今日~一早就醒左啦~俾電話嘈醒囉~九點度啦應該~哈哈...所以現在頭超痛啦...低死既!!!!哼!!超汶!!!!跟住就出左去西九龍飲茶~但唔知係咪因為我呢~出門口果陣飲左支''益力多''既關係~我搭完巴士﹐我居然想嘔..係好好想嘔...唉~慘囉..跟住飲茶...飲完茶之後就想去香港公園玩...但係後尾我都冇去到...因為本小姐又懶惰囉...所以咪...唔去囉..哈哈...跟住就行左陣街..買咩呀?暉春呀~哈哈..大口仔..i love ~開心~
跟住就去街市啦..又實行做煮飯婆~買送~唉..其實我係好唔想買架..但唔知點解俾人叫一叫﹐我又中埋去囉~哈哈..跟住係歸途中...我呢...俾老公激親囉..哼!!惱死你..但後尾俾佢哄返~冇事~嘻嘻~我愛你..跟住就訓左陣囉..但俾人嘈醒..超紋..頭痛到飛起~真的好痛..現在還處於高燒中~係咪勁呢~哈哈...
現在本人心情十分壞~老公就玩得開心啦~心裡其實根本就沒有我的存在~哼~~累啦~明天要努力~考試~加油!

邊個話我心裡沒有你架﹖又話我。今日玩麻雀係唸住哄你開心架﹐可惜適得其反﹐唔好意思啊。今晚打波只手又腫番﹐發唔到力既。不過考達哥同婆仔都夠﹐玩四場贏三場﹐哈哈。發燒話我聽嘛﹐讓我哄下你嘛﹐頭先可能又激親你﹐對唔住啊。聽日考試﹐你咁叻洗乜驚啊﹐老婆﹐努力努力。

老婆﹐我愛你。

考試對於我來講..哈哈..勁到呢..我完全沒有感覺..一d之前中學考試時既感覺都沒有...害怕呢..沒有呀..哈哈..但到考果陣唔知點解我居然都係有d驚囉..呵呵..心係咁跳~呵呵..但最後順利過關..於是就去買我睇中左果個袋啦..$1780~但好無奈..居然沒有囉..有d唔開心..但唔緊要啦..遲d去又一城或許sogo再睇下..但我今日收到禮物呀~係係HKU入面一個~俊賢表哥既同學送俾我架..係雞丁呀!同佢Dad~佢Dad最過癮按下佢個肚就會嗝嗝咁叫架..好好可愛..但後尾俾死人俊豪~中學個fd係新都會撞到我~他搶了..算數!我還有雞丁!遲d慢慢同你計數!你記住啦!!!!哼!!!
今日本來要出去食飯~但本小姐發爛渣呀..哈哈..所以唔去lu..我都沒有唔開心~所以你地唔使理我架..呵呵..
我今晚包餛飩~嘻嘻..好好玩...軒哥哥仲白痴..佢亂來既~傻既..
今日到呢度啦..
好累啦又好凍~明天繼續啦..
其實我想問..我係咪靚?!唔知點解我覺得自己很醜~怎麼辦~
掛住你~愛著你~老公~

今日考試﹐尋晚無訓覺﹐考試時唔眼訓﹐考完就殘咁濟﹐念住食埋飯先訓啦﹐但睇完電視就頂唔順了。一訓訓到九點幾由兩點幾﹐勁﹗連電話響都唔知~~~唔知點解無咩心情﹐搵人哄下我啦。

老婆﹐我愛你。

今日~一訓醒已經12點啦...超勁啦我..訓左十幾個鐘..但唔知點解我都好累好眼訓..哈哈..傻左..一起身就打邊爐渦..我未刷牙就要去煲個湯底..哈哈..真的好勁呢...跟住我刷完牙洗完面..搽埋d野..就岩岩好啦..可以打得啦..跟住個個就好似傻既咁...(未訓醒)咁..開始打邊爐..我依然係食我既金菇同西洋菜啦..傻既..尋晚打邊爐食剩好多野呀..到現在(兩次邊爐完左)剩下的東西還有好多...傻的~呢排都唔好再打邊爐呀..唔係我會死的...因為唔想再食呢d野..好壓啦...
跟住之後就出左去啦..約左希哥去冒險樂園呀..哈哈..我地玩左足足一百個金幣..但d飛呢就得十幾張..呢次全軍覆沒~慘敗..哈哈..但好開心..係冒險樂園都可以見到以前中學d校工嬸嬸渦...哈哈..我地真係有緣啦..你地都認得我渦..呢個最奇...你地叫聲我''靚女格格''哈哈...嚇親我呢..係呀..我真的覺得好突然囉..因為就來有一年啦..我好耐都沒有俾人咁叫我啦..好開心呢..哈哈..最奇就係居然就係個校工嬸嬸叫我呢...哈哈..好勁..我都有耐冇返過去啦..唔經唔覺呢..我已經做左幾個月既大學生..沒有以前那份感覺了..為什麼呢..我都不知道啦..但今日好驚喜..希哥錫左我四啖..哈哈..哈哈..嘴嘴都有錫到呀..哈哈..但我惹到有朱古力味呀..(原因他食左朱古力)但他十分孤寒...因為他不會將自己擁有既野..分少少俾人地...有些時候連我..他都不會分給我少少..別說是其他人啦..但今日他好聽話﹐都好人左少少..分野俾我囉..錫我囉..沒有叫我衰人囉..但軒哥哥..宣告失敗..他沒有得到與我同樣的待遇..呵呵..開心的一天..
掛住老公~
天氣凍~希望他會多穿衣服﹐不會冷親~我愛你

玩左足足一百個金幣得十幾張飛﹐係咪D機壞左唔識出啊﹐肯定係啦﹐靚女格格。成日比希哥咩咩﹐無得淨啦﹐哈哈。我地一齊著多件衫啦﹐哈哈。

老婆﹐我愛你。

大獲﹐老婆無寫日記﹐聽日小弟無命喇。今日好悶﹐無野做﹐老婆仔都應該好忙﹐因為佢去街市買送﹐番屋企肯定係佢整架喇﹐真係賢良淑德了﹐愛愛愛你啊。

老婆﹐我愛你。

由於尋晚我冇打到日記...今日要補返啦...哈哈..我真的好懶呢~那麼你還愛嗎?!
好累~真的好累..呢幾日..日日都上街~壞透了我疲憊的身軀~加上我病了的身體~真的累壞了我呢~
今日去左一陣街咋..去雀仔街...我真的害怕了..我見到有蟲蟲呀..好核突﹐好得人驚~哈哈..怕怕..第日﹐我一定唔會去!!但就爬欄杆~哈哈..型到爆呀我..哈哈..但就始終呢...我唔敢爬...後尾都係由軒哥哥抱我過去...哈哈..老公呀..第時你見到有呢d情況呢就最好陪我行天橋或紅綠燈啦..唔係呢就...哈哈..要抱我過欄杆啦..哈哈..太辛苦啦..你會點揀呢?!
今日..天氣好凍呀...出去換話話時..我剛剛訓醒個樣..好傻..加上我呢..俾人叫醒去換電話囉~心情真的壞透了...超汶超唔開心..哈哈...軒哥哥話我似漲氣公仔~好衰架!!決定絕交呢~
講返尋日啦..本小姐呢就...其實關於尋晚..我真的好累呢..尋晚我用左短短既幾個鐘時間就由HK到深圳﹐再由深圳到HK~來回都係幾個鐘咋..哈哈..但我俾人話我似果d咩囉...即日來回~哈哈...不過就好累﹐咩收穫都沒有啦...辛苦晒我囉~哈哈..到呢度啦個日記~明天繼續
好掛住你~miss you so much ~老公~

你話我愛唔愛啦﹐當然係愛愛愛啦﹐你咁可愛靚女﹐點會違背良心唔愛你呢。哈哈﹐你問我會點揀呀﹐你想點揀咪點揀囉﹐我咁錫你﹐係咪﹖再唔係可以抱埋你過天橋架﹐費事累親你啦﹐都係背你好﹐易D﹐驚無力啊。平時休息多D啦﹐不過去下街都好既﹐你去雀仔街都見到D雀仔猛咁叫﹐幾渴望自由呢~~~錫曬你﹐實行錫曬你。

老婆﹐我愛你。