～夢夢回憶錄～ - QOOZA BLOG 網上日誌

waiwai1128 : 個人主頁 - 相簿 - 訂閱 [ QOOZA - 論壇 - 登入 ]

～　夢夢公告　～

日記一星期最少更新兩次！

相薄更新時間不定！

請大家多多留言＠＠～哈哈！！

waiwai1128

暱稱： ^夢夢^
性別：女
國家：香港
地區：油尖旺區

MORE...

訪客留言

最近三個月尚無任何留言

最新文章

•	2024-03-25
•	2021-01-13
•	2015-01-04
•	2014-12-30
•	2014-12-25

日誌統計

文章總數： 297

留言總數： 180

今日人氣： 36

累積人氣： 19042

好友名單

網站連結

•	<好姊妹>apple日...
•	小朋友＜黑仔＞日記板
•	白毛分享空間@.@
•	試聽@.@" 乜野係戀愛...

RSS 訂閱

2007 年 5 月 18 日星期五

真心朋友....難求也....

分類: 未分類

好唔明點解一個又小器,又自找煩腦,又扮大佬,又易發脾氣又成個八婆既人竟然有禁多人仲跟住佢玩,

屋企有D錢就扮曬野,跟佢做朋友既人因為D乜仲麻目跟隨佢玩??

貪佢有錢??有起事上黎有人幫??

我成認佢係幾有義氣,有時好幫人....但係佢既衰野太多,

對住你講A壞話,對住A就講你壞話,咁樣好咩??我就最憎咁樣....

做乜好似做到買佢怕咁WO....好唔明....

因為佢比人炒,所以就慘???

點解D人唔會諗下點解佢會比人炒呢...成日掛住玩唔做野,又影響到其他同事唔做野,依架先炒佢...

我覺得炒得太遲TIM呀!!拎公司人工9千幾蚊,仲要周圍同人講無野做又有得玩有錢搵....

佢良心過唔過意得去呀??

老馮佢一早知道唔同佢講,咁就叫唔夠朋友??

點解唔諗下點解老馮唔講比佢知...?

以KOWLOON性格黎睇,講比佢知,佢一定發曬脾氣,唔知會做出D乜野瘋狂行為....

依條友淨係諗人地錯,唔諗下自己GA...

從來都無人同佢講佢好有問題,朋友如果見到對方有乜唔岩既野,唔係應該講比對方知等佢改下架咩??

繼續如此下去,將來一定仲有好多野發生....

唉=_=....真係好鬼唔開心......一言難盡曬....

我D朋友都唔多,但係我朋友當中都有一個好似KOWLOON咁樣既人,

我忍受不了,最後都無再找依個人了....

其實好想問點解有禁多依種人存在係世上-.-??

仲有唔知點解依種人多數都係肥野黎-.-....<依句講笑=0=''>

好彩我班吞食好朋友唔係咁樣,個個都好好,雖然唔係成日搵大家,但一約即出黎....

感覺實在太好了!!

希望大家珍惜身邊既好朋友,有緣才能相識架=0=""!!!

仲有希望唔好再遇到KOWLOON依種人-.-....

我真係好想珍惜BILLY,妹豬依班朋友,希望我可以做到.....

但我開始覺得有點.............難...............唉.......

發表時間：2007-05-18 03:28 PM [ 訪客留言(2) ] [ 編輯日誌 ] [ 分享至FACEBOOK ]

2007 年 5 月 17 日星期四

釣魚@_@白沙灣

分類: 未分類

昨晚同老馮兩條友去白沙灣釣魚@o@"

一開始我先釣到條"班仔"--->

之後就開始靜左一後時間...到2點幾....我就轉位釣另一邊,

wo...釣到條魚仔....但差唔多拉到上黎既時候-.-甩左.....勁灰....

之後再釣.....差唔多3點幾...又中一條....今次係"火點"------>

勁開心=0=.....之後老馮話不如走....因為太多蚊同埋小強-.-""`不過我話釣多陣啦~仲有幾隻蝦唔好曬....

之後再釣......好攪笑-..-你估下我釣左d乜上黎......--->

答案係....兩個假"利"一個八爪"out".....笑死我....之後老馮就話我有史以黎釣得最大揪既野-.-哈哈...

之後最釣.....拉到上水...見到隻墨魚噴墨!!!!但我用既"out"...."out"唔實佢....所以...都係捉唔住....

差唔多4點...無曬蝦lu....就回家去了=00=~~

雖然得兩條友,但真係好好玩=0="大家如果去釣魚,記住叫埋我去呀=0=""呵呵....

今晚又同老馮去白沙灣釣魚....

今次利害了....首先釣到又係"火點"不過比昨晚的大d------>

之後過多陣無得反應,就諗住用八爪out 釣下墨魚,

點知老馮見到有條中型魚魚近水面咁游,叫我試下扯佢上黎,咁我就試啦~

飛左兩次都中唔到,第三野...竟然扯到佢支旗!!!!之後就拉佢上黎,真係笑爆咀...第一次咁樣釣魚...

條魚魚有d似"烏頭"---->

<---佢真係幾長架....同把菜刀一樣禁長!!!

不過最後都係無食=0=因為我覺得香港既水面魚會食死人-..-""哈哈

<----兩條魚一齊影=0=""哈哈~~

最後3點左右就回家去了@.@"

發表時間：2007-05-17 05:47 PM [ 訪客留言(4) ] [ 編輯日誌 ] [ 分享至FACEBOOK ]

2007 年 5 月 16 日星期三

累了

分類: 未分類

今日一早起身同丫媽返大陸整老豆Ｄ遺產文件，

真係累－００－””

我發覺了近排某人好似少同我玩ＭＳＮ～＿～唉～～

唔知係咪講左比佢聽個秘密，之後就唔理我－．－．．．呵呵～～

依架諗諗下有點後悔講左出黎～＿～

唔知點算好－０－～～又或者我多心了～～～呵呵～～

算吧～～累了～～唔寫了～～

不過都要係度同小朋友講一聲～～生日快樂＾＾”有好女仔就要吧～～不要等我－００－嘩卡卡～

發表時間：2007-05-16 02:50 PM [ 訪客留言(0) ] [ 編輯日誌 ] [ 分享至FACEBOOK ]

2007 年 5 月 14 日星期一

懸浮在空中的吻(小小的欲念)

分類: 未分類

今日睇到書睇到句野好正,好感慨....

喜歡了一個人，但是你身邊或他身邊已經有另外一個人了。

每次跟他見面也很快樂，分手之後卻很徬徨，要不顧一切走在一起嗎？

不是不可以，只是，這樣做的話，大家都要犧牲很多，大家都會很痛苦，尤其一腳踏兩船的那一個。

喜歡一個人，當然不希望他受到折磨，

於是，只好不再接近他，寧願大家一起忍受那小小的痛苦、小小的寂寞、小小的思念……

現在雖然不能一起，甚至將來也不會一起，

然而，那微小的痛苦，卻能滋養生命，讓你知道，永遠有一個人，遠遠的、輕輕的愛著你。

雖然當時人未切會估到依段野係講緊佢~_~不過自己得閒望望都幾好~

提醒自己唔可以做錯事-0-對嗎....呵呵~~~

今日既母親節提早左同丫媽食飯,所以今日無見到丫媽,

但我家幾姊弟一早買定左花花找人今早送上去比佢,

媽咪開心到飛起=0=嘩卡卡...

我的媽咪真係對我地好好,睇到好多新聞都有好多家庭不太快樂,

所以我覺得我好幸福..雖然老豆去世了,但我還有媽咪...家姐細妹細佬...

所以我要好好珍惜現在....老豆的突然去世...一定唔好再發生係我身上...

太傷了....任性既我現在也努力改善中....希望可以令在天既老豆同埋現在既家人唔洗再擔心我....

因為我知我由細到大都好曳-.-""寵壞了...呵呵...

媽咪...禁多年黎辛苦你了.....等我搵多d錢令你生活快樂!!!激少d你-.-""嘿嘿...

下個月父親節....我一定會買樣正野燒比老豆先得^^"

發表時間：2007-05-14 02:46 AM [ 訪客留言(4) ] [ 編輯日誌 ] [ 分享至FACEBOOK ]

2007 年 5 月 12 日星期六

釣魚之夜

分類: 未分類

昨晚同丫j,妹豬,妹豬媽咪,同埋馮智恒一齊去躉船釣魚,不過今次去個隻係未去過去!!

開始一d魚既感覺都無,點知突然看到住係我旁邊既媽豬媽咪狂拉條絲...

快手快腳咁拉起了,見到一隻巨型蟹!!!!!超勁!!!

無幾耐到我中魚!!!!拉到上黎....嘩!!!!!我終於釣到紅杉魚!!!!!雖然只有掌心禁大-..-不過真係超開心...

第一次釣依d魚....之後我又中到一條....以為又係紅杉魚啦~點知原來係-.-仆街『坑廉』<一種勁毒既魚,比佢吉到一個鐘內到去到醫院,唔係會死的-.->.....勁唔開心呢-.-...最後再無人釣到了~~~

丫j話今晚又再釣過,不過我同馮智恒未必去了~00~"嘿嘿....

仲有之前對某人既感覺,好似無禁大了=0="可能少見左....嘿嘿...

好想送隻歌比佢-00-"

寧願你不知道

情人時節　能握手　便足夠
嘴邊的溫暖沒需要擁有
無聊時間　能一起　聽演奏
跟你就永遠止於　良朋摯友

寧願你永不知道　我多想與你好
能做你知己　不必與你擁抱

無謂愛意一宣佈　就此把你嚇倒

能陪我已很好　慾望未大到　高攀不到

道別了你的好　情人與友好　都得不到

維持朋友　無需要　便擁有
親暱的感覺已享受得夠
靈魂和你　同一秒　在揮手
戀愛在有無之間　仍然引誘

發表時間：2007-05-12 02:44 PM [ 訪客留言(0) ] [ 編輯日誌 ] [ 分享至FACEBOOK ]

« | 35 | 36 | 37 | 38 | 39 | 40 | 41 | 42 | 43 | 44 | ... | 60 | »