今日一大清早同水妹同佢兩個fds組成左早餐黨，我食左腸粉，好好味！
水妹o個兩個fds係美瑩同美娟，佢地同我都幾傾得埋，幾 arm key 嫁！
崇拜之後，因為李寶姐姐話想食餐包，所以去左扒王食。
我食左一個焗豬扒意粉，我去親食扒ge地方就一定會食焗豬扒飯or意粉，唔會食牛扒...
下午，我同水妹搭8X去銅鑼灣，約左Alan哥哥係Sogo門口等。
點知架車因為有巡遊而兜路，搞到我地遲哂大到，仲要行好遠返去Sogo。
跟住呢，當我地企係Sogo前條馬路對面，條馬路封左，
我地要眼睜睜望住個巡遊隊伍係面前行過，同時比太陽哂到出哂汗，企足15分鐘。
只係差幾步就到啦！我而家先至明白乜野叫做「在你遙遠的附近」 ~ (笑
終於到左世貿啦！我地影左好多相，影左7部機，影到5:30，
人人都問我地係咪傻左，影咁多。
夜晚，我同水妹係美心快餐約返爸爸、媽媽同細佬，一齊食飯。我又食左焗豬扒飯... ^.^"
我地食得好趕，7:30要睇戲。
我地係UA睇《Spiderman 3》，睇到10:00。
真係好好睇ar！好睇過《十分愛》 ~ ^^
今日玩左全日，好Happy！
但係冇做過野，又有D空虛感......
唔緊要啦！聽日要開始努力，考好個試再去影過貼紙相！！！
