今日小弟真係要打一篇3000字既日記喇。3000字實在嚇人﹐嚇到我切夜不眠﹐不過老婆下旨﹐真的不得不寫﹐不得不做了。其實呢篇野係尋日寫既﹐因為有D野有D原因就延遲到今日寫啦﹐都多謝老婆大人格外開恩﹐給個機會小弟為她略盡綿力﹐亦願意比我遲至今日先寫。頭先小弟去街番來時話要6000字架﹐嚇親小弟﹐好采好采最後個皇帝大卸天下﹐最後都只係寫3000字而已(其實個‘只’字用得不太正確﹐‘而已’也是)。慘喇﹐依家都係得百來字﹐何時才夠3000﹖上次1500都要小弟花了三四個鐘﹐依家3000﹐咪起碼到聽日﹐但講明係日記﹐跨過今日到聽日﹐我唸叫週記較日記適當。講左好多廢話了﹐都唔明個皇帝打字想野點解會咁快﹐女仔一名﹐雖然惡左D﹐但實在叻得有點兒過份﹐都唔顧下小弟的感受﹐惱你﹗﹗﹗講笑。真無面<---我話緊自己。對住自己心愛既人無面少少﹐又有咩所謂呢﹗
老婆依家唔開心~~~事因我打電話問佢六點到係咪打比我我無聽到﹐佢話係啊﹐但來電顯示就是我的娘親渦﹐所以咪問下佢囉。佢話慣左我﹐話得熱血沸騰時﹐我妹偷偷地行埋來﹐老婆停不了﹐最後一句話我‘頂你個肺呀’﹐勁啊﹐老婆仔家陣講到好有連貫性﹐進步神速啊﹐佩服佩服。可惜﹐我妹聽家家了﹐係度笑。老婆仔知道左佢聽到﹐哈哈笑囉﹐好過癮﹐我妹就話估唔到佢係D咁既人﹐好好修養﹐讀文科讀文學都講D咁既野。其實佢係係度講笑﹐老婆仔就因此唔開心了﹐形像受損啊。老婆你又洗咩介意呢﹐我地平時講開笑架嘛﹐佢同你都講下笑下咪仲親切﹐係咪先。你話曬係人地阿嫂來嘛﹐大人不記小人過啊。老婆你大人有大量﹐靚女不記小人過啊﹐我唸你實唔會再惱既﹐肯定係啊﹐除非唔係我老婆姐~~~用到呢招﹐問你服未﹐哈哈。老婆﹐真係唔好惱了。仲有啊﹐唔可以咁易惱架﹐成日成個氣袋咁﹐成肚氣﹐再唔改呀﹐第時生左件小氣袋點算啊﹐遺傳唔到你D優良血統﹐到時就真係後悔喇﹐所以你要乖乖地唔好咁易惱人喇﹐知道未啊﹖
仲有啊﹐係呢度話一話我妹﹐讀文科讀文學就一定好斯文好有修養呀~~~佢都XX既。你估個個好似我老婆咁架﹐知書識理﹐斯斯文文﹐咁有修養架。都未見過家下D假文人﹐讀文科成只豬咁﹐靜係識‘約~約~約’<---豬叫聲。我老婆就勁啦﹐中文英文會考留曬力羅左A﹐而且普通話﹐西班牙文同法文都係頂呱呱﹐都唔知幾多文多少語了。最勁就係音樂啦﹐又唔小心羅埋A﹐鋼琴都唔知高到甚麼地步了﹐硬係外國爭住邀請佢去演奏﹐真係犀利到唔知到咩地步。我唸唔會靜係貪佢靚女咁簡單呱[唔見人地搵你去演奏(除左老婆)]﹐我唸係原因之一啦。講真啦﹐個格格又真係靚既﹐睇下幾多狂風浪蝶就反映出來啦。好采﹐老婆仔夠定力﹐唔似我﹐見風來了就大力關窗關門﹐見蝶來就用蚊拍拍到佢扁左﹐好采好彩﹐唔係小弟就無左個完美的老婆喇。實在幸運幸福極了﹐係呢度﹐容許小弟再花少少時間﹐向我偉大的老婆胡惠榆格格說一聲﹕我真的愛你﹐我實在感激你。再講番我阿妹﹐佢真係XYZ。修養好就唔可以講‘頂你個肺’咩。我好好修養架﹐但小弟不時會說說粗言﹐咁點可以話我無修養呢~~~何況老婆大人﹐粗口都未講過咁大個女呀(其實都好細姐﹐細過我仲唔細。老婆﹐講緊年紀啊﹐唔洗擔心。)﹐品行好﹐智慧高。我妹岩岩話﹐‘頂你個肺’其實係問候語來既﹐哎呀﹐講左句人講既人話渦。我代我老婆原諒你啦﹐相信做老公既都有呢個特權呱﹐實有啦﹐老婆﹐係咪﹖
話時話啦﹐打到呢度﹐小弟覺得進度好慢﹐3000字真是好好好好好好﹐我好鐘意老婆呢~~~老婆大人﹐睇完上一段有無少少飄飄然既感覺呢﹖仲有無咁惱呢﹖係咪想錫啖我呢﹖唔洗答我最尾呢條問題﹐人多啊﹐說話要秘密﹐兩公婆既野﹐你話錫幾啖就幾啖啦﹐做老公的又有甚麼所謂﹐聽日錫啦﹐記住喇﹐主動少少渦﹗哈哈。
家下同個皇帝傾緊電話﹐佢就happy啦﹐笑到見牙唔見眼﹐佢就心涼啦。心唸﹕今鋪仲唔玩殘你﹐哈哈哈哈哈哈。我真係殘喇﹐唔怕唔怕﹐小弟正當盛年﹐3000字之嘛﹐超﹗超﹗超﹗其實我係度講緊廢話﹐加多兩只字姐﹐別怪我別怪我﹐吳卓曦唱既歌仔﹐小弟都幾in架﹐識少少扮代表啦比我唔該﹐我唸我傻左喇。老婆整緊譜啊﹐求我放過佢啊﹐唔係應該我講既咩。岩岩老婆仔話算數﹐我有D驚啊﹐唔知心果句定口果句﹐口果句咪即是惱我﹐我點會咁笨呢~~~不過應該係心果句既﹐好啦﹐我覺定聽老婆心果句話啦﹐唔寫喇﹐哈哈。Finished﹗老婆仔﹐係咪好失望呢﹖哈哈﹐你老公我會努力既。
事到如今﹐我應該係呢度講D乜寫D乜呢。真係唔知唔知啊﹐老婆﹐你洗緊白白啦依家﹐你話我聽我寫D咩好喇。點解我平時咁多廢話講﹐依家就變成一只啞左既了哥。大家知唔知咩叫了哥呢﹖其實了哥係一種動物來既﹐動物中的雀仔﹐雀仔中其中的一種﹐佢有個口架﹐有兩只腳﹐大約係咁啦﹐講漏左﹐仲有兩只翼﹐好多毛。老婆知未啊﹐又教識你一樣野喇﹐仲唔多謝我﹐肯定係係度話緊我啦﹐我知你話我咩既﹐哈哈。
今日考writting task。傷心傷心了。一個鐘零九個字都既然完成唔到三個task﹐真係蠢呀我。老婆睇到都會話我蠢架喇﹐小弟久疏戰陣啊﹐唯有下次測驗考試努力啦。今日番來時﹐老婆仔話教我英文架﹐不過話要收錢渦。哼﹗你既咪即是我既﹐我比你咪即是袋番落自己個袋。唸過喇﹐益你啦﹐以身相許啦﹐相信你恨左好耐架喇﹐你睇到驚你開心到今晚訓唔著﹐拿﹐我無估錯啦﹐你真係好開心渦﹐得﹐豪比你。今日我唸過得最充實就係依家﹐今日考完試就游街﹐依家就坐定定乖乖地寫日記﹐眼仔都花左矇左﹐老婆﹐你睇下我幾愛你啦﹐幾勤力啊﹐哈哈﹐快D來哄下我﹐比D動力我先﹐快D快D快D啊﹐唔該你啦老婆。整條信息來鼓勵下推動下我啦﹐我會精神D架。聽日你要考試啦﹐我都要返學﹐考完試喇我﹐聽日返全日啊﹐好似覺得好唔慣咁。老婆﹐你沖完涼未啊﹖老公掛住你呢~~~我流眼淚啊﹐嗚~嗚~嗚~老公我眼訓喇~~~3000字仲未完成啊﹐我今晚都好努力了。
老婆﹐我的父親大人返左來喇﹐聽日要返學﹐我唔係佢面前對住電腦咁耐喇﹐唔係藉口來啊。今晚寫唔夠﹐聽日繼續寫啦﹐今日呢篇當係平時普通既啦﹐對唔住啊。寫埋封信仔先~~~哈哈。
 老婆﹐我愛你。
| 
。