2009-10-19
今日既情況都同之前既好似 都有不祥預感
冇錯 今日又係受果報既時候
我又落得一個慘不忍睹既成績
真係慘不忍睹
今日仲有一個測驗
唉 第一題就做錯
點解你尋日要咁豪 溫都唔溫呀
家下恨錯難返.......
冇左成2分
我已經冇咩信心
係一份咁既卷冇2分已經致命
我目標全做首領
唔係陪人跑
做做下又要飛題
我最驚就係呢一種
你識又熟駛乜飛題.......
唔考都考左
我真係希望呢一種情況唔會再發生
唔好.......
;仲有一個我自己都無言以對既卷
5分 仲要比一班友唱通街......
好似都搵唔到一個仲低過我呢個分既人 最好都係同分.............
呢一科我明顯都係冇溫過 但係我都無辜地拎唔到必拎既分
我要搵一班一定廢過我既人黎比又係無謂
無論點都好 我一定要跟著我尋日所講過既野黎做
至於呢一日既成績
let it be let it be
最重要既都唔係呢一次小測啦
唔駛全軍覆沒
要重整旗鼓
今日我番到屋企 終於唔係掛著電腦
係聽日既佛學
都好丫
雖然都係得一日
但係我都控制自己既慾望
唔駛比電腦操控 做電腦既傀儡
本身我有廷續之勢
但係某電視台又播亮燈儀式
 阻住晒
咁無計啦 我都溫唔到
係派某卷既時候
我終於被人考驗
我被人挑戰 佢向我下戰書......
我冇可能再坐以待斃 我唔會欺言
我曾經何時一樣有呢種頓悟
我同時都有寫低
不過寫係一張紙度
咁個結果梗係唔見左啦
同時同冇寫過一樣
浪費左好多野
呢度寫下 個度寫左 到你要搵你好多時都當冇左回事就算
所以係要集中
我今次都諗左好多根本性對洽方法
黃曉雯講得好岩 溫習係要用個腦黎整理
唔係話你溫左佢就會入腦
你要明左佢 明左就唔駛記 (李生名句)
而家我中左招 就知道日常呢類小型既東西對日後既影響係幾咁大
呢家你真係知喇
有時你就覺得冇咩用
好普通 好平常
但係到你一次過爆個陣
你見到一大堆同一顏色既野 你都冇心機
唔係入唔入先
你有冇心機去睇都有問題
咁你仲點話去入腦呢
你班友唔好再話我收埋收埋
我知既野都講晒出黎
唉 有時我都想我自己係一個醒目仔
一講就明
一見到呢類型咁"弔詭"既問題都唔駛諗咁耐
最慘就係小弟既無知同自負已係呢1年耶人既領導下發揮得極點
以為自己真係好聰明 點知係雕蟲小技
一諗起就灰心
呢種興奮可遇不可求
不過要我係呢種小成功下興奮 諗起都覺嘔心
我希望係可以變番以前咁平常 咁淡 咁謙虛
變番一個見得人既人
今日放學去還書
本身我應該了無牽掛
但燧點解...點解咁都要比我見到你呀
我都係想靜一靜姐
一落度黎見到某君都好似係必然咁
你見到我又要扮野 本身應該我要避你先係
對唔住 你係度我真係做唔到野囉
但係我仲可以退去邊
不如你教下我我應該點做 好無
係呢度我就冇左自我
夠喇 你想笑咪出聲出呈 扮斯文
你估我唔知你底細咩
想笑我就要暗暗咁笑
笑完我就好收手做野喇
大家當見唔到咪得
你舍唔舍我每一次見到咁 我都笑唔出
你係玩就玩絕我 (都係唔好)
我唔想玩到咁大
就咁算數啦好無
呢個中4階段帶比我只有恥辱.仇恨同埋腐敗
係我人生中最黑暗.....
我想喊囉 但係我又唔係真係咁喊到出黎
今日一個我尋日同佢宣戰既人又友善左
咁我係咪應該心軟......
我都唔想做到咁絕......
但係經過一番思慮
都諗到呢一個都唔係永恆 係無常既
所以我係唔會停止宣戰
但係最奇怪就係
每一次係我做每一樣野既時候既第一日或者以前 總之就係一段好短既時間
某樣野就突然變左
係咪上天派比我一個任務 試煉我既恆心同堅定
叫我克服佢?
我一直都唔信上天叫我唔好改變
一個咁頹既人 你真係忍心見住佢一直沉淪????
你真係叫佢迫到自己痴左???
作為一個讀過下書既人 都知道命運不可全信
但係一個好似悲觀既人去到佢一個低谷時
要走出困境時遇到一次又一次更難既難關
一個人好似走投無路之時 唔信命 就只有信自己
信咩.......
由開學時 諗左而家 仲未有定論
唔能夠有猜忌自己時一刻
我係一個極度矛盾既人
又鍾意挑戰 又接受唔到一樣我獨力解決唔到既野
最諷刺既係 呢種事就好似家常便飯咁
我只係一顆細沙 但可唔可以期待發光發熱既一刻
就好似天上既星星一樣
點先可以......?
頭先我上左維基
我頂 又勾起左我為中文版貢獻一事
話說係中2時
當然又係無所事事咁
得閒就上下咁
見到一個版中文版無既 我就想為中文版做番一樣野--
翻譯做中文
但係無奈地 小弟係一個見識淺薄既人
又點能夠話幫就幫呢
一陣愈幫愈忙
一班人學左錯既野
我咪做左一個大惡.....
所以我一直都唔敢
但係每一次我見唔到中文 我就好想行動
聽日仲要自己起身 我真係好有壓力
我唔有第2次既不良紀錄
仲要係10月中
自己起身真係好攞命
好驚遲.....
真係要諗一諗
我同其他人既日誌內容分別都幾大
我係咪愈黎愈不正常...........
| 
