| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 5 月 11 日 星期五  |
有感而發....  |
分類: 未分類 |
好想同某人講,
事情不是你想像的那樣,唔比你知只係有苦衷,
請凡事係自己角度諗既時候,企埋係其他人既角度諗下,
你就會發覺不是這一會事,而是另一會事了,
雖然你未必會睇到,但我真係想幫佢地同你講清楚,
因為我真的當你是朋友的!!
|
| 2007 年 5 月 10 日 星期四 |
| 十分『火』的晚上 |
分類: 未分類 |
昨晚出左去同妹豬個D做運動,
咁女仔們就打藍球,而男仔妹就踢波,
咁樣人物有馮智恒,丫J,BILLY,肥峰,高佬峰,妹豬個契仔,妹豬,丫英,佢地媽咪,丫英個囡<丫BO>,丫英老公<丫文>,
我,仲有丫B....等等
當我聽到有丫B份我真係唔係禁鐘意,因為.....依個人好兩頭蛇,
最近咪知道左一樣好重要既野....就係關於依條仆街,令到幾個十年朋友既感情一晚無左,
詳細既野唔方便講....講番打波先,咁差唔多打完既時候,我行番去踢波個度找佢地,
突然見到KOWLOON黎左,之後我見到佢拉左丫B去埋一邊講野,咁我無理佢地啦,我就問馮智恒佢地
不如一齊食飯先啦,之後都話好GA,咁我地過左陣就一齊去找埋妹豬佢地啦,咁之後問題就出現,
當我自己行去找妹豬個時,馮智恒好火咁同我講,走走走,唔撚食啦,勁惡....
我問點解,佢就答『D人都唔撚想見到我,我咪走囉,洗撚黑我面咩...』
我聽完我話唔走,點解要我地避佢,馮智恒都無做錯過,做乜要咁樣,明明好開心,點解要攪到咁...
我個心即刻諗起個仆街丫B,我當然諗住沖埋去星巴條仆街,但馮智恒拉住我唔比我咁做...
一日最衰係個條仆街,做乜禁撚口多呀...講完你就無事,但攪到其他人嘛,
又唔諗下點解人地要咁做,扮撚曬好人同KOWLOON講...
依件事真係令我煩左好耐,雖然唔關我事,但我真係唔想睇到十年朋友一晚變成酒肉朋友....
算啦-.-...我都唔知可以講D咩,只可以講如果我再見到丫B,我一定吊鳩佢....
我同左馮智恒講....架啦!!講到好火-.-算...下次再寫....
|
| 2007 年 5 月 9 日 星期三 |
| 為何這樣呢.... |
分類: 未分類 |
好鬼苦惱.....
KOWLOON比人炒左,過左兩日...突然KOWLOON嬲左RICKY,
後尾先知原來有人同KOWLOON講話RICKY一早知道....男佢做乜唔一早講比佢知,
唉.....好鬼無奈,就算RICKY一早知既話,點講得出口呀....
仲有...你估RICKY無幫過佢....咁就緊係有架啦,但可惜佢自己唔知,
淨係死牛一邊諗點解唔同佢講,又唔諗下自己咩脾氣,咩性格....
講比佢知既,後果可能會係攪亂擋...爆打卡個D野,到時就齊齊食屎,坐獄吧~
所以我有時真係想同KOWLLON講,諗野唔好單一方面諗,應該係自己角度諗之餘,
去埋人地個邊度諗....
見到佢地咁真係好鬼煩,之後昨晚仲比我知道左一D野....
一D我一早估到既野....終於證實左....我一直諗既野係無錯...
依樣野萬一講左出黎,我相信都會好大獲...
但唔講又好似唔係禁好咁....好苦惱....點算好....呢..........
『 朋友 』
唔係應該互相信任,
同埋直率坦白對待架咩??
我發覺身邊既男性都好似女人咁,分分鐘仲衰過女人,
又八婆,又婆媽,又麻煩,又小器....
如果繼續係咁,我相信依班朋友一定唔會長久,
互雙帶著面具對待大家,太假了.....
本人最憎就係咁....有咩唔岩咪講到岩,扮黎扮去有用嗎??
十年友情不是短,為何會這樣說不是知己朋友,而是酒肉朋友??
好想問問某人...點解可以咁講野都有.....咁講某某知道的話一定會好傷心....
我明白依個世界上無人係完美GA,
都係大家就下大家....但千萬唔可以過火.....
發完UP風=0=可能未必有人會知我寫乜,
但總算發洩左出黎~_~呵呵~~~累了....下次再寫,
希望下次寫既時候,佢地和好了.....呵呵.... |
| 2007 年 5 月 5 日 星期六 |
老豆生忌  |
分類: 未分類 |
今日係老豆生忌,我早上要返助護,所以下午一放工就打比家姐問佢去唔去,
點知連記性最好既家姐都忘了,真係激死我-.-"
因為佢大肚中,丫媽又去左旅行,所以要問下丫婆去唔去得,最後丫婆話可以去....咁樣我就同家姐兩個代表全家拜老豆!
我比家姐早到了,之後諗起生日緊係要食蛋糕啦,就去左間好似幾令既餅店買蛋糕,
望左一陣,見到個芝士蛋糕好似好令好好味咁<不過我唔食芝士的-..-嘿嘿">...就買左一個~
之後我就行去個堂度拜老豆先啦,當我行到入老豆面前,望住張相....呆了....
老豆相中既樣子帶著一點微笑,好似望住我咁,我控制唔到流了眼淚....
不過要好快咁收番d眼淚,因為家姐就快到,唔想比佢睇到我喊....
因為我喊親佢都會喊埋一份,咁樣對身体同埋bb唔好...
哈哈....家姐到了,咁樣我地就買野接金銀比老豆同埋舅父<舅父的位在我老豆旁..>...
到了4點左右就各自回家了....
唉唷....我真係無鬼用-.-""次次都喊......但真係好掛住好掛住...........
我要努力控制下先得...唔係既話老豆會唔放心....@_@"對嗎.....
加油~~~~于子慧!!!! |
| 2007 年 4 月 26 日 星期四 |
釣魚之樂  |
分類: 未分類 |
今日天氣超級好!!!所以我就跟住妹豬同丫j一齊去躉船度釣魚啦!
去到窗廉城度等啦@.@...原來仲約埋丫j二哥&佢條女一齊去@o@
見到之後,發覺幾似陳司瀚-.-<姐係陳慧琳個細佬>....嘿嘿
跟住一齊食完野就去釣魚了~.~"呵呵
大約夜晚八點就回程了@.@"今日我一共釣到5條石狗公,2條泥蜢,2條珊瑚魚,仲有一隻大蟹...
真係好好彩=0=,其中兩條石狗公係超肥野黎架@o@"
以下係我地成日既魚獲相片,有點黑請見諒@@"~
之後丫j就車我返窗廉城,佢地就回家食飯!!
咁係等ricky接我既時間~同丫英<妹豬個二家姐>吹左成個鐘水!!超級好傾!!
kowloon佢地就黎了,最後一齊食飯,之後就回家去了@o@"
明天夜晚又去躉船度釣魚@.@"唔知可唔可以釣到大魚呢.....嘩卡卡,好期待呢... |
« | 36 | 37 | 38 | 39 | 40 | 41 | 42 | 43 | 44 | 45 | ... | 60 | »
|
