| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
| 2005 年 11 月 23 日 星期三 |
 | |
| 婆婆﹐我愛你。 |
今日~一早..7點幾就醒左啦係咪好勁呢..其實係我發惡夢嚇醒左﹐好想喊好想哭..我居然發D咁既夢...我知道一定有事發生..今日我個心都唔係好安定..不安既感覺..使我感到害怕..真的好擔心..擔心身邊會有不好的事發生﹐身邊既人有不好的東西發生﹐我好怕好驚..真的..希望我的多疑我的顧慮是多餘的..希望個個都平安無事..今日上堂..阿sir係咁俾我串..但大家都玩得好開心..老公今日冇咩陪我..不過算啦﹐我好掛住佢..我都知道你好掛住我架係咪呀..親愛的..
婆婆今日...好早返來...10:40到達..家裡..但一回來﹐我見到佢面青口唇白..好辛苦的樣子﹐我心裡無名的痛楚一湧而上..眼淚都在眼裡打轉了...惡夢..加上婆婆依家咁樣..我好心痛..點算..叫佢去醫院又唔去..話要話俾媽咪聽又唔俾...究竟要點..希望婆婆真的冇事..我最愛的人我最在乎的婆婆...你一定要好返..我不能沒有你..真的..時間一天一天過去..你頭髮都白了許多..留下來陪伴我的日子..我真的不知道還會有幾多...真的害怕了..怎麼辦..沒有你..我能活下去嗎..這是不可能的..我不能..我做不到..希望婆婆你知道..你在我心中的地位有多重..而去注重自己的身體..我愛你..真的好愛你~
老婆﹐你留意多D你婆婆﹐睇緊多D佢﹐有事就要佢一定去睇醫生﹐你同佢都會無事的。今日陪你陪得好少﹐聽日我去南亞島啊﹐我打比你啦。
 老婆﹐我愛你。
|
| 刊登時間︰2005-11-23 11:47 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 22 日 星期二 |
| |
| 兩日日記一齊寫﹐我懶了~ |
尋晚因為本人來累了~所以沒有打日記~唯有今天我補返啦﹐兩日一齊寫啦~講返今日先..今日我要去醫院抽血..沿途都沒有什麼的..只有想嘔﹐好辛苦囉﹐真的好辛苦~去到..等左好耐抽血..因為我未夠時間抽...唯有等囉..咪等囉..跟住一邊睇電視一邊等抽血囉..跟住抽完就坐Dad車去酒樓度啦..因為我地今日約左文希嘛嘛去飲茶呀~我地好急住去啦..其實我果陣好肚餓仲冇晒力添架啦..但都要去酒樓先有得食架嘛..乖乖地繼續等陣囉..去到就食粥..文希嘛嘛叫定左俾我既..但一D都唔好食﹐但餓冇計啦..跟住飲完茶﹐婆婆就去街市買送回家啦...果陣我已經好軟﹐企唔穩..仲係間買海味既鋪頭坐低左等囉..我地識得既..佢地好好人..跟住就回家啦..今日全程都同婆婆鬥嘴..我地差D動手架啦..哈哈..佢俾我激死咁濟..我係咁講﹐唔鐘意﹐唔要﹐我唔制﹐我係都要咁﹐你吹咩..哈哈.激死佢..但婆婆惱起上來係好靚架﹐面紅囉﹐哈哈......啜卜﹐我愛你
但頭先沖涼..我係沖涼房暈左啦.........額頭於埋囉.......型仔啦我..額頭有盞燈..我明天如何示人呀?!??!救命呀~~我唔制呀~~一於用頭髮遮住啦..冇辦法..好樣衰囉﹐沖涼暈左..咩都冇啦..好彩婆婆拎大大毛巾包住我姐..唔係益晒表哥你啦..還有呀﹐尋日~親愛的你不要那麼兇罵我﹐我真的好驚好怕﹐好傷心呢..我真的苦了..好傷心好委屈的哭..我D眼淚雖然多﹐但親愛的老公你唔好要你個乖乖老婆再流眼淚啦﹐還有呀!你唔准再話唔要我﹐唔係下次我再喊得勁D!我會要你以後都唔使你理我﹐都唔要你叫我﹐即話你再對我兇﹐我就同你絕交﹐我知道你為我好~但你好像忘了我受軟唔受硬的...你兇我﹐我只會哭..只會發脾氣..我不會就範﹐但最後我都係就範啦..因為我有食藥.......以後唔准話我.... i love you so much...啜卜..我好掛住你﹐真的好掛住你..miss you so much...啜卜
老婆﹐我都好掛住你啊﹐尋日係我惡﹐對唔住。我點會唔要你呢﹐你係我架嘛。頭先我訓緊時聽到電話震﹐見到你幅相我知道係你先聽電話﹐我以為你叫我寫日記﹐我應承左﹐頭先唸住寫﹐先見到你Send左過來叫我Post。如果第時眼訓或者累或者唔舒服﹐你唔好寫日記喇﹐我寫就得。都係果句啦﹐著多件衫啊。
老婆﹐我愛你。
|
| 刊登時間︰2005-11-22 11:31 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 21 日 星期一 |
| |
| 今日老婆喊了﹐而我~~~~~~ |
|
岩岩番到屋企﹐我番到來大約九點半﹐依家都九點八了。一番到來坐係度﹐屋企好靜﹐而我都無講過野直到現在﹐其實都無咩講﹐我面都毫無表情。坐係度就開電腦喇﹐跟住當然係去解決我出去時尚未解決的事啦﹐去廁所﹐原先出去前同老婆傾緊電話﹐傻傻地走左入廁所才醒起同老婆講緊野﹐點可以同佢傾電話時去廁所呢~~~佢叫我去架﹐但我真係唔得啊﹐太唔好意思了﹐事隔四個半小時﹐我終於將它釋放﹐釋放給不了我半點歡暢﹐太多事了﹐實在太多了。
今朝﹐我如常起身番學﹐電話嘈醒我了﹐阿珍珍部電話D聲仲勁﹐只雀仔叫得好大聲﹐我部想完就到佢部喇﹐我部既鬧鐘聲就係老婆為我用鋼琴彈既音樂{係我地一齊上去一個Flash既網﹐如面好多動畫的愛情故事﹐都有唔係的﹐我記得呢首音樂係一個人(唔記得左係咪人﹐好似係條金魚﹐金魚的機會大D)孤單係一個島上﹐路過的飛過的游過的都不願意帶他走﹐他只有懷住希望﹐等﹐等﹐等有心人﹐等﹐無奈只有等~~~首音樂帶有悲情﹐但我每次聽都是開心的﹐好開心。有時一個人﹐心掛住老婆﹐有唔可以同佢傾計﹐我就聽呢首音樂﹐好舒服的感覺﹐另一方面又十分切合我心情。好多謝老婆為我彈的一首歌﹐好多謝好多謝。當我收到時我也好感激她﹐在這方面我並不貪心﹐我滿足了。}。番學的早上﹐我聽到時就會想起老婆。之前朝早要叫佢起身﹐依家唔洗喇。我被電話嘈醒後﹐當然係執書包啦﹐其實都係咩都擺埋落去﹐唔知用咩嘛﹐用完的依然係入面唔會咁快出來。刷牙洗面就趕出門口﹐但每日每朝都對住個天講野﹐希望佢地聽到感到啦。出門口時我行得好快﹐時間無多了﹐好寂寞好掛住老婆﹐我好似好懷念之前叫老婆起身的日子﹐雖然佢好多時都係但一個“嗯”字應我﹐我就自言自語囉﹐但我好樂意每天咁做﹐透過早上的一個電話﹐我可以知道佢原來係屋企﹐無去醫院無甚麼大的意外。除此之外﹐我有時仲趁機囉佢著數﹐有一朝就叫佢錫左我一啖﹐呢一啖使我成日都特別掛住佢﹐心情特別好﹐心好多謝老婆﹐佢的一啖使我的世界翻天覆地。現在﹐我唔洗叫佢起身﹐心就特別擔心害怕﹐而佢可以訓晏些都是對她好的。寂寞都要番學的﹐我咪孤身上路囉﹐番到去很多時都是剛準備打鐘﹐今日也不例外。今朝我晨早就唸喇﹐小息發條信息哄下老婆先﹐唔洗佢咁悶。我小息真係發左啦﹐但無回我。我lunch咪打電話佢囉﹐打左四次﹐屋企與手提電話各兩次﹐但都無聽﹐我就擔心啦﹐唔知道發生咩事。晏晝就釣住魚完成了兩堂Chem堂﹐辛苦極了。週會後放學﹐遲左放。差唔多番到屋企時喇喇林打比老婆﹐好彩姐﹐有聽我電話﹐無咁驚了。老婆話眼訓﹐我自私要佢陪﹐佢陪了我﹐好多謝佢﹐期間我地傾左D女人既野﹐唔多講了。老婆問我有無功課﹐我話無﹐老婆就叫我寫日記千五字喇﹐話少得濟怕我唔夠喉渦﹐係我自己囉來衰既。我知我無法拒絕架喇﹐咪扮下唔應承囉﹐都係扮既姐﹐最後我咪話哦囉。依家就係寫緊喇﹐唔知佢點呢~~~老婆話我呢幾日佢寫日記寫得咁長﹐我一只字都無寫。呢幾日我有咩心情啦﹐陪伴著我的只有害怕﹐自從我知道了﹐我怕到現在﹐老婆你會無事的。可能係我比緊藉口自己啦。
之後﹐我就同均哥去左深水步﹐玩馬game渦﹐玩玩下就自不然唸起老婆依家係咪惱緊我﹐怪我唔陪佢呢~~~玩完我同均哥分開後立即打電話老婆喇。聲音好低但不沉﹐一問之下原來係發燒﹐我都隨住得到的答案更加無心情。我咪係咁係度話老婆呢樣果樣﹐話幾話我都唔敢再話了﹐老婆扁嘴喇﹐我咪叫佢食野同食藥囉﹐原先老婆話頭先先食左粥﹐食唔落﹐我就叫佢食左藥先訓覺啦﹐原先佢都肯食藥架﹐後來我再話佢﹐佢唔肯食藥﹐我就話食啦﹐佢話唔要﹐我話唔要我就唔要你。老婆終於忍唔住喊了﹐喊左三個幾字(最耐的一次)﹐後咪無喊了﹐講左兩句又喊了﹐今次大約一個字﹐我咪(茂)係地下算是哄佢啦﹐老婆話今晚唔食藥﹐點都唔食﹐我咪又哎又哄﹐其間我係街度真係好凍﹐老婆也不好受。最後老婆心軟﹐問我IQ題﹐我蠢﹐三題一題都唔岩﹕Q1﹐咩米係橙色﹖蝦米。Q2﹐一個盒有幾多面﹖兩面﹐出面同入面。Q3﹐人人皮包骨﹐佢就骨包皮﹐佢係咩﹖雞蛋。三題我都唔識﹐但老婆心軟了﹐後來都話食藥。我傾傾下都凍得濟﹐去左後樓梯坐﹐我要老婆依家去食藥﹐佢話沖完涼先。我問佢今次去醫院去幾耐﹐佢話唔知﹐果時電視吸引住佢﹐我咪將眼合埋低個頭落只手度﹐想想想﹐唸起過去老婆去醫院後我孤單寂寞﹐日子辛苦難過﹐時刻擔心害怕﹐現在又準備要面對﹐眼淚出來流了。講左兩句﹐我講唔到﹐老婆係度問我做咩﹐眼淚多左D喇﹐我咪Cut佢線﹐對唔住。我抹一抹再打比佢﹐收線後我坐左下果度﹐眼依然是合埋﹐流多了少少我停止了。我記得珍珍尋晚話嘴脣好干﹐我就行番出去出面買潤唇膏比佢﹐都有買我自己的﹐其實係為自己而買的﹐哈哈。珍珍老左好多啦﹐白頭髮都多了﹐我好興幸她是我媽咪﹐近呢一年﹐我學懂了珍惜親人﹐包括你------老婆。
寫完了﹐我衫仔褲仔仲未換﹐只除低左對鞋同襪。好肚餓﹐但無野食﹐點算﹐唯有一陣又食公仔面加只蛋加條腸仔加粒丸仔啦﹐哈哈。
寫完呢篇野﹐都補唔番今晚老婆流的眼淚﹐我都承認我惡左話佢﹐但唔係鬧啊。希望老婆健健康康﹐事事順利。
老婆﹐我愛你。
|
| 刊登時間︰2005-11-21 11:25 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 19 日 星期六 |
| |
| 今日~我沒有出個門呢.. |
| 唔知點解﹐可能天氣問題啦﹐我唔知做咩咁好訓囉﹐日日夜夜都訓覺﹐訓極都唔夠囉...一早10點鐘﹐親愛的打電話來﹐問我起身未..我訓到朦下矇下囉..完全都唔知已經10點啦..舅父都啦啦聲起身去刷牙洗面出門口呢..而我就..我好想繼續訓架..但無奈..都要起身..算啦..放過它..唔訓住..跟住就整野食啦俾婆婆..但表哥搞破壞囉﹐D生菜真係好生囉..算..照食..忍你..但婆婆就係咁話佢囉﹐我忍唔住笑囉﹐哈哈.""生菜真係好生呀﹐啟哥你個心一D都唔係我度﹐整野俾我食﹐整到咁""~哈哈..笑死..不過算啦..冇野既.. 跟住之後﹐我坐坐下﹐周伯伯又來召我啦..我唯有去會他啦...一會就又四點幾啦..時間真係過得好快..周伯伯你呢..記得唔好召我咁多啦..我需要時間""休息""下架嘛..時時刻刻掛住同我傾密密針﹐係唔得架﹐你國事繁忙﹐你應該照顧下其他人架嘛...我都照顧下我D朋友架嘛..你要放我多D"休息""時間嘛..記住啦..唔該晒.. 今日大俾特別痛﹐想哭了..真的好痛呀D骨.... 好掛住老公今日到呢度..聽日約左表妹BBQ..既然應承左..唯有頂硬上~你要睇住我呀~各位..唔該..thx |
| 刊登時間︰2005-11-19 11:51 PM [ 訪客留言(0) ] [ 編輯日誌 ] [ 分享至FACEBOOK ] |
« | 295 | 296 | 297 | 298 | 299 | 300 | 301 | 302 | 303 | 304 | ... | 310 | »
|
