今日真係好無聊﹐因為個靚靚老婆去左花墟渦﹐我咪無人陪囉﹐無人陪咪無聊囉﹐無聊咪依家話無聊囉﹐無聊咪同屋企果個自已為是既人鬧交囉﹐最細又最懶係野囉﹐懶係野就以為自己大曬囉。費事講佢﹐曬氣。發覺個老婆囉﹐去左街就唔洗搵我既囉﹐番到屋企又唔洗搵我囉﹐不過呢﹐你果張相已經彌補曬喇﹐放心放心﹐如果多張同大張D仲好﹐睇清楚D嘛﹐哈哈。識做啦﹐當係哄下我囉。今日又多囉﹐囉囉囉。老婆﹐你唔得閑唔洗寫日記架﹐有我嘛﹐哈哈。

老婆﹐我愛你。

今日可以講話好無聊羅...一早起身我就知道我今日要做好多野..聽清楚，系好多野做..拖地..打蠟..晾衫...所以好累好累..唉..咩心情都無..還有就系俾希哥咬親我個嘴嘴..好痛呀
跟住就去返以前D野果度睇啦..好多唔開心啦..好多傻野..越來越發覺自己好多玩具hello kitty...系好多好多..不經不覺間..自己既物品居然多到成羅..好彩之前姑姐拎左D返去俾表妹..幫我清左d..但依家都好多..不過算啦，我第時留返俾我既BB..我相信佢地會好喜歡既..呵呵..佢地既媽咪(我)系咪好偉大呢..哈哈，勁呀我..不過今日唔底既系...我俾老公睇左我的裸照羅~(小時候的)哈哈..益你啦..不過好肥..細個果陣..呵呵..不過算啦..BB來架嘛，系咁架啦..呵呵..唔知老公細個果陣系點樣既呢..好想知道..呵呵..我的好奇心又來了..呵呵..今晚呢..我好開心呀..將好多我既摯愛~hello kitty..俾老公欣賞呢..你呀..要哄我架，唔準對我惡，我好愛你的..辛苦你為我所做的一切..呵呵..我愛你..真的好愛你..遲D我會為你做出更好味既蛋糕~
Parfait Love
親你，寵你，更要愛你
這是人生中
最幸福完滿的一個段落
此時此刻
又怎可以吝嗇你倆最真摯的笑容
大聲地說出來吧!給你摯愛的承諾
就如享受一杯
色彩斑斕的芭菲般甜蜜快樂

就快到十二點喇﹐要快D快D寫日記啊。比人睇到以為我傻左添﹐好似有人叫我傻仔健咁﹐哈哈。今日都算係開心既﹐都算係咁啦。唯一唔好既就係唔知咩令我老婆唔開心囉今晚﹐頭先我講下話咁快番來﹐老婆仔就開始想殺我喇。究竟係邊個令到老婆心情不佳﹐要我咁驚﹐講真渦﹐依家仲驚緊﹐想問佢今日我的表現有幾分﹐但唔敢喇依家。可能老婆眼訓或者累啦﹐心情就更加唔好﹐早D訓喇﹐老婆。希望聽日你開心到笑到見牙唔見眼啦﹐哈哈。

老婆﹐我愛你。

應該系由尋晚開始，我心情就已經跌落了..最低的低窪...肚痛痛到我成晚都系度喊..痛羅..好辛苦呀.. 但後來得到老公既安慰同埋體貼既呵護下..我得到了少少既..好受D啦..但都好辛苦...但我就到四點幾先訓羅，心情壞透了，真的好辛苦，好痛，好唔開心，系咁喊羅果陣..不過..都系系喊喊下既情況下..訓左覺..醒返..打俾老公..點知佢剛剛起身，一定系尋晚太夜訓啦...要哄我..辛苦你啦老公..跟住我就出左去..睇醫生..打針羅，打完就暈左渦..系咪好勁..哈哈..嚇親個個羅..不過好彩都無咩事..今日老公出去玩，唔得閒理我，而文達陪我玩左陣麻將..輸左少少分俾我..跟住少左老公，我地好快收線，因為我地都無話題..好慘呢..我討厭沉默..我害怕沉默..但老公都唔理我既，掛住玩.算..忍你一日..你今日值30分，你好自為之啦..今日到呢度，明天繼續

老婆﹐我聽日會高分架喇﹐錫曬你。

今天天氣情朗﹐萬里無雲﹐小鳥自由自在地在天空飛翔。為何人又偏偏得不到自由呢﹖<---Form5時比阿Sir捉到我上堂鋤大D﹐叫我寫悔過書。我就用呢個開頭喇﹐哈哈。大那那六百字既悔過書渦﹐唔講D廢話點得。我星期一無寫信信比老婆大人啊﹐老婆大人就唔開心喇﹐我幾經辛苦先哎得老婆唔惱我咋﹐仲好幸運地得到老婆既獎勵﹐獎勵我寫一篇1500字既日記啊﹐我實在太開心太開心喇﹐太有意義﹐時間過得太充實喇。大家要知道渦﹐我老婆未叫過其他人幫宎g日記架﹐我就唔同啦﹐老婆成日叫老公我寫﹐有時唔叫我我都寫啦。老婆一共大獎勵左我四次(計埋今次)﹐第一次500字﹐第二次就700﹐第三次我老婆生日就好樂意地寫1000字啦﹐今次唔記得寫信咪1500囉﹐下次應該係2000喇﹐一個月後可能去到3000﹐真係開心喇﹐實在興奮得手舞足蹈。的確係既﹐老婆叫到既野都無咩可能有得抗拒架喇﹐硬既﹐拒絕只有更開心﹐軟既﹐當然係抵擋唔住啦﹐一句溫柔的說話﹐爹一爹我就咩都應承曬夆捸M仲有一招架﹐就係﹕咁算啦﹐無野喇。呢樣仲驚﹐因為我即將就要反過來要求自己為老婆效勞﹐要哎坅﹋先可以要老婆唔算同有野。近排又多左招新招﹐就係﹕我唔開心。問岈I解就會話﹕你激親我。或者我唔答應巠都講呢句架﹐最後都係要老婆笑番﹐再乖乖地地應承你﹐受刑囉。

老婆你的確係好得人鐘意既﹐軟硬兼施﹐讓我招架不住。而且還越來越有女人味﹐真係勁左好多﹐產生一種誘惑﹐這樣的感覺正常既﹐哈哈。以前好似個細路女咁﹐可以講係無咩咩囉﹐但依家就與別不同﹐大左少少之嘛﹐就勁左咁多﹐比例唔岩啊﹐但我鐘意呢。老婆仔﹐尋日你喊左好多啦﹐做老公既都唔想見到老婆喊。你肚仔痛我唔知講咩好﹐我成日安慰你﹐話一陣唔痛架喇﹐除左呢囮痝ㄜ曭墾翰圻n。老婆你尋晚就忍唔住話我啦﹕除左呢句﹐有無第句﹐無黎新意。哈哈﹐我的確無新意啊﹐我都想有D新意架﹐但又唔識﹐點算。你會唔會怪我架﹐會唔會唔鐘意架。尋日實在太開心喇﹐老婆。全日都好開心﹐中午晏晝夜晚都開心﹐我地傾左以前重未傾過既﹐好開心﹐你就更加係咩都講﹐好似絕對相信我咁﹐咩都話我聽﹐哈哈﹐我知道曬喇﹐不過老公知道怕咩啦。老婆﹐你係屋企著D衫仔實在太咩咩喇﹐益曬人地﹐仲係充滿吸引力的粉紅色﹐對住我就唔同。哈哈。老婆仔﹐尋晚好夜你肚痛得好犀利﹐你仲喊添。我就一邊沖涼一邊發信息比你﹐算係安慰你啦﹐雖然我知道係無咩用。但我唔想你痛苦時﹐得你單獨一人面對﹐起碼讓你知道我雖然唔係你身邊﹐但遠方的我還是在陪住你與你一起面對。希望老婆你知道啦。

老婆﹐你個好朋友飛飛讀美容﹐付出與犧牲真係好大好大。原來我表姐以前學都要除衫架﹐不過就應該無除褲囉﹐但最重要既就係唔係男女一齊上囉。起碼果D讀美容既女仔既男朋友或且老公﹐唔會咁心痛同埋傷心。如果老婆你去學呀﹐我會唔要你架﹐講真架﹐因為我唔要我心愛既人咁樣﹐我寧願心愛既人咩都唔識唔懂﹐無任何求生技能﹐寧願我成世養吨鯃哖錢吽M都唔要尨ヴID要付出咁大既野﹐每個男仔都唔想心愛的咁樣﹐願意的男仔﹐那女仔就要自己考慮下那男仔是否值得愛。而願意去學的女仔﹐那男仔如果咁大方捨得﹐那女仔都唔需要考慮甚麼﹐因為兩人的關係好極有限﹐不知有否在乎對方。講bye-bye都係時候了。如果那男仔反對的話﹐還有一線生機既﹐就是睇下那女仔如何取捨﹐選擇技能還是選擇可能心愛的男仔。開學校果D人簡直就是變態﹐美容學校應該改名為分手學校。單身或者還未墮入愛河的人可以去讀既﹐如果認為值得的話。不過就希望將來心愛既人不介意囉。每個人的價值取向都唔同的﹐我確實唔得﹐可能我思想落後。老婆﹐係咪啊﹖

今晚出去極無聊啊﹐我只是打機咋。過幾件就成個女人咁﹐猛咁講人是非。食野時講﹐一陣佢地去廁所﹐之我就係度繼續打機﹐之後佢地去左M記﹐我都廢事去﹐因為話題好無聊﹐講周思廣既是非﹐個駱韋均好似同佢有仇咁﹐係咁講。其實當面同佢講咪得囉﹐話唔鐘意佢呢樣過樣﹐洗乜後面講。人地既事都唔關自己事﹐人地點對別人都唔關自己事﹐好唔想講是非聽事非。

老婆﹐今日你肚仔又痛﹐我擔心你呢﹐怕你又喊啊﹐你話唔做女仔添﹐哈哈。你唔做女仔邊個做我老婆呢﹐你話係咪﹖你知你幾重要架啦。做女仔好啊﹐有老公錫有老公哄﹐又可以蝦老公呀﹐幾著數啊。好難為你呀<---係咪想講呢﹖梗唔難為啦﹐好樂意添。咁咪得囉<---你係咪會講啊﹖老婆仔﹐有咩事或無咩事都搵我啦﹐等緊你﹐二十四小時為你服務。老婆﹐我好掛住好掛住你啊。你估下我享受完你既獎勵未呀那﹖你會唔會真係數下架﹐信唔信得我過先。哈哈。信下你老公啦。突然間﹐想叫你錫啖我添﹐哈哈。錫唔錫啊﹐好想啊﹐要甜D架渦﹐兩啖啦﹐獎勵多D啦。三二一﹐唔反對就當你應承架喇。好﹐多謝老婆。 。今日到此為止喇。

老婆﹐我愛你。