＊呢篇日誌係第二日補寫的，因為入左camp＊
今日一早約左水妹一齊食早餐，所以8:00就要出門口。
原本我爸爸都要早返禮拜堂練歌，
佢尋晚話如果今朝邊個遲出門口就唔等對方。
結果我等左佢10分鐘，佢仲沖緊涼，我先冇等佢 ~ =.=
我同水妹每人食左$6腸粉，係例牌嫁啦！
崇拜ge時候有洗禮，我地團契ge詩恩有份洗禮，真係恭喜哂！
之後我上左去兒童崇拜度幫手睇住D小朋友，
但係D小朋友上去o個陣我地都要一齊出去，
其他人見到都當我地係小朋友，真係慘！
成個崇拜完左之後等左n咁耐，終於可以食lunch啦！
其實我好想同水妹一齊出去食，但
係爸媽又唔聲唔聲買埋我同細佬張逾越節「晚餐」飛，
唔食又唔得，所以我好燥，非常之唔想食o個D苦菜同埋咬 牙ge無酵餅！
但係後來忍左半粒鐘，終於到左食正餐ge時間，D野食都幾好味，就唔嬲啦！
食完之後，好快就要起程入camp。
我地渣車入去上水展能訓練營。我係出街前將部MP3 charge好電的，
但係我一路聽，聽聽下訓著左，浪費左唔少電，希望唔會唔夠啦！
因為我地只係詩班入面要入黎訓練ge人ge家屬，所以入到黎其實冇乜野做。
個室內球場掃緊地，我地就玩住足球機先。
後來開放場地啦！我地就入去打羽毛球同籃球。
我打羽毛球，但係球球都接唔到 (唔係我)，好冇趣，所以就去左射籃。
點知打打下有班「gentlemen」黎踩場喎，我地咪唔理佢地lo。
佢地踩場不單只，仲搶住接我地個波再比返我地，好似好有風度咁，
又時不時o羅左我地個波黎射，又唔入喎，係度懶形，真係好鬼討厭！！！
打下打下我走去場邊休息，細佬走埋黎同我講，
不如叫其他一齊黎ge朋友打雙打，咁樣我地咪唔使等咁耐lo！
我話好，於是我細佬就大叫，但係打緊波ge佢地聽唔到。
咁我諗住幫拖，咪行去中場外諗住叫佢地lo！
點知有兩個 XX (都唔知點叫佢地) 係籃球半場同羽毛球場中間打羽毛球，
我都未行到埋去中場已經比其中一個 XX 揮拍打到隻眼啦！
o個下真係好痛，我仲好嬲，又好驚，又好想喊！
隻眼不斷流眼水，媽媽問我睇唔睇到野，我試下，仲睇到，好彩。
如果睇唔返，o個個 XX 就知死！
媽媽帶住我喊住返房，我用凍水敷一陣，兩隻眼都冇咁紅啦，
但係我仲好唔開心。
不過媽媽一直陪住我，好多謝你，媽媽！
後來其他人ge訓練完左，到左食飯時間，我就落飯堂一齊食。
其他幾圍枱係o個班「gentlemen」，真係冇胃口食飯。
飯後，我心情好左少少。我地玩左D遊戲，都幾得意。
玩完o個時只係8:00幾，我同媽媽上房預備沖涼。
個浴室係地下o個層ge廁所，好麻煩。
我地好早就上左床，我一路聽住MP3，又訓著左~ = =
今日真係好唔開心呀！！！
T^T ~ T^T ~ T^T ~ T^T ~ T^T ~ T^T ~ T^T ~ T^T ~ T^T ~ T^T ~ T^T ~ T^T ~ T^T ~ T^T
