今日~一樣啦~他來跟我補習..不過呢..今日衣著就簡單D﹐唔係西裝~睇落冇咁認真~不過都唔好得去邊架啦..因為教我D野..我就係咁話得架啦﹐我明架啦﹐點知問返我﹐我居然唔知咩來囉..好好笑...唔好意思呀..我唔係有心唔記得架...但你都唔好話﹐再唔識就打手板...我咁大過個人..有尊嚴架嘛..俾返D面我都好啦..
今日老公打俾我啦~哈哈﹐益你啦﹐錫左你一啖~不過算啦﹐見係你咋﹐益下你啦﹐橫掂好耐都冇錫老公你啦﹐係咪呀~今日上完晒堂﹐就去左訓教﹐點知細姨打來嘈醒我囉~話姨丈又唔知去左邊啦..跟住我都唔知講咩啦..大人既事就係咁煩..算啦..還有就係男人好D唔得好D﹐絕對唔可以對佢好架﹐佢唔會珍惜!!!!討厭呢~~真的...我絕對不許任何人傷害我愛的﹐我在乎的每一個﹐如果唔係﹐我絕對不會放過他!!!壞男人﹐真令人討厭~
希望我老公唔會係呢一類啦....但我都知道他不會是..因為他深愛我﹐我也同樣的愛著他﹐我地會長長久久的~是嗎?老公..我好掛住你..
老公呀..唔知點解呢..次次我聽(一生愛你一個)次次都會想喊架..係咪好傻..哈哈...今日..我又同你D fd傾計啦..但冇人理我.....慘慘呢..你究竟幾時放學﹐幾時先返來呢..我倒不想變成望夫石呢...老公識做啦..係咪呀..我好掛住你..今日你哄我多一些好嗎..今日我唸左好多野..我真的好愛你﹐真的真的好愛好愛好愛你...你該明白~該知道~
讓我倆一起再次努力吧~好嗎..
想你~今天份外的想你~

老婆﹐事無大小都要話我聽呀。今晚你聽歌喊喇﹐我知道你喊幾驚啊﹐又唔知咩事﹐你知我好緊張你架﹐唔好一個人獨自流淚啊﹐仲有你老公我會愛護你﹐陪住你。你要改下D壞習慣﹐如果唔係我會好心痛﹐因為你係我的﹐永永遠遠也是我的。

老婆﹐我愛你。

今日~下午四點幾就出去了..約左細姨姨丈行街街~又系我地三個..好耐羅..我地都未試過三個一齊行旺角啦..今日再次回味..真的好快樂..但系街市就整污糟左我對白色既~靚boots~不過算啦..今日買左蝦，我食左好多羅..不過現在知道後果啦~我好痕呀，好痕，好辛苦~老公~救命呀~
今日到呢度...狗仔好可愛，好想要，但太多了~我又怕它會大...怕了

尋日一早就去醫院啦﹐原因本小姐身體又出現毛病了~要去舊地方一游呢~跟住就幫細姨哄返靚仔姨丈...係我既嗲功下﹐姨丈俾我搞掂左..哈哈..係咪好勁..跟住就去山頂啦..痴線架﹐行去纜車站﹐我死都唔去呀﹐跟住姨丈就問fd借左架車﹐車我去纜車站﹐跟住我就自己一個坐纜車﹐佢地渣車上來﹐當然係我快好多啦﹐哈哈﹐跟住就自己係度等佢地啦﹐點知媽咪話去餐廳等渦..咪去囉..跟住入面都坐左aunt and uncle..還有他們的仔仔..好高既男仔﹐哈哈..跟住我埋去坐..跟住媽咪Dad細姨 姨丈都來到﹐我地開始飲茶﹐佢地既談話..我就走左去行山頂商場﹐哈哈..hello kitty啊..我又有了收獲..不過就..佢..我唔記得名啦..好似又叫阿俊..俾左錢....於是我地返去餐廳囉....跟住細姨發神經..要搭船..最衰Dad and媽咪走左..唯有我都搭船..打俾你啦..你就當我冇到. 老公你呢就訓死左囉﹐你既爸爸就叫我過幾個字打過去~.唯有自己頂硬上..算...以為自己忍到啦..點知都係死左..哈哈..出左船就嘔囉..跟住就好心痛..無明既眼淚就係咁出..唔知點解架渦..傻左..覺得好唔好開心﹐好無助咁係度喊..喊到上巴士..跟住挨係巴士度﹐喊喊下﹐訓左渦居然~係咪好勁呢....跟住去打邊爐..好開心..豆腐呀..我的最愛..我地打邊爐好多笑話架..哈哈..笑到好辛苦..跟住Dad後尾來左車我地返去..跟住..我同Dad猜包剪X..開頭我係咁贏架﹐後尾咪死左囉..好唔開心..哈哈..飲野飲到好飽..只腳好痛(厄)整到我好痛..返到樓下..同Dad佢地擾嚷一番後..Dad輸左..哈哈..抱我返屋企...呵呵...我唔想行..我又除晒鞋同襪..哈哈..係咪好型呢..不過Dad抱起我都話我輕左﹐哈哈..我好叻叻呀﹐成功啦..減肥..不過返來就慘啦..係咁想嘔..好辛苦好辛苦..不過後尾好快咁沖完涼﹐頭髮呢就洗先既.跟住就一邊浸係水度..婆婆就同我吹頭..我真的好累..樣子都好殘呢..但累呢..真係好辛苦....這一天就這樣的渡過了~好無聊好煩厭的一天~但好累囉~好掛住你..老公

今晚出去玩呃左兩個小朋友每人十塊錢﹐哈哈﹐贏既過程先係最最開心﹐明知輸都要玩﹐哈哈。老婆﹐我叻唔叻啊﹐我係咪好勁。依家已經係夜深了﹐請將電視音量收細﹐我會細細聲溫書架喇﹐哈哈。個林家鴻係乜水咁巴閉啊﹐打電話人又要CUT我老婆線﹐發神經~~~個靚女仲話好惱添﹐咁唔值得惱架嘛﹐無理由閑人都理架嘛﹐算啦﹐老婆為人係特別感性既﹐哈哈。慘喇﹐驚個林XX搵我算賬添﹐夠僵你就搵﹐順便打獲你。

老婆﹐我愛你。

今朝例牌與周公打仗﹐大戰左成朝﹐成勣佢好D。lunch老婆打來好開心啦﹐點知佢無番學﹐咁就唔值得係開心﹐反而有D無開心~~~放學打比佢﹐佢勁到已經係山頂喇﹐服曬佢囉﹐應該抽多D時間休息嘛。之後我咪歸家訓覺囉﹐信息都唔比條我﹐你話我心情如何向好呢~~~後咪都有D安慰既﹐就係個老婆話好飽﹐都幾乖。不過佢既飽都會惹人懷疑既﹐因為佢飽未必係食飽﹐可能係飲飽﹐都可能係個肚細得濟﹐食左少少少少少少就飽咁囉﹐但我都信我老婆係乖既。乖就唔好亂講野喇渦~~~

老婆﹐我愛你。