首先同大家講我已經放左我生日既相相係相薄度,有好多張都紅眼左...不過好過無嘛-.-v...嘿嘿..

係度要謝謝妹芝=3=幫我整相相...

相繭名稱叫『2008年生日相相』,大家得閒去望下吧=Q=...

之前講到公司入面知道左D唔係禁開心既野,等我同大家透露一點吧...

係我未入黎既時間,低B婷已經比人炒過一次,點知有人撐所以先做得番....

中間既野唔提吧,跟住到前幾日...同家淇傾開計...先知就黎大大獲了...

公司高層<大大大經理>下令要炒低B婷了,話佢攪了太多事...

其實我覺得因為有人利用佢名義而引起禁多麻煩野姐...內容唔詳細咁講,太長篇了...

跟住到家淇因為返學D時間太長,所以遲左職了,返到下個月尾就走了...

咁炒低B婷嘛,但又怕個個明師傅<姐係撐丫低B婷個條友>...又多多野講,

依架公司諗住3個CS都唔要了,我聽完O曬咀-.-....

之後家淇同我講話經理會盡力幫我搵其他商場有無缺人,搵到既就將我掉過去...

跟住我心諗萬一搵唔到咪炒埋我-.-...真係入黎做既時間唔岩...比個低B婷拉埋落水...唉唷!!

之後家淇都有講話我最無辜...只怪入唔岩時候-.-"...哈哈...

我自己都會有定心理準備...哈哈...東家唔打打西家-.-V"只不過依度有得放星期日我先鐘意姐...

但當時希望有其他商場有位比我入啦-..-"..懶得再搵-.-嘛~~

跟住家淇又同我講...已經決定年30晚就即炒隻低B婷了...

心諗隻低B婷唔知會唔會發顛呢-..-....新年流流攪D咁既野...

依排個人唔知點解好DOWN...好多野諗咁....但又唔知自己諗乜....

就算知都係D不切實際既野....呵呵....明天再算吧....

昨晚好夜先訓得著,所以今早起身超辛苦-.-...超眼訓...

今日如常咁返工啦,之後比我知道左d野...聽完好似個人輕鬆了一點,但也有一點無奈...

非常矛盾...我聽日先話比大家知啦,因為仲有20分鐘左右就到23歲了,哈哈...

緊係要講d開心野比大家知先架啦,而今日矛盾既事等到聽日先同大家講^o^"

今日都係忙忙忙了一天,放工之後約左apple同miner去食飯慶祝生日...

出到去會合左佢地,之後佢地竟然話大頭同賤仔都黎,非常驚喜....嘿嘿...

雖然有一點陌生,但感覺都不錯....佢地知我鐘意食上海野,所以就去左食上海野...=0="

跟住大頭拎左部相機比我地睇佢去韓國玩d相,睇到apple睇相睇到好入神...

心知佢勁想去@.@"唔知幾時佢條佬先得閒同佢去呢....

但我就無乜特別感覺,因為我都唔係禁鐘意-.-周圍去個d人黎...怕累....嘩卡卡!!

不過一年去一次都幾開心,由其係可以同埋班老友一齊去,個feel仲好....

但好難就時間,各有各忙嘛....有時間既時候,就無錢-..-真係超玩野....

我好記得apple佢地講過話約去台灣,但好似都講左好多年-.-.....都未實現到...

唔知幾時先有機會呢...希望下年可以吧...哈哈!!!

今年既生日真係好開心,兩班朋友都同我慶祝生日,同埋收到好多禮物....多謝大家=3="...

連我最估唔到既就係連低b婷今朝都拎左份禮物比我....超出奇...

依一刻又諗起一個人.......就係我老豆...

我都好似好耐無拜過佢...成半年差唔多...

找日放假要去拜一拜先得...但我又怕一見到老豆張相就會喊-.-....

我遺傳了我丫媽既眼淺-..-......哈哈...也遺傳了老豆的大膽...風流....樣貌.....好多好多野...都好似老豆...

丫媽成日都講-..-ga...哈哈!!!

返工既事聽日再講吧,好好enjoy埋我個十分鐘不到既22歲....

以後都無得話自己細個了,無得再講自己係18廿二....哈哈....感慨好多好多事情...

這一年....唔開心既野已經過去,新一年我希望永遠都禁開心...努力做一個定性乖乖既于子慧....

try me best........!!!!!!

今日3點幾先起身@.@"

夜晚去左黃埔同班朋友吹水...見到有亞視拍緊戲...

但d人都唔係好識...哈哈..之後無理到....照吹水啦..

之後老馮行左過黎同我地講見到唐文龍係對面馬路架車度....

之後我即刻拉住好芝陪我行過去,跟住我就拉住妹芝行到佢車前面同佢揮手say hi...

點知佢睇唔到我-.-...跟住我再接再厲,大膽地再揮手say hi...

佢終於睇到我!_!"之後仲同我揮手say hi...

超開心....因為佢真人好鬼令仔=0=勁似郭富城........

咁billy佢地望住我笑-..-"...

吹完水夜了,咁我地就走了....

之後老馮知我鐘意,佢渣左架車到唐文龍架車旁邊,

我就即刻揮手大叫 byebye,跟住唐文龍就即刻望住我揮手say byebye...

我已經被佢迷住了=0=!!!

星期二就生日了,約左媽咪食飯...

而聽日星期一就約左apple miner食飯=0=好開心呀今年......

多謝大家=0=禁比面!!!!!!!!!!!!送d相比大家睇下....

昨晚影左d自拍照,大家可以去相薄度睇下@.@"我前幾日剪短左頭髮....哈哈!!

今日如常返工啦....放工之後約左妹豬成班同我慶祝生日@.@"...

玩得都總算開心,收到好多禮物....因為人太多我顧唔到有d朋友仔,係依度同大家講聲唔好意思=.="

招呼唔到-..-"....嘿嘿..

這晚我地影左d相,不過妹芝要過幾日先send到比我,所以過幾日先比大家睇@.@"

不過好多人同我講想睇下我返工件制服,所以今次影左好多比大家睇下@.@"...

包括有自己單人照,同埋我個其中一個同事<低b婷>張相,仲有我平時工作既地方...

我放幾張你日記度啦,其他個d大家去我個相薄度睇啦@o@"因為個日記版得好少容量...嘿嘿..

想睇得清楚d,想睇得多d既,請去我相薄度睇啦@.@"我放左係新增相片相薄個度架!!!

p.s.......白毛開左鋪了,大家如果想整關於指甲既野,包括假甲,修甲個d就找我吧...

>0<"信心保證....專業師父<白毛細妹>....

嘩卡卡...

星期日夜晚去左搵妹豬,因為佢岩岩由德國返番黎了=0=v

仲買左條手鍊比我做手信....依條手鍊帶黎我幸運....!!!係真架...

星期一姐係昨日,一起身勁唔想返工,但最後都撐返工...

雖然又要去幫隻女魔頭<kitty>手做野,但佢有點病,無乜點鬧我地....

之後到今日,又要去幫佢手做野,但點知............

嘩卡卡,佢喉嚨發炎.....出唔到聲....!!!!!!!!!!!!

之後佢仲好似扮好人咁,同我講左陣道理....

好似知道我憎佢咁....哈哈!!!

不過我知道個女魔頭病好既話又會變番之前咁-..-"...

跟住仲聽到佢話過一兩日佢放假....

超high.....終於可以安心幾日......

依幾日都好累好累,又勁狂咳.....超慘...

但我覺得自己勁左,比著以前我一早遲左職了....哈哈!!

唔知我依顆返工既心可以堅持幾耐呢....呵呵!!

就黎生日lu,已決定19號晚提早慶祝....

不過未約人-0-"....嘿嘿....

希望今年多d人陪我過啦~_~"....

寫到依度先,有點手累....因為岩岩煮完飯比老馮食=Q="....

明天再寫吧=3=