琴日..去浸信去左塔石出Show,,

三點三返到學校...(D人又遲到) 跟著就攞晒D野落地下...因為管樂堂去左二樓...所以D效率好似快左..

結果都係我跟貨車...去塔石搞一搞...就搞到成七點幾八點...[阿龍都話：今次係有歷以黎好耐ga」而返浸信ga貨車又係我跟...

個個都話有事走先...我屋企同塔石差兩條街炸...我都跟埋D樂器呀...(淨係顧自己戈支樂器)

夜晚瞓覺之前..我阿媽先同我講..[聽朝去拜山呀，八點鐘叫醒呀~]而戈陣已經差唔多成兩點鐘...係話係咪有問題呀..傻傻地ga

今朝..我好乖咁八點正起左身...然後叫醒我阿媽...由八點叫到八點半先醒...

去買戈少少拜山ga野(攞燒豬、買花、買煎堆等等) 咁樣都要搞成個鐘...跟著發生左好多好多野...最後到左路環戈度拜山..

拜完就返澳門飲茶...去到酒樓就成點四...飲完茶就成兩點半,,,跟著返左屋企玩左一陣電腦就出左去同人飲野(飲咩野就唔提Lo)...

最後就係去青交上堂...

依幾日唔知點解都發生好多唔開心ga野...搞到我唔開心呀~ ~ ~  尤其係比人屈戈件事...我第一次爆晒粗咁話人...

Miss Lam比左D成績我地睇...我D成績同上一段差別唔大...只不過係中文低分左少少；英文仲創新低...11分 ><

數學又高分左...音樂都好高分...結果個平均分都比第一段高分...

今日派左中文測驗...同中文默書...測驗76.5；默書89.5......

英文都唔知點算...我計過...要三段拉埋ga英文分合格...我第三段ga段分要89.25...唉~ ~ ~

第三段真係要努力La...

to Shabu...記著哦...我唔會認你做女嫁...做我個仔都唔得呀~ ~ ><"

前兩日...比Miss Lam叫左出去密密針...講左幾多野...至於講左D咩...就唔講好過講La...

搞到我又係度左諗右諗...其中有一樣...佢話連Ping姐都係咁講...話我罵人好唔留情...一D剩地都留出黎...

就連我成日話人蠢人都...依兩日我又諗諗下...真係Wo...熟我ga人就話知...我係慣左...係唔係都咁講野...不過唔識我戈D人會點諗呢？

唉~~有好多野會跟著黎呀~~~下個星期六就派成績表La...下午仲要出校園繽紛Show...

再下個星期六上午又要出Show，跟著就要行山La...仲要係考核黎嫁...!!!

五月一又要出戈D唔知咩Show...最緊要就係聽日要大測中文呀！！！

今日潔倩又無返學La...真係擔心佢ga病...碧碧又係...

今日落雨...仲以為體育堂唔使跑步Tim...點知都係要跑...戈個死人野叫左佢唔好跑都仲係要跑...

搞到佢跑完個心跳到鬼死咁快...仲話頭暈Tim... = =

話時話...原來Miss Lam有睇我D Spaces，應該未睇我依個Blog...等我po埋依個Blog條Lonk上我個Spaced先haha

睇下佢會唔會上我依個Blog先...

唔講La...我要努力訓覺...費事聽日測下測下驗訓著左La... 呵~