年30晚果時突然個朋友打黎，問我返唔返去佢鄉下玩下。我當時諗下呢幾日又冇咩野做，而且又咁得閒的呆著。好啦!! 一口就應誠左了。就前晚我已經收拾好行李，等待明天出發。本來個朋友約我 7:00am 係上水等的，好在我個人約親我都會出發前都一定打一打電話比人confirm一下先會出發的。好似今次咁，好在我打左比佢先，如果唔係又比放飛機就真係多得佢唔少。我一打去，佢話同人打緊麻雀，仲有2圈未打完。我心諗 "FXXK 你丫"，好!!~~ 咁我再訓過啦，訓左2個鐘再打一打去，佢回應我話: "仲未打完wo~~" ， fuck 再訓...好喇 1:00pm 喇佢打比我，終於出得發喇。
我同佢先由上水坐火車到羅湖，再轉巴士入惠洲，去左惠洲落左車之後，我朋友話係到等要再轉多程巴士先入到去 - "嘩!! 咁q遠o既!!"。等等等等等等等等等等等q左好耐~~ d 凍風不停咁吹吹吹吹入我件衫，凍到我死下死下!! 再等等等等 左成個鐘有多，都仲未有巴士。之後走去問果d白牌車，問下去果條彩2村收幾錢，第一架問左話收$100。oh 貴到咁~~之後再問第2架，話$20/人。我朋友之後話返比我知佢平時去開都係收 $50。真係新年搶錢!!好了!! 唔夠半個鐘就到喇。落左車就見到我朋友個妹係門口到望住我地入去，我打了一聱招呼就入屋。
我今次黎最主要就緊係玩煙花同埋想揸下電單車啦，不過因為我地入到去都天黑了，第一晚冇咩野玩過就沖左個涼就訓了。訓下訓下~~ 越訓就越凍!! 起身望下個鐘，訓左1個鐘多少少，太凍唔想起身，再卷埋張好cheap o既被再訓過，訓下訓下又凍醒左，再望下個鐘，都係訓左1個鐘多少少，真係太凍又唔想出去嘈醒人地~~再卷緊dd張被再訓過，如事者~~ 不停咁樣個幾鐘又醒一次...個幾鐘又凍醒一次~~ 成晚冇覺好訓咁訓到天光喇~~ 所以一大早我就醒左係到等個朋友醒，諗住可以出去玩下喇。醒左出左廳到等佢起身，等下又等下，由9:00am 等到2:00pm 佢先起身  。
內容太長，待續啦!!
|
