2009-12-13
呢幾日打機打到成個雙失青年
打完機之後發夢都夢見都個遊戲就可知對其痂迷程度
又荒廢左呢一年所剩無幾星期六.日黃金假期
打完機手尾長
今次應該係最後一次  (次次做完之後都係咁講啦)
去到呢個時間
又要諗下要做咩準備工夫去迎接上學日
每一次都冇準備咁上堂  真係心慌慌
連堂都唔想上
話咁快又過左成半個月
數下數下重有個虺禮拜就去旅行
算喇  其實我都唔想去
去親又要自己煩呢樣煩個樣
不過唔想又死咁姐
一年一度就唔好咁拘泥啦
人地節目豐富  我就要諗定一下到時做咩野好
又要坐係一角到
遲下先諗  做番正經野先
之前又雄心壯志咁話一什紅幾多日之內做好
到而家又諸多藉口推搪  雖然我都估到  但係你可唔可以爭氣一次呢...最少
話買野又唔買   唔買又話做唔到野  做唔到野就打機放鬆一下  一刻之後又一刻   到而家後悔自責  之後又有大計再到買野  
足足一個循環  我都背到熟喇
你估醒人 (重要我唔係)唔駛做咩
我都辜負左自己一次  唔通重要辜負多自己一次先滿意?
呢一次差唔多係孤注一擲喇    再黎多一次真係冇用架喇你
洗心革面  消滅打機既慾念啦.......
就睇下東亞班運動員幾努力   (雖然某挑剔人士就喜歡挑骨頭:小型運動會都好講)
有心就唔駛成日提  好事黎

諗起尋日歡樂滿東華都好笑
睇見班人明星....仔要上口下位做到搏晒命都不如一個成龍唱下歌咁輕鬆籌到既善款
亦到有一個現實既一面
香港人真係有善心  但仍改不了鍾意緆人仆街既一個黑暗面
唔屈班友做下苦力  整下痛苦樣都唔會有高收視
重有班總理有屈人去仆街  亦都有被司儀屈既
係個個鬥食酸苦野既環節入面
個總理走出黎大大聲話食埋呢個加多十萬.....!!!
咁即係明屈人去自殘......
你地係做好事前先做壞事.......
個總理重要笑笑口咁  都唔知你係被司儀逼你講定你自願....
不過呢次冇前幾年咁好看既

你唔好再諗以後會點
而家自身都難保  重講未來?
迷信小羔羊快要落入虎口喇
當你淨係諗成效  其實可能你已經會浪費緊寶貴既時間
你既行動既成效亦自然會袖拖延左既時間影響
結果都會唔同喇
咁多人同一個款   結果都唔同喇
我就知你乜都唔做下場堪虞喇
救命  我重要講幾多次呀
總之你要同我醒醒定定做人呀去達成你既目標
即使你係縛不完備都可以成材
最少都半舊材.......  個名好難聽
就係因為咁  你就要自我增值填補以往既空缺
誰說現在是太遲?  有心就不怕遲  就一定可以達到  
夠!