今日行程好緊密
一早走左去馬鞍山剪頭髮
ok喎
次次阿輝都剪得我好靚
雖然屋企人同表表都唔覺我剪左
不過我自己就覺得個頭輕晒囉!
真係遠d都抵!

一剪完頭髮
由於阿輝太忙啦
我又趕住去食飯
所以頭都唔吹就走左
去左同妙妙, chloe, 阿翟食飯
好勁喎
幾個字時間就食晒
可能大家都等到肚餓啦

一食完飯又趕返學校
要考試呀
其實已經遲到...
因為拎住太多書...
考得唔好
仲衰過SI
可能唔夠practice啦
不過算啦
應該夠pass掛

放學去到bookdrop還書
一揭開
見到有個人o係度
嚇死我!
(當然係圖書館管理員啦)
以下係我既反應:
我:咦?(心諗:有人既)
我:咁d書係咪掉入去?
圖:拎黎丫
(俾左三本佢)
我:仲有喎
(再俾三本佢)
我:唔該晒

表表話人地唔知
以為我係傻架
猛咁同個bookdrop講野
我諗返都覺得搞笑

返到粉嶺
食左手作之店既雪糕
兩個大球呀!
雖然係肥d
但係要慰勞下自己嘛!
又要趕功課
又要考試
真係得返半條人命架!

夜晚去左荃灣晚膳呀
精彩既一日!

今日由於天雨關係
同埋雷暴警告
第二日既陸運會取消左
同學仔當然係最失望啦
明明有得去玩
變左要o係學校上堂
慘!

勁忙
個個同事都做到發晒癲
大家咁辛苦
早半個鐘走都唔係好過分姐
咁都唔體諒下?

好彩冇返學
返埋學份功課真係凍過水
而家一放工返黎做
做到12點先o岩o岩好
真係趕到甩褲呀!

返埋聽日!
正!

今日本來係學校大日子
就係一年一度既陸運會
可惜一早就雷暴警告
7點幾返到去
唯有做其他野
d同學仔就照上堂
大家都好失望

到左11點左右
天氣好轉
雷暴警告都冇埋
咁我地就全校移師運動場
好彩運動場o係隔離
不過見到一大條人龍向運動場方向進發
何其壯觀!

我負責入分數
可能因為要追返之前d項目
所以真係好趕
出面比賽好趕
入面入分又好趕
做到發癲!

到左最尾一個項目
就係8x50米學會組織接力賽
我地校務處都組左一隊呀!
Eric
Iris
Esther
阿清
積西嘉
我
威廉
阿Will
雖然我地既男隊員好勁
但係男教師隊仲勁
第一棒已經拋離一大截
冇得追...
雖然輸左
不過好開心
因為真係可以同大家一齊參加活動
呢種感覺好close!

夜晚考左SI
唔算好難
但係可以做得更加好
不過都應該夠pass
過左關就算!

好忙好忙
返工好忙
因為要清好多野
舊既未去
新既又黎...
返學好忙
因為exam黎緊
呢個week兩科interp考試
一向我既interp都唔好
當然會好緊張
仲要交chinese computing
呢個就更加折騰!
呢兩晚應該都冇得訓架啦
唉...
我就黎發癲

今日成班同事去左飲茶
同crystal餞行
12個人食左四十幾五十碟野
當見到成枱野食
都仲有人拎野食黎既時候
o個種感覺好恐怖
不過食得好開心
大家有講有笑!

下午做野做到悶悶地
去左操場睇陸運會綵排
見到d啦啦隊跳舞
諗返以前自己都玩過啦啦隊
不過好多年前啦
而家唔興我地以前d啦啦球
而家o個d好靚好閃架啦

今晚又上chinese computing
真係想死
勁想走堂返屋企做功課囉
一諗起呢科就真係...SAD!

今日crystal放假
我要早d返去替佢做點名簿
可能係假期後第一日
所以特別多人遲到同冇返
真係打電話都打到手軟
除左要做我好同事既工作
仲有自己o個d...
真係做到人都癲呀!

因為今日放早左
所以出到又一城之後
我就走左去super sandwiches
食左一個好豐富既tea!
正!

又發癲啦...
又買衫
一件背心
一件外套
一條短褲
all in white
近期好鍾意白色衫
清純!