2009-12-12
夢幻120分鐘
一場精彩既對決
香港終於勝利喇!!!!!!
雖然我都冇現場支持香港
但係係屋企睇直播一樣可以咁投入
我都好耐冇見過(其實唔知有冇見過)香港係呢類型賽事亮相會有咁多觀眾現場打氣
扭轉左以住冷清清既場面
睇番賽前戰況
四強香港都打左120分鐘
最後用12碼晉身決賽
原先重擔憂香港隊氣力不繼
再加上對手係日本
日本(聽番評述講)都係加時最後一分鐘先淘汰到對手
但無論技術(即使係青年班)都技高一籌
同埋就係日本隊兩次大數過香港
心理唔多唔少都有陰影啦
所以形勢而高  香港處於下風
本來本住輸少當贏心態去睇
一落到場香港隊搏命咁踢真係驚佢臨尾會頂唔順
到日本先領先我就更認為香港又可能步上次大敗後塵
只求不輸多3球都滿意了
下半場人都未出黎睇就聽到尖叫聲
原來一場虛驚
但係失望左一陣冇耐  真既驚喜出現喇
香港可以追番1-1
我同現場球迷心情一樣  更加跳左一跳添
我上次咁興奮都可以追溯到上屆世盃德國追平阿記個場
真係激動人心  心都顫左一下
下半場香港反而越戰越勇   士氣激增
成班人都被香港隊既表現牽動
加時都重有咁高水準
就已經教人心悅誠服   任舍支持香港既人都無悔喇
射12碼  一個最殘酷既決勝方法  幸好受刑者係日本
雖然第一球射失  但係香港後勁強勁得驚人
係一片歡呼聲中   拎到一面金牌
享受著勝利在微風既祝福.....   呢度又有少少誇
打破左以往未係大賽拎金牌既宿命喇
香港隊再唔係病夫!!!!!
至少係今日香港足球隊可以真真正正抬起頭
香港既勝利唔單止係香港足球界既里程碑亦都給予我對事物新既體會
原來有一個高昂士氣真係會激發人既能力
今次香港主要唔係贏技術
就係贏戰意 士氣 決心 勤力 氣勢
香港每一個球趴都用盡氣力
每一個機會都唔放過
亦唔容許日本有息機會
就係追番1-1時  日本真係被香港打到亂左
就知香港有著以上勝利寶典既因素真係可以令到實力大躍進
佢地落後時仍然唔絕望
講真  對日本  香港亦自知實力有少許差距
如果冇心態作戰  就一定係被人帶住黎玩
就算輸  都唔可以輸鬥志
就等同對大逆賊既戰事咁
就算而家都可以叫孤軍作戰
就算殘存一口氣  誓要作戰都最後一刻  最後勝利為止
忍住淚水轉其為動力  讓自己知道自己是可能的
有人又會吹毛求疵香港對日本青年隊先贏得咁辛苦
有何重要?以實力取勝就是皇道
誰人可以要求這個時候既香港足球可以戰勝巴西?
歷史上留名的只會是勝利者的名字  就是這樣
現在外憂內患俱備   自己實力未足
但我的處境比香港足球界還有利
起碼我要起步一定會比其容易得多
我只信自力是可行

因被勝利沖昏頭腦   心情未能平服  
思緒仍然混亂           就我克服過後再補充