原因今日..我出去返來既時候我發覺我自己雙腳..走不動﹐站不穩~哈~腳走不動了﹐好笑嗎..我頭先沖涼時攬住婆婆哭了..真的害怕..我會變成一個跛子嗎?你打電話俾我時啦..但..聽著你的聲音﹐我還是把自己的痛﹐眼淚都往肚子裡吞..我不想你知道﹐不想你在開心的時候給加上不開心的消息..這一刻我心情害怕﹐擔心﹐真的係驚..死總比左跛子好吧..是嗎?我不想坐輪椅..我不想以後都不能站在那舞台上..我累了..哭只會消除我的傷心..還可以做些什麼..腳走不動..站起來都不行﹐我成了真正的廢人..哈..廢人..契爺還是那句..遲d就會好﹐唔使擔心﹐以前都試過啦..但都好返..但你可否記得﹐那次是手術後醒來﹐我不能都路﹐並不是醒來了﹐過了些快樂的日子後卻走不起來了..我好驚~怎麼辦..個個都話唔使擔心..或許是吧..明天進院...遲些日子再見..my love ~今天恨了~

老婆﹐你一定會無事的﹐唔好灰心啊﹐哭過就不要再哭了﹐相信你契爺﹐也要相信你自己﹐你老公我還要你陪我一起老啊。

老婆﹐我愛你。

我實在太耐無打日記啦..唔好意思呀..嘻嘻..我實在太懶啦..沒辦法..難為老公你自己就打日記..我就唔打..不過呢..我個心都唔好過架..但我敵不過懶筋既引誘﹐所以..沒有打日記..
時間過得好快啦..我手術做完都一段日子啦..身體呢..都在起伏不定...時好時壞﹐令人好吃不消..不過我都係努力緊..答應過陪你一起老..一定做得到的!請相信我啦..我身體入面既燒呢..完全唔受控制..一時高到飛起﹐燒壞腦都有份﹐有時就比正常溫度高..但不至於有危險..你地話﹐係咪好恐怖..我覺得係呀..好累呢..辛苦到我都唔想做人啦..
但辛苦還辛苦..我今日好開心..因為我今日好幸運呢..哈哈..點解呀..今日係我出院係我返HK第一次咁幸運..我居然中獎﹐我就將婆婆給我的那15個金幣..去冒險樂園..''掟''彩虹..哈哈..我居然五次中綠色呀..聽住渦﹐係五次呀..係咪勁呢..但當中就還有一個黃色...軒哥哥同我一樣都係15個金幣﹐但他就冇我咁好運﹐佢得兩個紅色..我中獎中到了.我只係識得笑..哈哈..果個服務姐姐都好唔願意甘來同我講..中獎囉.服務態度非常不要得!軒哥哥話我囉﹐你咁中法﹐佛都有火啦..哈哈..勁呀我..
老公你快d讚下我啦..係咪好勁呢..哈哈..I LoVe YoU~啜卜
以下呢D就係我今日既收穫..嘻嘻~

知你叻喇﹐你老公我呢幾日就忙到暈﹐功課､project做到我傻~~~你又唔哄下小弟。你好好保重身體渦﹐食多D野啦﹐得八十幾磅點夠呢。你啊﹐第時你同我一起老時呢﹐我唸起夜晚時就怕怕啦﹐我頭先打比你﹐你掛住睇電視都唔應我﹐幾衰啊﹐我岩岩就唸你夜晚就只會攬住你D心頭好(公仔)﹐掛住睇電視﹐我呢﹐係廚房洗緊碗呱﹐哈哈。我頭先試過將你D公仔相縮小post係呢度﹐但唔得又唔識﹐唔好意思喇。各位如果識既話就add我icq啦﹐121610261.

老婆﹐我愛你。

老婆﹐我好眼訓想去訓時﹐唸起好似未寫日記﹐但又唔肯定﹐做功課做到痴呆左啊﹐哈哈。我咪開電腦睇下囉﹐好采開來睇下咋﹐原來真係無寫﹐哈哈。依家一點五啦﹐好眼訓。豬仔﹐你夢到我嗎﹖

老婆﹐我愛你。

老婆﹐我錫曬你﹐你今日實在太溫柔了﹐哈哈﹐我好鐘意啊。你係我既渦﹐記住喇。幅相呢﹐縮細唔到啊﹐老婆你落左命令﹐仲係好溫柔地下命令﹐你好醒啊﹐訓緊都可以話﹕你識既。哈哈﹐你一定係記得上次我幫你整過啦﹐哈哈。我做曬功課喇﹐係後日果D渦﹐聽日要獎勵下我啊﹐多謝老婆你先﹐哈哈。老婆﹐試過唔得啊幅相﹐我send到你e-mail啦。

老婆﹐我愛你。

今日小弟係度溫書﹐幾勤力啊﹐聽日Chem要測驗﹐做下練習威番次先得﹐哈哈。今日個皇帝去行石春路﹐唔知佢笑得大聲定叫得大聲﹐傻傻地﹐哈哈。番到來打比佢又笑得傻左咁﹐都唔知係度up乜﹐哈哈。繼續溫書先﹐努力努力。

老婆﹐我愛你。