,可能只放半隻,請見諒@.@"~

今日係老馮丫爺生日,所以就去左同佢班"是非"親戚食飯,

佢丫麻真係超大細路,一路食飯一路黑面,係度話下依個,話下個個,點解會咁??

因為佢唔抵得班仔女同個丫爺做牛一-.-~~係度發脾氣,總之一言難盡-.-超麻煩...

跟住食飯十一點先走得,我就同老馮去白沙灣釣墨魚@_@~開頭一個鐘乜都無-.-......

但過多左陣,妹芝同billy黎左,老馮即刻好快手咁釣到兩條-.-...我超氣!!!

過多陣都係乜都無-.-...跟住2點半左右妹芝佢地走先....

我都諗住玩多陣走,點知突然見到幾條墨魚係水面游下游下....我即刻狂拉支魚幹....

終於釣到一條,之後狂釣到....我諗應該潮漲既關係,所以d墨魚開口了=00=~~~

超high....釣到四點幾我地就走了...等我比大家睇下我同老馮既收獲啦=0=~

<<條條都好大下架!!!!下面張相為證@@~>>

超正呢@~@....如果大家想釣既話,我可以教你地架=00=~寫住禁多先吧!!!

昨晚同妹芝佢地出左去,之後老馮同benny佢地傾計,我就同妹芝玩,

玩左好多白痴野-..-但真係超攪笑....估唔到兩條友都可以玩到咁-.-"可以話訓曬地下咁....哈哈...

今日老馮個六叔生日要出去食飯,新年個時佢個五嬸同埋八姑姐無比到利是我,佢地竟然記得,

之後仲補番比我,超攪笑...無諗過呢=0=~

跟住今日係妹豬個細佬丫倫生日,但妹豬病了,所以就無出到去玩,

食完飯就返屋企-0-"...之後開左d利是,竟然每人比左一百蚊利是我-..-真估唔到....哈哈!!

今早整nds 個skin,搵到d超正既game入面其中一張我好鐘意既畫面...

<PC遊戲~~幻想三國誌2>

依一個畫面超慘,依個女主角為左男主角而瓜左-.-.....玩到個度個時真係有D眼濕濕-.-..

唔知大家有無玩過呢??玩過既話唔知有無好似我咁眼濕濕呢?.?

未玩過個D快D去玩下=~=因為真係好正......好鬼慘=~=...

白毛MSN話3月13日吞食清風大網聚@_@"不過其實個個都無玩好耐架啦-.-點算清風網聚...

應該可以改為老朋友大聚會-..-先岩....雖然係網上面認識,但個感覺已經不是網友了,而係知己良朋~.~!!哈哈

感情不輸給自己識8~9年既朋友@_@呢!!!嘿嘿...

同埋吞食友都好耐無見,唔知佢地D樣有無唔同到呢-0-~~

本人就緊係~~~~~~~~~令左啦@O@嘩卡卡~~~~~~~~~~~~~~~~~~~~~~~~~~~~~~~

寫到依度先啦-~-訓覺!!!