阿媽話
"你下次唔好提跑步呢兩個字, 一提就落雨"
係囉
知我想跑步就落雨
落又唔落大d
搞到我去又唔係
唔去又唔係
好唔自然呢
今日冇去到跑步
唔知又肥左幾多磅呢???
聽晚又要返馬會
冇得跑
噢..........

今日打電話俾阿媽
阿媽: 喂
我:喂, 你好, 我係無線電視打黎架, 想通知你你中左頭獎呀
阿媽: 下, 係呀? (扮驚喜)
我: 係呀, 你會得到我地無線送出既名廠...........手推車一架!請你盡快黎領取丫

以上就係我同我阿媽既無聊對話啦

呢幾日d天氣真係唔係咁好
搞到個人成日都好似好眼訓咁喎......
唉.....真係好唔掂呀.......

救命
我就黎諗到頭爆啦
究竟我應唔應該唔續約呀????
點算呀????
好苦惱呀......
最衰連in都冇得in......
仲點敢奢望會有人請呀?
嗚.......

今日放工返黎去左跑步
有d累
不過好舒服
真真正正愛上跑步!
雖然跑左一個鐘零三個字
(唔敢跑咁耐,隻腳剛剛好返)
唔知消耗左幾多脂肪呢???
返到黎屋企諗住食少d野啦
走去食左個蘋果
點知........
冇幾耐又餓返
噢.......
卒之都要整隻粽食(細碼)
唉.......
再一次增肥啦
唔止喎
阿媽仲買左杯"許劉生"乜乜芒椰撈俾我飲
噢賣吉!!!! 
唔止唔瘦
仲肥突.........
一直做運動都唔覺有瘦到
只係好似個肚腩firm左少少
好少好少........
God Bless Me啦真係

今日突然諗....
好唔好唔續約
一心一意出黎搵工呢?
但係如果真係搵唔到工
咁又點算呢????
好苦惱
頭都爆啦........
諗極都諗唔掂......

願望一
轉工
願望二
瘦身
願望三
有多好多個願望

而家只係11點幾
但係我已經係等緊收工
呵呵
今日真係好忙呢
好多文件要打
真係手都軟埋
你話咁落去
我可唔可以一分鐘打100個字呢???

今朝同d學生打作文
寫一d佢地對畢業既感想
令到我突然諗起我既小學畢業
(雖然都已經係好多好多年前啦)
o個陣我同佢地既心情係咪一樣呢???
我o個陣最唔捨得既人會係邊個呢???
(可能係我鍾意既男同學,呵呵  )

今日又寄左信
唉......
永遠都係得個寄字
一d回音都冇
灰........
極灰.........
我要快d轉工呀!!!!!!!

親愛的話我個日記靚左好多呀
好開心
我一定要繼續努力
再整得靚d
再寫多d日記
我要日日寫
仲要日日寫幾篇
睇到你地嘔!!!

今日返完馬會
小簡簡就帶左我同翠欣去影証件相
當然莫美都陪埋我地去啦
我地一行四人一去到就簡直係拆檔
煩左老闆幾耐呀
我同翠欣一開始就影左四張
不過四張都唔係咁滿意
咁我地咪要求老闆同我地影多兩張囉
點知
影多兩張之後都覺得唔係咁靚
可能我唔靚囉
所以影極都唔靚
噢.....
到最後咪唯有o係六張入張揀一張囉
冇計啦......唔通真係影到滿意先咩
如果係咁
真係搞天黑都未搞掂啊!
老闆仲幫我地執到張相好靚tim
原本我想整到塊面瘦d架
不過老闆話至多都只可以拉長張相咋
咁算囉....我唯有接受現實囉

晒完相之後去左買ice-cream食呀
俾個衰女人激親呀
一定要食d甜品安撫下自己
之後就係無印良品一遊
最後一站就係陪莫美去origin買洗面膏
個衰妹呢頭話冇錢
o個頭又買左成500蚊野
仲做埋會員
真係唔知好嬲定好笑呀

之後返屋企睇掌門人
食粽
沖涼
而家睇緊pride啦
咁又一day

聽日又要返工啦
最近離心越黎越大
好想轉工
等待機會中

今日好爽啊!
訓到成點幾先起身呀
之後食飯
仲有睇電視
睇個同事借俾我既鋼之鍊金術師
好睇!
強烈推薦
而家睇到第十二集
到左六點幾就join埋肥妹出去阿婆度
冇乜特別
都係例行工事啦
洗碗同掃地囉......
次次都係咁
聽日又返馬會
我既生活真係好似好平淡咁
每日每個星期每個月都係做呢d野咁
比起人地
我既生活真係好普通
其實咁係好定唔好呢?
我都唔知......
好似已經好似一個中年女性既生活
呵呵
當我仲係少女既時候
都冇過一d少女既生活
真係時光流逝
冇得後悔
一諗到呢度
我就更想去旅行
去睇多d呢個世界
老左就想去邊都去唔到架啦
可惜而家又冇錢喎
好矛盾!
真係要好好諗下
究竟可以真正享受生活先得