2009-10-30
頭2堂娟娟冇番
咁就多左成2堂
咪我就梗係做一做題目先
......一題諗咁耐咁你考試點算....
一諗起都驚.....
你個大計會唔會流產嫁......
我真係有小小驚
雖然鴻哥都有好多唔識
但係就算佢好過你
你個目標都唔可以放係佢度嫁....
都仲係太低
 今日我終於知道中國人係20世紀外交大失敗時人民所感受到既痛苦
被人屈
我盡左我最大既努力去叫我既債主還11蚊比我
但你佢2公婆唱雙簧
就比佢拎左成蚊
我著意唔係個數目
係你就當我講野耳邊風
我真係深深被你打動左你對佢既忠誠.....
仲叫我算數.......
好彩我都岩岩好仲有錢
如果唔係我唔駛食野都得啦
平時你成日串我  我都算數
但係你今日咁既行為
我冇可能再信你囉
哈  真是知心好友呀
我諗過應該係我自己問題
冇理由每一個都係咁.....
不過以佢地性格  更有可能係我自己成績未如前列猛將先被人忽視得如此地步
 跟著個4堂
我又真係發現自己現在既困難
真係好棘手既問題

 食野  因為係學校隻身一人食會被人歧視
所以都係要同佢地一齊
已經冇錢  仲要咁貴......
要用零錢找數......
不如自己訂自己啦
咁就唔駛走黎走去......

中史堂第一次可以係2堂講左11頁
真係未試過
好似越教越快
真係會教唔晒咩?
 今日我終於可以好早就出左學校門口
平時我都係依依不捨咁既款  
今日就轉得好緊要
中5歲月就得番3數個月
中5都己經係最後可以咁輕鬆既時間
以後就會忙到不行了
你仲可以咁快離開呢個校門幾多次?
仲可以見到佢地幾多次丫?
時間就真係好快咁逝去
唔知幾多年後我離開呢間學校  會唔會喊出黎呢
雖然真係好多唔開心既記憶   但畢竟我都係度成4年喇
你話冇感情我又真係唔信
天下無不散之筵席
咁你可唔可以將呢一個別離時間延遲呢?
今日你離開人世   歷史會有你存在既紀錄
咁仲有冇人會記得你丫
一千年後   你就化為塵  化成一堆白骨......
人生最重要就是先入世  
永遠想過去將來又有何用呢
諗番起張養浩寫既元曲
其實真係寫得唔差丫  點解會被人忽略?
不過唔緊要丫   今日唔代表以後既日子
你又點知你明日冇人會鑽研你既作品丫
我知我做野就係比較衝動

呢個係一個好差既壞習慣
唔好等你做左一半時  先列舉千萬個理由反對你先前所做既
一係就義無反顧咁做