結婚終於完成了....
總算順順利利啦....
不過做得禁成功,全靠背後有好多好多屋企人&兄弟姊妹幫手.....先可以禁順利...
結完婚當晚真係累到扒係度....但因為過多日又要去台灣,所以無得訓住,要攪好曬d錢先...跟住又要數番租番黎d衫....
因為結婚後一天要還番比店舖.....
開人情時,一路開一路感動&無奈....
因為好多好朋友一個人黎,竟然封一千比我-.-.....真係唔識點講....有點欠人地人情咁....
不過我家姐話證明我同班朋友好好感情囉....唔洗禁介懷....第日人地結婚封多d比人就可以了....
最令我 o 咀的是 我的婆婆 & 我老公的婆婆....
我的婆婆佢真係無乜錢,但竟然封左1500給我....婆婆仲同我講唔好意思,因為依架金好貴,佢又無乜錢所以買唔到黎送比我....
傻既...依d心意我無所謂的@_@....我清楚明白佢既背景,反而令我覺得唔應該比禁多我,因為會令我超級唔好意思-.-......
跟住到我老公的婆婆,依個真係令我眼仔都差d跌埋出黎.....
佢對我地太好,封2萬蚊比我地結婚..... 感動....
仲要送金器給我&我老公.....令我更唔好意思.....
不過證明左佢禁錫我&我老公.....多謝佢.....
跟住就攪到夜晚5點先完成曬所有野, 計完曬所有開支,幸好比我預期中好.....
只蝕2萬幾蚊....^_^ 我開頭預5萬蚊的....
終於可以訓覺了....
到第二日我同我老公遲左起身,所以好急咁拎d衫飛的士去還........
之後又好急咁,將d錢入曬落銀行.....忙忙碌碌完依d野, 就開始要預備去台灣既行李了^_^......
12月1日早上我地就坐港龍飛去台灣了....
12月5日夜晚我地都一樣坐港龍回港了....
全個旅程我地洗左好多錢=_=狂食食食,狂買手信......自己個d就唔係買好多....通常都係衫....
一個行李箱去,三個行李箱 返.....真係超爆!!!!!
成個旅程都是開心的,因為無曬煩惱............^_^
不過回港後,又要回到是非之地了,心情又開始不太好了~.~
我一心諗住結婚後,所有事都會淡化,乜都從頭開始....
但發覺現實唔係咁~_~.....d人只會越講越黑.....越講越糟糕......
屈我唔特止,連我身邊既人都唔放過~.~
聽埋聽埋好多好多是非, 全部都關結婚既野.....
都結完婚啦@_@完結架啦,都唔明d人做乜仲要不停拎黎講是非-.-.......
太得閒無野做嗎?? 我真係唔知點解....
給我的感覺是成日想搵野黎屈我地似的....
無做無諗過既,都要話我有諗過我有做過咁......
感覺真係非常唔好.....
不過我無唔開心,反而係生氣多d.......
個個都因為我地既結婚而有禁多既是與非 & 疑問等等.....
等我係個日記板度解答我已知既是與非 & 疑問 吧....( 因為以我所知,好多『人』鐘意睇我日記.....)
1.當天我家姐只係幫我保管住d人情, 而唔係佢自己袋 .....我與老公一早同曬有關人士講清楚, 都唔知點解最後又要咁講我家姐,
請大家唔好再周圍唱什麼什麼『全包宴』等說話....因為依句說話表面好似侮辱緊我&我老公 , 但實際其實侮辱緊某某....
仲有如果真的禁錫我老公既人,一定唔會咁樣侮辱佢......
再講如果我真的比曬d錢我家姐或者任何人, d錢係我既 , 我鐘意比邊個就比邊個, 唔到任何人理..............
依d都係後話, 我只係想清清楚楚講一次 , 最後d人情係我&我老公收番的, 唔好再加什麼什麼黎唱我地........
2.我丫媽同我奶奶好朋友 , 有什麼問題 ?? 依d叫妒忌嗎 ?? 依d係好既事, 兩親家相處融合 , 難得的事.....不過要為此事說三道四......唔該!!
3.當日個影相佬同埋錄影師只係唔小心, 人地邊會為個封廿蚊而咁做.....還有我地有比利是佢地的....請不要疑心禁重啦!!!
4.唔該唔好再吹我老公比張人情名單了,每次有人吹佢既時候,佢煩到頭都爆.....又唔敢出聲......睇見佢就慘......
我想話比大家知,我地去完旅行返港後每日都要周圍去派手信等,連自己間房都未得閒汁,邊有時間寫番張清單呢.....
再講依排佢要返晏,放工返到屋企都好累好夜, 等佢得閒整好自自然就會比的.......唔該唔好令佢禁煩惱......拜託各位!!
5.我facebook入面d結婚相,唔係我放上去的,係d朋友自己影完放上去,佢地放乜上去關我乜事呢.....
我自己請番黎個個影相佬要3個星期後先有得拎.....唔清楚可以直接問我的, 唔敢問我亦可以搵我老公問清楚.....
請記住...我唔係一個愛做小動作既人, 敢做亦敢認 , 但如果屈我既就勢係假.........
6.最後一次講清楚比大家聽........結婚d錢 , 真係無靠任何人 , 全部都係我&我老公自己的錢 .....唔好再說什麼什麼人比....什麼什麼借錢.......唔知頭唔知路就唔好亂講.......成日講依d野你唔悶,我都答到煩!!
仲有好多好多既是是非非,我一時三刻不能盡答.....
因為多到連我自己都記唔曬~_~.........我記得番既再解答過吧.....
聽到禁多禁多是是非非, 給我既感覺就係.....
d人成日都想搵位入我似的......d人想同人有話題傾就作野唱人..........
可能係佢地聯繫感情既方式, 但我接受唔到囉......
有時話依d叫做開玩笑....但好多時佢地又無諗, 講者無心....但聽者有意的...........
好多時我都發覺個d人好留意我在網上既一舉一動,
唔知係好事定壞事啦......但給我既感覺不是關心我而留意我,
而係想搵位入我而留意我.......
因為例子太多了, 成日話我日記寫既野又燒親邊個邊個.....又依樣個樣........仲之係搵野黎話我唔岩咁....
好似我係日記多謝我屋企人, 又話邊個邊個睇到又唔高興.....
我話派帖 , 又話我地未過大禮做乜派帖......明明一早講左, 只係佢地自己唔記得.....又關我事嗎???
寫日記寫真實野, 是錯的嗎???..............
什麼都是錯錯錯, 咁好吧 , 隨你們高興愛點諗就點諗吧......
我知有某幾個人是真心對我老公好的, 但他們始終要顧最大個個為先 .....所以我無嬲過佢地........
不過我覺得真係要快一點遠離佐敦依個是非之地.....努力草多一點錢, 快一點買樓搬走就好了@@" 諗起都高興.....
打左禁多字, 有點累~.~.........
最後想講既係 攪事人們你地鐘意印出黎就印出黎啦, 依篇日記都係發自我內心所打出黎的,
如果想搵位入我的話,係時候啦....如果想幫我們, 就好好同班攪事人解釋番所有是非&疑問......
因為我發覺無論我地講什麼都是錯的@_@ 講黎都曬氣.........
唔洗專登打比我老公講依篇野啦, 我自己同佢講左@_@ .....
我打依篇野唔係想挑釁你們, 只係想你地知道我地在想什麼...........
唔想再聽到有禁多是非 , 古人都有講『 士可殺 , 不可辱 』....
希望大家明白.............
|
