有朋友決定出國讀書啦.......

好唔捨得佢

雖然只係識左兩年

但係我已經當佢係好好朋友

佢好叻架

又勤力

教識左我好多野

讀書方面仲幫左我好多好多

好唔捨得

好羨慕佢可以去外國讀書

我都好想去

好想去見識多d

去試下另一種生活方式

不過都冇乜機會架啦

唯有等佢講多d去第二度生活既野俾我知啦

希望佢去到外國讀書順順利利啦

趁佢未走

呢排打多d電話搵佢傾計先得

第日只可以用icq同佢傾咋

仲有同佢講阿蓮達壞話

冬田

好好保重啦

放假有錢就返黎搵我玩呀!!!

突然間

好懷念一d野

懷念以前讀書既日子

懷念以前既同學仔

懷念以前既課外活動

懷念以前無憂無慮既日子

懷念以前............

太多事發生左之後

人變左

可以話個人煩左

可以話個人諗多左野

又可以話個人成熟左

發生左既事

令我睇到好多野

我知道乜係最重要

朋友, 家人

佢地對我既支持係最大

愛情

我可以唔要

對我黎講

一個男朋友唔再好似以前咁重要

原來我可以咁堅強

呢件事令我覺得好自豪

我會好珍惜我既人生

我知道.....

無論發生咩事

我都可以解決到

我都可以好好咁生活落去

我好叻!!

點幾鐘起身

飲茶

食左好多野

我好鍾意食既楊枝甘露

好飽

打麻雀

一蚊一舖

本來羸左

點之最尾得返半份本......

悲!!!

聽日又唔知做乜好啦.....

又冇工返喎

點算???????

又發霉...........

今日返工

同左一個男仔一齊坐

個男仔好面善架

一定係以前中學同級同學

但係我又唔可以肯定係邊間中學喎

(我讀過好多間架嘛)

我又冇理由無端端走去問佢係咪識我

如果佢唔認得我

咪瘀死? 呵呵!

不過我今日同佢都傾左一陣計

下次見到佢再試下問佢啦

禽晚同個好朋友傾計傾到好夜

好耐冇試過傾左咁多心事啦

我實在太感激佢

當然仲有佢地 (我一大班好朋友)

o係我最唔開心

最down既時候支持我

陪住我

雖然我做錯左一個決定

但係佢地都認同我

令我太感動啦

我好幸福

因為有佢地陪住我

我諗呢個係我呢世人最大既收穫

今日睇返好多細個時既野

以前同朋友仔d通信呀

仲有紀念冊

好掛住以前d朋友仔呀

好想搵佢地一齊去玩下

大家都好耐冇見啦.......

不過玩還玩

唔好玩d咁熱架

我怕熱!!