2009-10-24
一話一朝早要作文真係攞命第日即刻作作完之後疲勞過度
仲要病左......
唔食仲好過食野啦
因為我就飲左凍野
暈到差d返唔到去.....
走去訓陣
又發冷
咁咪搵衫襟住
訓左成粒鐘就痛到爆
一痛就就痛到午夜...
因為又痛同醒完又暈過既關係   所以我仲要再訓
點知個人愈訓愈熱
又冇水飲
企起身都企唔到耐....
淨係整濕件衫再禁住塊面
神智不清就係咁既款
企多2.3秒都"累"低
6點幾   個人終於冇咁熱
我阿媽臨出門口先知道訓左係張床度.....
就幫我度體溫就算
佢話成39度幾.......
我係度諗緊
而家冇咁熱都39幾?
咁頭先果下咪過40都得......
沖完涼之後又訓過......
又醒過之後我竟然會搵左"來生不做中國人"本序黎睇
仲諗住做
"有心無力:就係咁   不過我都唔知點解我係呢個情況會有咁既諗法
個陣見到碗飯真係想嘔
又想食野  又想嘔
飲啖水又覺苦
淨係可以留係張床  冇得行
真係折磨
到左夜晚去荃灣睇醫生          葵芳d執晒既.....
去睇醫生
頂你個肺丫  夜晚十二點都仲咁多人
成7.8個人  輪都有排輪
位都冇得坐
朝早都冇咁誇張啦
見到隔離有一間  點知一個人都冇....     可能信唔過  所以繼續等
班友做野真係快手
睇7.8個人可以等左我成個半鐘
0:10~1:30左右啦
但係入去診症就10分鐘都唔駛.......
仲有  我填資料個時  明明係寫住 "智"
但係佢地咁都打左做"志"
我仲記得個醫生特登問番我個名
仲叫我護士改番
跟著就話感冒
感冒有冇咁嚴重.........
搞到我要生要死咁
睇完等執藥都要2個幾字......
個護士個樣仲有少少似超級巨星個豬妹.......  
到我今日再睇番藥水上個標籤個名
頂你個肺   仲係錯既........
其實佢地有冇真係做過野.....
話時話   藥水真係好甜
甜到我而家就想刷牙
到今日我自己量一次
量幾多次都係尋日個個位,,,,
我放左支野係凍水度都冇郁過......

 2009-10-25
我真係好驚食藥    好驚死
次次食完西藥都想嘔
一食完藥唔舒服  係持續性
以前都有陰影
反正我對好多野都好有陰影......
順便"賴"埋落去啦

今日我做左一個2年以來既心願
就係譯左一段文字
我係譯既途中
真係要用個腦去將一段英文轉番做通順既中文
真係好難
有d英文我又唔係好識啦
有d就好多歧義  你點砌都好似通順
有d你識就識    不過成句句子就好難譯得通順
加上又病病地  譯都不成人話
不過譯到一段後就好大成功感
事實上 我只2係譯左一段咁大把
其實係慘到得3.4句....
譯左都成半粒鐘
以前有中文版本都冇問題
而家要完完全全自己譯出黎  仲要比人睇
起碼我將自己想做都做左出黎
我都意識到我既能力真係好小
譯既途中我要用到腦黎諗野  都叫冇白費
我都可以可到相當多既字詞
家下我就要係全英環境下睇野
諗野以英文字解釋番中文
呢個難度比你淨係英文勁仲要高好多
因為你都要係個種語文都要熟練
不過  以小弟既資質
要全英解釋  冇得睇中文
好多時都要撞版
一句句子可以多變.....
如果你先前對個樣野冇咩認識
而你又見到段咁既文字   都唔知你想點先得
唔知邊樣先岩
未來仲有好多困難
但係我仲會再譯
希望可以譯快少少
呢個真係一個寶貴經驗
克服佢地  我就成功
點解我諗到一樣野既時候
我留底係個腦度諗著一陣打番
轉過頭就唔記得左
一唔記得就唔知幾時再記得番......