嘩卡卡.....終於得閒寫下個日記了...
話時話都勁爆耐無update日記......
結婚d相終於得閒d 汁一汁,過幾日拎去曬....
因為草埋一堆曬 ,抵好多呢....
1蚊1張 同 0.7蚊1張 曬成幾百張, 大家計下....真係差好遠架價錢.....
係度同我班親朋戚友講聲sorry先 , 搵平相鋪真係難搵呢~~_~~ 遲左少少,見諒....哈哈!!!
係依幾個月入面都發生左d事 , 我大約係度講講啦...
幾個月前我媽咪突然暈到落唔到床, 所以我就打左人生第一次既999..........
真係超擔心 , 超嚇死......
不過好彩依架好番好多了^_^所以大家唔洗擔心....
跟住我老公就決定了重要既野@_@放棄左某些野......
而我就全力支持.......(是什麼重要事情,暫時係度就不便講住@_@,因為佢唔想比太多人知,怕人煩佢wo~_~.....等時機成熟一點才講比大家知啦@_@v..)
跟住到昨日我個細佬就唔小心比人插親隻眼, 攪到眼角膜傷左一忽, 醫生話都好嚴重下, 依兩日會爆痛 ,
做家姐既我真係心痛到爆............希望佢快d好番啦~_~...........
仲有一樣事情, 係一件超快樂的事情..............
就係我個家姐又有bb了^_^ ........我又做人大e 啦.....哈哈!!!!!!!!!
我既直覺佢今次一定生女...................!!! 結果就要等多十幾日, 4月 就可以知啦 !﹏! 爆期待呢................
依架生活得都好好, 無是非既生活感覺很爽, (雖然我知還有很多很多.....,不過我同我老公採用『不聞不問』....)
不過遲下仲爽d , 努力多一排, 今年年尾就可以搬出去住 ^o^ 令我既生活更上一層樓........哈哈!!!
始終依架住個度唔係自己既, 好多生活習慣大家都唔同呢@_@......
同埋佐敦同我個八字唔多夾..(我的主觀想法!!!哈哈)
總之早走早著,遲走訓唔著呢....嘩卡卡!!!!
同埋有時我自己覺得唔好住禁近, 間唔中出下黎探望下, 反而感情會好一點呢........
最近居屋又再推出4千個, 我之前又聽過奶奶話想用婆婆間公屋買居屋,
我好讚成的, 因為始終依架個度又舊又係咸水樓..........環境又唔多好,空氣更糟糕.....
不過我老公佢自己又念舊,佢話老爺又唔鐘意 ,所以就由他吧!!!
個個只係我奶奶,唔係我丫媽嘛.........
連佢個仔佢老公都唔想, 無理由我提出黎~_~......
總之唔到我理啦~_~.....
自從結婚後, 真正學識到『凡是非之事 , 視之而不見 , 聽之而不聞......』.........
依一個方法非常有用, 大家如果遇到是非纏身 , 嘗試一下吧^_^v.....
um....
至於今日有d事令我有點唔開心,
所以就做點自己開心既事黎令自己開心一點,
最令我覺得開心既事就係寫日記@_@v,,,,
因為靜靜的 , 無人打擾到我 @_@.......哈哈....超奇怪的呢!!!
寫到依度我諗都應該停一停了, 手累眼累.............^_^哈哈.....
下次再寫吧~oo~ 早抖........ |
