2009-11-02
尋日就2點先訓
今朝又係咁
不過返學個情況就冇我想像中咁差啦
至少黃曉雯冇老羞成怒先......

做數學mc
真係要用腦諗既一份卷
雖然你諗唔到既時候會好痛苦
但係只要你再比時間落去
試試試
你就一定搵到個答案
用既時間真係很多
以咁既速度係考試我都唔知可以搵咩分
但係至少你都有做過
唔係乜都唔做係度等死先
做下做下先越感覺到數學真係人類既朋友

我亦覺得呢份卷係難過會考數學以倍數計
所以點解傳統名校咁多10優生啦
原來校內卷出得好   學生就適應左個難度
自自然然見到一類淺題目真係鄙視佢
輕輕鬆鬆咁拎個a返黎
所以除左你醒  天資聰敏之外
住住都有一班係背後為你既成功出左一大分力既人
你地多謝老師
咁你多謝佢咩呢?
多謝佢教導?籠統

我都對數學有左一個興趣添
以前我真係以為佢微不足道
但係時間改變左思緒後 
對佢產生左感覺添
所以覺得數學難既人
有時間  有唔識既題目都想用自己個腦諗清楚先
唔識即刻問人就可免則免啦
以自己力量完成先叫做數嫁
人地教你  你真係完全明晒
就算數學公式有 
你都盡量明白理解背後個理念啦
算啦  以我既身份都係唔講太遠
講到好似以大數學家口吻論數咁
因為本人既目標達成之前  不能遺下數學  先會口出狂言姐

陳志良中史第4問野點會值5分.....
高我成分半.......
我就知道我要研究既大方向係冇錯.......

正  衫到左   著起上黎都幾合我身
我到時要畫我既代表    鷹  出黎
一來有自己既象徵
二來都可以順手來掩飾我件衫簽名零落個樣
鷹  我一定會畫得你好睇  包你栩栩如生 
同時 衫既到來又象徵左陸運會同埋考試就黎
咁點解唔考埋試先陸運呢
要我地有牽掛咁玩真係好殘忍
最後一年咁大班人咁玩?
就算之後中6.7都冇咁多人啦
唔好等你既學校生涯空白一片完啦

思索人生
究竟醫學昌明為人生帶來咩改變?
你可以將你人生最光輝既時光延長咩?
當然長就理想啦
但係如果唔能夠做到以上講個點
咁係活到80歲  安然就去
同你100歲  做完人瑞之後就悄悄離去
分別在哪?
就只係可以見到呢個世界多20年?
但係你以前最好時光  唔會因為你多左20年命而延長20年
如果仲係唔明小弟既思想  就可以睇睇以下簡陋既圖
1,80歲   ---------
2.100歲  ----------  
即係你既精彩部分就冇因為你既醫學發達而加長左
過左呢段黃金時間  都係要做老人
咁80定100你會簡邊個
諗得太遠添
冇人能預知將來
把握現在時機啦

點解qooza  d表情符號咁樣衰......