＊呢篇日誌係補寫的，因為前兩日部電腦無啦啦上唔到網...＊

今日朝早，一樣好遲起身，早餐食左塊吞拿魚三文治，就開始溫書啦！

進度好慢，而且淨係得個幾鐘，之後又出左街............

原本個計劃係咁ge，媽媽帶我同細佬去救世軍放低D執完房唔要ge玩具，

之後帶我地去食味千拉麵 (我從來未食過噢~)，食完我返屋企，

媽媽同D姨姨去黃甫o個頭食飯。

點解細佬可以跟住媽媽呢？

因為佢D功課全部都要係網上做，所以佢呢幾日唔使做功課lo！真係唔公平！

但係結果我地太遲出門口，去完救世軍之後媽媽唔夠時間帶我去味千，

所以我跟埋佢同細佬一齊去左黃甫~~~ (都唔知係好事定壞事......)

我地去左意粉屋，o個時醒起五姨屋企有兩部電腦喎！

所以我地就上左佢屋企，我同細佬都可以做功課 ~ ^^

可惜我用o個部電腦冇九方，我又做唔哂功課，冇得寫Blog...

等 我表妹---瑩瑩 放左學，姨長放左工，我地就拉大隊出去食飯。

食完飯返到屋企都10:30 lu，我搞掂埋D功課，又冇溫到習.................

今日好悶呀！

成日留係屋企，唯一出過街ge就係去學琴 ~ = =

今朝11:00先起身，朝早做左好少野，跟住就食飯啦！

我媽媽話比自己一日假，同三姨去shopping，午餐同晚餐都係出面食。

全個下午只係得我同細佬係屋企。

我4:00出去灣仔學琴，我覺得好煩，學1粒鐘就要特登走出黎，

所以一直都好燥，覺得呂Sir好鬼煩，講咁多野。

佢話呢個月成個月都要「在狀態」喎，預備考琴。

我覺得好辛苦呀！學校又咁多野要兼顧......

(閱讀全文)

今朝一早，較左鐘7:15度起身，但係鬧鐘未響就醒左。

一覺訓醒只覺隻眼瘀痛，諗返起尋日ge事，真係火都黎埋。

我o羅塊鏡照下，好彩冇腫到，亦冇毀容。

洗面刷牙之後，我地一大班人一齊落去食早餐。

呢餐真係好好味，有公仔麵任添，加腸仔同蛋！ ~ :P

飯後佢地又要上堂，細佬問我去唔去室內球場打波，

我先唔會再去o個D咁ge鬼地方！

我媽媽都唔使做訓練，所以我陪佢行左出營，親近一下大自然。

我見到周圍ge草木，就感受......

(閱讀全文)