今日好潮濕﹐好討厭﹐只腳好似識得出水咁﹐好唔自在。這無損我掛念老婆的心﹐有甚麼能令我唔愛她唔想念她呢﹐答案是沒有。甜唔甜啊﹐老婆﹖哈哈。溫書﹐第時養到你肥肥白白。老婆﹐唔好放棄啊﹐希望在明天啊。係渦﹐寫信仔渦﹐我記得渦﹐唔寫唔得架渦﹐咁依家我去寫喇渦。

老婆﹐我愛你。

今日全日做功課﹐好多好多功課。欠老婆你三千字既日記遲下寫啦﹐對唔住啊。我繼續做功課喇﹐睇下封信啦﹐再認真想下﹐你是一個明白事理的人﹐老婆﹐你會明白的。

老婆﹐我愛你。

今日天氣唔多好﹐又有D凍﹐唔知老婆凍唔凍呢﹖個皇帝就係成日著好少衫﹐又話熱又話著得多衫好難抖氣﹐真係服左佢。照計佢咁瘦﹐邊度可以搵到脂肪來禦寒﹐又著得少衫﹐真令小弟百思不得其解。凍就要著衫嘛﹐唔係凍親點算好﹐你知幾多人關心你架啦。哈哈﹐你肯定話唔凍點著姐﹐唔凍著多件衫可以預防呀嘛。係咪﹖
講番今朝啦﹐有個男人來我屋企整個熱水爐﹐唔知點解前晚會唔得﹐係我沖完先唔得﹐到我的娘親時就唔得﹐佢就慘啦﹐要褒水沖涼。第日有人話來整﹐話五點至八點來整﹐我訓日咪放學即番屋企囉﹐等位哥哥來整﹐點知番到屋企﹐我媽打比我﹐話已經有人係朝早來整過﹐話聽日帶埋野來整渦﹐話唔知壞左咩﹐要換D唔知咩渦。麻煩﹐一心來整野﹐連D工具同零件都唔帶埋來﹐行多轉﹐係咪麻煩呀。今朝又來喇﹐哈哈。小弟果時正在熟睡中﹐隱隱約約聽到有人係度整野﹐不時我媽仲同佢傾兩句﹐打下招呼問下野咁啦﹐一陣就整好喇渦﹐我媽就送佢出門口啦﹐仲講左幾句唔該添﹐咁好禮貌﹐似我。老婆﹐你話係嗎﹖之後我咪傻傻地問﹐係張被入面問﹐D人來整左個熱水爐喇﹖我媽咪無得話唔係話係啦﹐講真我真係幾白痴﹐明知故問﹐哈哈。過左無幾耐啦﹐屋企電話響﹐我果時估都應該唔係搵我架喇。我媽聽電話﹐我聽到我媽話你等一陣﹐即是搵我啦﹐佢咪叫我聽囉﹐話有個女仔搵你啊。我咪聽囉﹐哎呀﹐唔記得提醒我阿媽下次如果聽到呢把聲﹐果個就係佢媳婦添﹐下次提番佢先得。我咪傻傻下咁起身聽電話囉﹐果時著好少衫﹐好凍架。問老婆仔咩事啦﹐佢就問頭先果個你媽咪來架﹐我咪話係囉。又唔記得話比老婆大人聽﹐如果下次再聽到呢把聲﹐果個就係佢奶奶喇﹐哈哈。勁啊我。之後問番老婆做咩事啦﹐原來問我佢QQ依家係幾多級﹐我咪懶係好記性咁答老婆﹐三個月亮呀嘛﹐再之後我話我都升到三個月亮啦﹐老婆就好溫柔咁話﹕你都三個月亮﹖但我後面有粒星架渦。哈哈﹐果時我先唸起可能果幾粒星係有用。咪問星代表咩﹖原來一粒星代表一級﹐一個月亮代表四級。即是我係十二級啦。之後我咪話唔知老婆幾多級囉。之後老婆再好溫柔地叫我幫佢開電腦睇下囉。哈哈﹐話要依家開渦﹐老婆真係猴琴啊﹐哈哈。我咪話等陣﹐一分鐘﹐順曬老婆條氣啦﹐哈哈。我媽係我傾緊其間係我身加了件外套。睇左啦﹐老婆大人知道左佢係三個月亮三粒星。老婆唔肯收線﹐但傾左兩句佢就話想去訓喇﹐之後佢可能係去訓覺啦。其實可能係我話去訓覺先﹐老婆又唔想表面讓我﹐所以話去訓覺呱﹐想我訓多陣。
之後我就去訓喇﹐一訓訓到十二點九﹐即是訓左兩多鐘多D。起身刷牙洗面﹐之後整左D野食﹐打比個皇帝啦﹐話同媽咪傾緊計渦﹐我咪唔捨得咁收線囉﹐睇下電視。之後搵左樂哥出街行下﹐悶悶悶。出緊去時﹐又打比老婆﹐哈哈﹐佢話仲傾緊電話渦﹐話同緊佢契爺傾緊渦﹐話傾緊聽日去玩。哈哈。比我鬧時﹐話唔比你出街玩一星期又應承我﹐所以我咪話唔比老婆你去玩囉﹐我講笑咋。你話同醫生去玩就得﹐好有道理。後咪都係我哎番你你先肯去玩。
老婆﹐頭先你online話我聽你細個做既一件事﹐你是做錯的。現在有機會﹐好應該誠心去求他原諒﹐聽日我再解釋你聽啦。日記有唔夠字﹐呢篇唔算數﹐對唔住。

老婆﹐我愛你。

老婆﹐聽日我寫果篇三千字既日記啦﹐係果兩篇先岩﹐愛我嗎﹖嘩﹐三千字呢﹐你試過未啊﹖要寫幾耐架﹐哈哈﹐我會努力架喇。我努力你又努力﹐不過你仲要乖乖地啊﹐我會擔心格格你架﹐錫曬你。

老婆﹐我愛你。

老婆﹐我欠你的好多好多。其實唔應該用‘欠’字﹐我同你唔會計較的﹐你都是一樣。日記話寫左好耐了﹐我今星期內完成佢啦﹐希望可以令老婆你開心啦。著衫啊﹐唔好凍親我個皇帝啊。我做功課喇﹐愛你。

老婆﹐我愛你。